lelyan @lelyan
محررة
تعالوا أقول لكم كيف سمنت بعد عناء مرير دام سنوات
السلام عليكم ورحمة الله
..........................................................
يا بنات أنا كنت أتمنى أسمن وأغطي عصاقيلي من يوم كنت بزرة بالمتوسط
كنت أتمنى شحم ولحم يدفيني بالبرد وماأضطر البس جايت فوق جاكيت
وأن جسمي يقوى شئ لأني مع المشي بسرعة أتعب وألهث
كثير أشياء كنت أجربها وكانت تعطيني نتائج بسيطة
وأحب أعرض عليكم تجربتي وأقول لكم أكثر الأشياء الي غيرت فيني
أمي في يوم ما الله يخليها لي جابت لي من عند GNC بودرة بروتينات
دورت علبتها من موقعهم مالقيتها
لكن أوصفها لكم :
العلبة لونها أسود وكبيرة مثل علبة الطحينية الحجم الكبير الخضراء إذا شفتوها قبل
تماما زي شكل السطل
كل يوم قبل لا أطلع الصبح أشربه على الريق مخلوط مع حليب
وفي الليل أشربه مرة ثانية
طبعا طعمه مو حلو لكن لابد دون الشهد من إبر النحل
وبعد ماشربته حسيت بتغير كبير
بشرتي صارت نضرة + جسمي صار أقوى وماصرت أتعب بسرعة
بعدها بسنة جربت أشرب المحلول وعطاني نتيجة لكن طبعا مو مثل نتيجة أول مرة
لأن أول مرة جسمي كان محتاج وماتعود المسكين على الفيتامينات
بعدها صرت أحينا آكل خميرة وأول مرة أكلتها نفخت لي وجهي وبشرتي احلوت
وبعدين ماصارت تعطيني النتيجة الي أعطتي هي أول مرة
لكن طبعا أستفيد منه
بعدين حسيت بالتغيير يوم صرت أشرب زبيب يماني
أجيبه وأخلي الشغالة تنظفه زين زين زين وفيه عطارة في الرياض هي الي ألقاه عندهم نظيف
وهي عطارة بيت الأعشاب , الفرع الي أتعامل معه الي في حي المروج بالرياض
بعد ماتنظفه تربصه بالموية لنصف يوم تلقين موية الزبيب انصبغت
تقوم تخلطها بالخلاط مع مويتها لأن مويتها الي متربصة فيها صارت خلاص نظيفة
وتحطها في جيك الموية
وكل يوم قبل لا أنام أشرب كوم وإذا شربت وخلصت أكافئ نفسي بشوكولاتة
لاني متعودة كل يوم في الليل اكل شوكولاتة او اطلب من برا وصرت اشجع نفسي
وأقول إذا شربت أكلت الي أبي <<<< وش أسوي مافيه أحد يشجعني
وسمنت شوي , أجيب كيلو زبيب وأخلصه بعدين أرتاح شهر بعدين أرجع له ثاني
يمكن خلصت أربعة أو خمسة كيلو
وماأبي أحطمكم لكن ماكانت النتائج سريعة وماكنت ألوم نفسي لأن جسمي مخلخل مسكين
يحتاج ينبني من داخل حتى يبان ويظهر من برا
وكنت في هذي الأثناء آكل أحيانا حبوب خميرة البيرة
وكنت أعود نفسي آكل الي أشتهيه
لأن مشكلة النحيفة تشتهي الشئ وإذا ماراحت وأكلت الي تبيه أو إذا ما أفطرت وجاعت
خلاص تنسد نفسها باقي اليوم و خلاص شهيتك تنسد ..
كنت أروح السوبرماركت وأشتري كيس شبس وكاكاوات وكل شئ أحبه
كورن فليكس , بطاطس مجمد , ذرة مجمدة , ... الخ
وإذا جلست أقرأ ولا أسوي أي شئ واشتهيت شئ آكله
الشئ الثالث الي جربته ولاحظت تأثيرة حبوب زيت السمك
طبعا فيه أنواع كثيرة النوع المشهور هو الي يكون في علبة الغطاء حقها أحمر
سعرها يمكن 10 ريال أقل او اكثر شوي والحبوب لونها اصفر شفاف
وجربتها مرتين لكن ماحسيت بأثرها
قامت أختي جابت لي قبل كم شهر حبوب زيت السمك مرة حلوة نفس شكل النوع الي قلت لكم عليه
لكنها في كرتونة بيضاء وسعرها يمكن حوالي خمسين ريال
وحسيت لها تأثير خفيف
بعدين رحت اشتريت كرتون ثاني طلبت من الصيدلي حبوب زيت السمك واعطاني الي في علبة
قلت له لا عطني الي في كرتونة واعطاني الي قلت لكم عليها
وحسيت اني سمنت شوي
وخلصتها كل يوم آكلها ثلاث مرات في كل مرة حبتين
بعدها اشتريت حبوب زيت السمك الي في علبة لكن معها فيتامينات لونها بني وهي بعد حلوة
وسعرها يمكن حوالي خمسين ريال
والحين جسمي الحمدلله حلو قولو ماشاء الله
وفيه بلايز ضاقت علي
........................................................
وأخيرا وليس آخرا ..
أوصيكم في هذه الرحلة بالصبر وعدم استعجال النتائج
وتأكدي أن جسمك في البداية يحتاج لأن يبني نفسه من الداخل ثم يظهر أثر ملحوظ في الخارج
وأهم شئ أن نسخر جسدنا في طاعة الله ولا يكون همنا السمنة فقط
16
16K
يلزم عليك تسجيل الدخول أولًا لكتابة تعليق.
lelyan
•
الله يبارك فيك وردة عشق
ههه .. ياليت المسألة تنحل بالقطة اهلي يقولون نبي نقط لك
يلا الي تقدر ترسل بالرسائل الخاصة شوية شحم ترسل
مازال فيه اجزاء من جسمي ودي اترسها شوي
ههه .. ياليت المسألة تنحل بالقطة اهلي يقولون نبي نقط لك
يلا الي تقدر ترسل بالرسائل الخاصة شوية شحم ترسل
مازال فيه اجزاء من جسمي ودي اترسها شوي
المفترسة
•
lelyan :
الله يبارك فيك وردة عشق ههه .. ياليت المسألة تنحل بالقطة اهلي يقولون نبي نقط لك يلا الي تقدر ترسل بالرسائل الخاصة شوية شحم ترسل مازال فيه اجزاء من جسمي ودي اترسها شويالله يبارك فيك وردة عشق ههه .. ياليت المسألة تنحل بالقطة اهلي يقولون نبي نقط لك يلا الي...
مبرووووووووووووووووك اختي lelyan
وعقبالنا إن شاء الله
بس اختي عندي بعض الاسئلة لو تسمحي
كم المدة إلي قضيتيها في هذي التجربه ؟
وكم زاد وزنش عليها ما شاء الله ؟
وعقبالنا إن شاء الله
بس اختي عندي بعض الاسئلة لو تسمحي
كم المدة إلي قضيتيها في هذي التجربه ؟
وكم زاد وزنش عليها ما شاء الله ؟
مبروك عليك ياقلبي......وعقبالي ان شاالله.....انا اشتريت البودرة من عند gnc بس العلبة بيضة والغطاء اسود....
والله يهنيكي
والله يهنيكي
الصفحة الأخيرة
والله يتمم عليك
الحمد الله على العافيه....بس كان قلتيلي حبيبتي اتبرع لك بكم قطعة شحم من عندي
خخخخخخخخخخخخ