انا الحمدلله خلصت من التجهيز .. تقريباً ما بقى الا السرير الصغير ... و افكر اجيبه من مذركير ... لانه حجمه كبير و قوي ...
و لاني بالشهر السابع ... قررت من اللحين اخلص توزيعات النفاس .. و قلت ابي اجيب شئ يستاهل ..
رحت للمحلات على طريق الثلاثين ... لقيت الاسعار خيالية .. يعني ممكن الحبة الوحدة بس تطلع لي بثلاثين و خمسة و ثلاثين ريال ... :09:
و حنا ضيوفنا كثااار ما شاء الله .. و عيب تعطين ناس و ناس لا ..!!
و لا فيني اسوي شي بنفسي لان شغل المحترفين مو مثل شغل الهواة .. :22:
ولا فيني برضو اروح زي ماقالوا البنات اروح للسويلم و طقته بهالحر .. كان اذوووب ...!! :)
و بالصدفة رحت لسوق .. ( ما راح اقول عشان ماحد يقول لي اسوي دعاية ) ... و بالصدفة لقيت محل صغير .. للتغليف .. و جلست اتفرج على اغراضه .. لقيت عندهم اشياء مرررة حلوة و شفتها مرة على النت من امريكا .. مثل الكريستالات .. و لقيت فساتين صغيرة مصنوعة من التريكو ... و كريستالات على شكل عربة اطفال ... تهبببل .. كنت راح اتهور و اشتري مثلها من موقع امازون الحبة بخمسة و عشرين ريال .. ! و بدون تصليح ..!!
و لقيت علب على شكل بيض ممكن تنحشى بشوكلاته و مجسمات ... و الواحد مايرميها .. يحتفظ فيها للذكرى لان شكله مررة حلو ..
و لقيت علب صغيرة ممكن ينحط فيها الهدايا او الحلاو ... و مجسمات اشكال اطفال ... و اشياء تهبل .. طارت عيوني و احترت وش اخذ ... لاني ابي اسوي انواع كثيرة للتوزيعات ..
لاني مقررة اسوي توزيعات عادية لكل الناس .. و الاطفال اللي يجون مع اهلهم .. و ابي توزيعات غالية ... للناس الغالية .. و ابي برضو توزيعات للسبوع ... ( سابع يوم من الولادة ) ودي اسوي فيها حفلة زي المصريين ... مررة و ناسة و ينبسطون الاطفال .. و احتاج لها توزيعات ...
عاد انا يوم شفت الفساتين انهبببببلت عليها ... هم حاشينها شوكلاته من باتشي .. او النوع اللي تبين... انا اخترت باتشي .. و معاها معلاق ملابس ياخذ العقل .. بس ضاق صدري كيف اعرضها ؟؟ :angry2:
قام الفلبيني طلع لي دولاب ملابس من فلين .. يمكن يجي طوله 40 سم ... و فيه حبلين فوق و تحت .. و تتعلق فيهم الملابس ... :icon28: هنا انحلت مشكلتي ...
قررت اخذ منهم 24 حبة ... اذا جو اهل زوجي يزوروني .. اوزعها عليهم .. تنحط على طاولة بالغرفة و ممكن تتزين بقماش و خرابيط .. ( اللي يعرفونلها المحلات ) ... و بتطلع تجنن .. و بعد النفاس ممكن الدولاب ينحط في غرفة الطفل .. يعني ما ينخاف انه ينرمي لانه ديكوووور مررة روعة ...
عاد اللحين انتهت نص المشكلة بالنسبة لي .. بمشوار واحد .. باقي لي مشكلة المبلغ ... !!!!
و تخيلوا كم صار المبلغ .. الدولاب .. مع المعاليق ... و الشوكلاته ( باتشي ) و الفساتين درزنين ... كلها جت 650 ريال ... :)
وااااو .. انهبلت ..
بس عاد انا طمعت ... قلت ابي يخفض لي لاني نويت اسوي كل اغراضي عنده ... و بالصدفة تجي راعية المحل .. حرمة ذووووووووق ... و اثاري هالافكار افكارها ... و تكلمت معها و نزلت لي السعر الى 600 ريال ... و الحمدلله دولابي كان جاهز .. بس باقي يكملون الفساتين و استلمها بعد بكرة ... و عطتني افكار للسبوع .. و طلبت منها تشيكيلة ثانية للمستشفى تكون بس شوكلاته و عليها حركات حلوة ..
انا ما صبرت... صورت الدولاب ... و اخذت لي فستان اوريه خواتي بالبيت ... و اوريكم اياه ... عشان اخذ رايكم فيه ...
هذا الفستان و تقدرون تشوفون الشوكلاته جواته . . و سالتها اذا فيه اشياء مناسبة للاولاد قالت فيه جاكيتات ولاديه و ممكن الدولاب يتغير للون السماوي او اي لون تبين..
و هذا الدولاب .. و تقدرون تشوفون الفستان معلقينه جوا .. يعني انا بحطه بزاوية بالغرفة منها ديكور .. و اوزع اللي بالدولاب على الضيوف اذا جو يطلعون .. و طلبت منهم انه اي وقت ابي كمية اضافية يعطوني ..
و نسيت اقول لكم .. انا وصيتها تلزق ورق صغير على كل فستان مكتوب عليه اسم البيبي المرتقب .. عشان تضل للذكرى عند الناس ..
و اصبروا علي شوي .. و بصور لكم باقي الاغراض اللي اخذتها كعينات عشان اوريها خواتي .. و ابي تختارون معي وش احسن شي للمستشفى و احسن شي للسبوع ...
لا تروحون بعيد ... لاني ماستغني عن افكاركم و ارائكم .. :26: