فإن الحريم في المنزل يعانون حالة الطوارئ في اليوم الموعودفتلقاهم صافين طابور عند باب الحمام .. من أجل أخذ دش بارد
<<< لأنهم مؤمنات بالقاعدة الفيزيائية التي تقول
أن الأجسام تتقلص بفعل البرودة
************ *******
ثم يهبون إلى غرفة العمليات فتحصلهم مايخلون مراية في حالها ..
** فتلقى وحدة عند مراية التسريحة تتمكيج
** ووحدة عند مراية الدولاب تركب عدساتها
** ووحدة عند مراية المدخل حق البيت تستشور شعرها
** و وحدة محتارة أي فستان تلبس
وكلما اختاروا لها فستان .. قالت : لا .. قد شافوه عليّ<<
** ووحدة تترجى اخوها : تكفى ود فستاني للمغسلة وقول لهم يخلونه مستعجل
** ووحدة متوهقة مالقت الحلق اللي يناسب لون فستانها
** ووحدة تقول لأخوها : تكفى مر على جارتنا وخذ من عندها الأكسسوار التفاحي
** و وحدة .. انفرط سحاب فستانها .. وتبي الخياط يصلحه
<<< والله من السمنة الزايدة
************ *****
وصجة .. ولجة .. وحوسة ...
وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت السالفة )
************ ********* ********* ******
بعد ذلك .. يركبون السيارة بعد ما بح صوت أبوهم وهو يناديهم ..
** والمصيبة إذا أخذوا مسافة بالسيارة وجتك وحدة دايم مضيعة
تشهق شهقة قوية .. ويقولون : اشفيييييك ؟؟؟ وترد عليهم : نسيت شنطتي تكفى يبه رجعنا للبيت
يااااااليييييييييل......
************ ********
وبعد عناء طويل يوصلون إلى القصر ويدخلون
************ ******
ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي ...مستعجلة...
************ ********* *
ثم يتوافدون إلى المسرح وشف الرقص كيف
** اللي تحط رجلها من شرق المسرح إلى غربه ولاَ أحد يدري وش بلاها؟؟
**********
** واللي تهز وهي واقفة مكانها بركادة << على بالها أنوثة ..
************ ******
وتعال شفهم اذا غنت الطقاقة .. ( يالتكسي)وقالت : وخذ يمين وبعد يمين ..
تلقا الحريم فعلاً ماخذين اللفة يمين في يمين
<<< طبعاً من غشامتهم .. يتصاقعون في بعض
************
والوحدة فيهم بتتشقق من الفرحة إذا جت الطقاقة بجنبها تلقين قلبها طربق طربقوقالت :
( يا أحمر يا أحمر .. عاشو .. على قلبي )
<< طبعاً الأفندية فستانها احمر ..
رااااااايحة فيها محد قدها......
************ *****
** وتلقا ثنتين هناك يرقصون نفس رقص العراقيات
وطبعاً العجايز منصدمات .. ومافيه إلا قوة دعاوي على هالبنات
************ **
** وإذا جت أغنية مصرية ..
تلقا الأغنية والإيقاع في وادي .. والرقص في وادي آخر إلا من رحم الله ..
<< واللي تعرف ترقص مصري .. تلقى البنات يتشحذونها تقوم وهي ترفض ..
طبعاً من حقها .. تخاف يصكونها بعين على كيفك
***********
والوناسة إذا قالت الطقاقة : ( رقصة خاصة لأهل العروس ) تلقاهم يستلجون إذا قالت : ( كل آل ' فلان ' خيّالة )
<<< وهم في الحقيقة .. لم يركبوا حصاناً قط ..
هههههههههههه
والله جد هاذا حالنا أيام الزواجااااااااات
وبسسس وانتهيينااا .....
احتــــ في اسمي رت
ياحلو الركادة ..