السلا م عليكم ورحمة الله وبركاته
ابقولكم رجيمي اللي أخذته من أخصائي تغذيه قبل كم يوم
والله رجيم حلوو وصحي ومفيد
وتقدرين تستمرين عليه والوجبه متنوعه من كل شي
وانا اسويه ما احس بالجوع الا قليل
بس لازم تحاولين تمشين نص ساعه كل يوم
اعطيكم الرجيم
1600 سعره حراريه باليوم
معلومه: 60 جرام يعني حجم نص الكف اللي هي الاربع الاصابع من ايدك
والثلاثين جرام يعني مقاس اصبعين بس السبابه والوسطى
النظام الغذائي:
2 كوب ماء قبل الإفطار بنص ساعه
الإفطار:
نص كوب حليب اونص كوب لبن او زبادي قليل الدسم
30 جرام جبن قليل الدسم أو بيضه مسلوقه >>يكون الصفار مرتين اسبوعيا
ثلث خبز بر أو 1 صامولي أو 2 شريحة توست اسمر
1 حبة فاكهة أو نص عصير طازج بدون سكر
الغداء:
شرب 2 كاس ماء قبل الغداء بنص ساعه
سلطه خضراء
نص كوب حليب او لبن او زبادي قليل الدسم
60 جرام لحم او دجاج او سمك
نص كوب رز او مكرونه او جريش او مرقوق ( عبارة عن 4 الى 5ملاعق) وتاخذين معها
ثلث خبز بر او نص صامولي او 1 شريحة توست
>>>تقدرين تشيلين الخبز وتاخذين بداله رز او جريش او مرقوق يعني تضاعفين الكمية
ويصير بدال الاربع ملاعق تاخذين 8 ملاعق رز بس بدون خبز
1 حبة فاكهة طازجه او نص عصير طازج بدون سكر
العشاء:
شرب كاسين ماء قبل العشاء بنص ساعه
سلطه خضراء
30 جرام لحم او دجاج او سمك
30 حرام جبن قليل الدسم
نص كوب رز او مكرونه او جريش او مرقوق ( عبارة عن 4 الى 5ملاعق)
او
ثلث خبز بر او نص صامولي او 1 شريحة توست
1 فاكهة طازجه أو نص كوب عصير طازج
بدائل الفواكهة:
تفاحه-برتقاله-كمثرى-1 خوخ- نص موزه 0 1 كيوي
– 6 حبات عنب – 2 حبة تور – نص كوب بطيخ
– 2 حبة مشمش – نص جريب فروت
– 2 ملعقة طعام زبيب – 2 حبة يوسفي
********
الرز تقدرين تاخذين بداله بس بنفس الكميه
جريش او مكرونه او مرقوق او بطاطس مسلوقه او فول او حمص
طريقة تناول الطعام :
1- الماء
2- السلطة الخضراء
3- الخضار+ اللحم او الدجاج او السمك + الخبز او الارز
4- بعد الوجبه بنص ساعه تناول الفاكهة
5- اشربي بالصبح ملعقة صغيره خل التفاح
واول ماتبلعينها اشربي وراها علطووووول كاس ماء
بس يابنات لازم تتأكدين ان الخل اصلي
كيف تتأكدين؟؟؟؟
انا اقولك
يكون الخل فيه خيشه من فوق ويكون لونه
داكن مو فاتح وسعره تراه رخيص يمكن بــ 15 ريال فقط
تـــــنـــــبــــــه: اللي عندهم مشاكل بالمعده
مثل قرحة المعده وغيرها لاتشرب خل التفاح
لازم المشي كل يوم نص ساعه
والدكتور قالي اذا مشيت عليه بالظبط انزل تقريبا بالشهر سته كيلو
انا وزني 86 ويمكن اللي اوزانهم كبيره ينزلون اكثر
مع تمنياتي للجميع بالرشاقه واي سؤال انا جاهزه
نوني الشطوره @nony_alshtorh
عضوة فعالة
تعااااالوا شوفوا رجيم نوني الشطوره من اخصائي التغذيه نظام سعرات رووووووعه
35
5K
يلزم عليك تسجيل الدخول أولًا لكتابة تعليق.
ام دوللي
•
مشكووره
يهبل ماشاء الله بس مارح ينزلني كثير يمكن يناسبني لمااقرب من هدفي لانه مليان خبز ونشويات
الصفحة الأخيرة