تعالوا بخبركم قصة ولادتي

السلالالالالالالالالالالالالالام عليكم ورحمة الله

انا ولدت تاريخ 28-4-2008..والحمدلله يبت بنوووتة فديت روحها

اظن تذكرون قصة معاناتي قبل؟؟ كل شوي انط بحلوجكم واقول لكم "اويييه بربي"...وشربت خرووع بس عشان اسرع ولادتي...
المهم هذا الكلام كان تاريخ 26 من شهر 4...وانا موعد ولادتي تاريخ 18-5...فاليوم اللي بعد ماشربت خروع...حسيت ان حركة الببنوتة في بطني مو طبيعية ابدا...اصلا ماتحركت باليوم بطوله..انا هني خفت...قلت خل امشي اشوف شسالفة..ومشيت ومشيت....حسيت شوي تحركت...لكن خفييييييييييييييييييييفةجدا...

وكان زوجي عليه دوام بالصبح وماحبيت اوعيه من رقاده...كنت كل شوي اقوم امشي في الغرفة واصيح ماعرف شسالفة "لأني تعودت فديت روحها على حركتها تكون قوية ودايم ترافس" :(

ماقدرت اتحمل من الضيق ..وفي الصبح قلت لزوجي يالله نسير المستشفى نشوف شو السالفة "على فكرة ماكنت احس بأوجاع ولا الم" ... واستأذن زوجي من الدوام ويا قلبي عليه كيف كان خايف...دخلت المستشفى وقلت للدكتورة ان الياهل ما يحترك فبطني..جهزولي قياس نبض الجنين وجهاز التصوير..شو وتنادي على الدكتوؤة الثانية:( ويتكلمن انجليزي وانا مب فااااااااااهمة شي..بعدها بشوي اخذوني على جنب وقعدوا يهيؤوني للأمر


قالوا نحن لازم نولدج الحين...وهذا الوقت انسب شي لأمرين...لأن موعد ولادتج بعد اسبوعين والياهل الحمدلله مكتمل كليا..والامر الثاني وهو ان نحن مانعرف شو صاير داخل فنحن خايفين ان الياهل متعرض للأختناااااااااااااااااااااااق داخل..والولادة هي الحل

زوجي من سمع طاري ولالالادة تغير لونه شوي وبيغمى عليه " آآآل يعني هو اللي بيربي وبيعااااني اوياااع الولالالادة" :(

وانا يا عين امي الا ارتجف واصيح <<فديتني بكرية واخاف والله...وامسك بإيد الدكتورة واقولها لا تخليني <<مب ويه ولادة خخخ
الموهم دخلت الساعه 11 ونص الصبح في غرفة ولبسوني لبس المستشفى وحطوا على بطني جهاز مراقبة نبض الياهل..وكل شوي يدخلن علي واشوف اشكالهن غير وهن يقرن الورقة ومحد كان يخبرني شسالفة....وعطوني طلق صناعي...وكاااااااااااااااااان الوضع عااااااااااااادي..وانا اضك واسولف واقولهم يوعانة ما كلت شي خخخخخ ...لييييييييييين الساعه 2ونص وانا ما احس بشي ابدا...شوي ويفتحووووون الماااااااااااااي....والله من نزل الماااي وانا احس بآآآلالالالالام الله لا يراويكم اياها...بس تخيلوا هالآلام استمرت لين متى...لين 10 بالييييييييييييييييييييييييييل...اييييييييييييه والله وانا اعااااااااااااااااااااااااني واعض ايد اختي واقولها بموت واقعد استغفر واقرا الادعية وانا مافيني حيل خلالالاص بيغمى علي من التعب والارهاق والاويااااااااااااااع...على الساعه عشر دخلوني غرفة الولادة ...

في غرفة الولالالادة...قالوا يالله "push" ادفعي وانا ادفع وادفع ومافيني حيل والله مااااااااااااااااافيني حيل...اصيح واستغفر...احس خلاص بمووووت....واسمع زوجي برا يصااارخ "حراااااااااااام عليكم سووولها عملية والهل انا اعرفها ما بتتحمل حرام عليكم " <<فلم هندي كان مسوي الاخ خخخ ربي يسلمه ويحفظه لي

نص ساعه وانا ادفع ماعرف شو كانت الاوضاع تحت لأن اربع سيستريات مع المستشارة يحاولن يطلعن الياهل...شوي ويسحبووووووووووووووون البيبي انا خلالالالالالالالالالالاص رجعت ورااا وشهقت ميييييييييتة من الارهاق والله...وكان البيبي ما يصيح ...وربي خفت..وشفت لووووووووووونها ابييييييييييييييض ماشي دم ابدااااا..وخذوها على طوووول....وكانت دكتوة الاطفال ودكتور الاطفال مستعدين عشان ياخذونها...وانا مافيني حيل اتكلم ابى اعرف شسالفة..وين تودووون بنتي؟؟؟؟؟؟؟؟؟

ماكنت اقدر اتكلم بس تدمع عيوني...شفايفي تتحرك "بنتي ..بنتي.." بس ماااشي صووووت ابد...

شوووووي....اسمع صوووووت اخت زووجي وهي تصااارخ " ماااااااااااااااااااااااااااتت؟؟ لالالا ماااااااااااااااااااااااااتت؟؟" عاااااد انا هذيييج الساعه كانت روحي بتطلع وقلت خلالالالالالاص
بعدها اسمع اختي تصرخ عليهم وتقول لهم اذكروووا الله البنت بخير البنت بخير الحمدلله...واسمع صوووت بنوووتي لأول مرة واسمع صوت صراخها فدييييت روووووووووووووووووووحها..ويابوها لي ملفوفة وحطوها على صدري..وقالوا هذي بنتج....والله قعدت اصيييييييييييح واصييييييييييييييييييييييييح وانا اقول بنتي بنتي فديت روحج بنتي

ودخل زوجي..وباسني على راسي وهو يصيييييييييييييييح <<<جد جد فلم هندي

فدييتنا والله..وسرت حجرتي بعد ما سوولي الخياطة ونظفوووني..وفي اليوم اللي بعده يابولي بنتي وشرحولي الوضع اللي سبب معاناتي في الولادة

قالت لي الدكتورة :النفس كانت من زمان مفتوحة عندي 10 سسسسسسسسم...لكن راس البيبي مارضى ينزل..وكان السبب...ان الحبل السري ملفوف على رقبتها مرتييييييييييييييييييييييين فديت روحهاااااااااااااااا:(

والحمدلله الحين بنوتي ربي يحفظها عدالي..وانا يالسة في بيت هلي خخخخخ عشان يوم اطلع من الاربعين ابى ارجع عروسة


عطوني نصايحكم شو اسوي...وشو عن سالفة التضويق؟؟؟؟ اخاف صار توسع وانا مادري...؟؟ ووشو سالفة الماي والملح ولازم اسويلي مغطس؟؟؟ انا كنت استخدم كل ثلاث ايام غسول طبي...والدكتورة قالت لي ما احتاج شي للخياطة غير اني انظفها كل مادخل الحمام عزكم الله وانشفها

والسؤال الثاني...احم احم سؤال محرج...سؤالي هو عادي بيكون وضع الجماع بعد ما اطلع من الاربعين؟؟


والسؤااااااااااااااااااااااااال الاخير الا وهو...الكرشة هذي بنت اللذينه متى راح افتك منه وش السوات معاها؟؟