تعالوا شوفوا شموخه وش صار لها في العروبه لازا

مرحبا بنوتات كيفكم ان شاء الله بخير
ابي احكي لكم قصه صارت لي قبل 6 سنوات والله تضحك وفي نفس الوقت تبكي :29:
يوم تذكرتها امس حزنت على نفسي وفي نفس الوقت ضحكت على غبائي وهبالتي
المهم ابي احكيها لكم وانتم احكموا :
هاذا يالغاليات كنا في رمضان وسهرانيين لين بعد الفجر المهم جا زوجي وقال لي بكره الخميس
لا تسوين فطور ترى معزومين عند واحد من زملائي ، قلت له منو قال : ...... المهم هالناس
انا ما أعرفهم قلتله ليشششششششششش توافق انا ما اعرفهم وصعبه اروح لهم المفروض
هم يجونا اول قال يااااااابنت الحلال كله واحد احنا وهم واحد ،،،
سألته كبار فالسن ولا صغار قال لا كبار ولا صغار يعني اكبر عيالهم سنه اولى جامعه ،
قلت له حرام عليك توهقني عاااد انا بطبعي خجوله عند الناس اللي اول مره اقابلهم ، المهم
والله مير اقوم استعد للنومه الساعه 7 الصبح والله كنا ضايعين سهر في الليل ونوم طول
النهار المهم استانت ذاك اليوم لسبب واحد وهو اني ابي اشبع نوم يعني ما اقوم قبل العصر
اصلح فطور <<<< زوووله ولا احلى منها ،،، المهم وتروح علي نومه لين الساعه 4 العصر
ويصحي زوجي ويشوفني نايمه ويصرخ فيني:06: لين الحين وانتي نايمه قومي ورانا عزيمه
خلصي اعرفك بتضعين الوقت في لبسك والله مير اقوم وانا لسى ماشبعت نوم اغسل وجهي
وسييييده على غرفت ولدي كان وقتها عمره 4 سنوات واصحيه وغسل وجهه والبسه
وارجع اكمل شغلي المهم خلصنا تقريباً الساعه خمسه إلا !؟ عاد هم عندنا في المجمع
يعني قريبين منا ونروح للمعازيب <<< اتحدى وحده تعرف هالكلمه (( المعازيب ))
ويوم دقينا الجرس وفتحوا لنا ودخلونا مع عاصفه من التراحيب والتهلي والله مير
ندخل ويوم دخلتني الحرمه إلا المذن يصقع بذاك الأذان ياوالله الفشله جايين متأخرين
المهم الحرمه ماقصرت مجهزه الفطور وسفرتها تفتح النفس
وانا مرررررررررره مستحيه يادوب امد يدي على الأكل وهي ما شاء الله عليها حرمه
وقوره وحره وكل شوي افطري وراك مستحيه عاد انا الحيا ذابحني ومادريت
انهم بيشيلون الفطور بدري على بالي مثلي يخلون السفره لين السحور :o المهم وتقرب مني
الصحون وانا آكل على خفيف مستحيه المهم مادريت إلا والحرمه تنادي شالتها جيبي الصينيه
والله مير تجيك ذيك السرلنكيه وتشيل كل اللي كان على السفره وانا مسويه كذا:32: راح علي الفطور قليل إلا والشغاله جايبه الشاي وتصب لي اول كاسه ويقوم ولدي يلعب مع
اولادها الصغار واحنا جالسين على الأرض ويطلع ولدي على الكنبه اللي وراي ويجيييييييك
طايح اهو والمركا على فنجالي حق الشاي إلينه كابه على الأرض :23: واتفشل قالت
عادي يمي عادي مافيه شي تخيلوا اول زياره وتصير معاكم المهم وتصب لي الثاني إلا ولدها
ابو 13 سنه ينادي امه ياأمي تعالي وتروحله امه و تجيني راجعه قالت ابوكم ينتظركم فالسيب
والله مير اطلع والقى زوجي ينتظرني ونطلع واحنا في السياره قال لي وش رايك نرجع
للبيت نصلي ونطلع نتمشى ونتسوق قلت يالله شورك وهدايت الله والله مير نروح للبيت
ونصلي عاد صلاتنا الله اعلم بها الله يغفر لنا ما كنا نصلي لا تراويح ولا قيام بس سهر
وتسكع في الأسواق المهم طلعنا ورحنا نلف في شوارع الرياض وقلنا ليه مانتسوق
من العروبه بلازا كان العروبه بلازا في عز شموخه ما كان بعده سوق جديد المهم
رحنا ولفينا ولفينا قلت لزوجي وش رايك نروح للذهابين ابي كم خاتم حلو كذا ،، ورحنا
لفينا كم محل وأخيراً جينا ذاك المحل اللي الله لا يعوده من محل المهم طلع لي مجموعه
حلوه من الخواتم وجلست اقيس فيهم وفي لحظه غريييييييبه حسيت بغثيان ودوخه
وصداااااااااااااع اسمع زوجي يسألني هاه وش رايك قلت له وانا تعبانه حلو وبعدها
ما ادري عن نفسي وش صار فيها كأني كنت نايمه وبعدين صحيت المهم ماحسيت
بشيء إلا خشمي يوجعني وانا طايحه في حضن زوجي وهو يصفقني و الأخ صاحب المحل
جايب كاسة مويه ومناديل اتاريني مغمي علي وانا ما ادري والله مير اقوم بسسسسسسرعه
اوقف ما ابي احد يشوفني والله فشييييييييييييييله و الله مير يحاسب زوجي ونطلع
من العروبه بلازا الله لا يعيدها ونروح لسيارتنا ويسألني زوجي وش فيك دختي قلت له والله
ما ادري قال لا يكون جوع اعرفك عند الناس ماتاكلين ، قلت والله انك جبتها اللي اصابني
سبته جوع لأني ما أكلت شيء إلا مجامله مسسسسسسسسسسستحيه قال هاه شفتي
نتيجة حياك بغت توديك في داهيه والله مير يمر ذاك البخاري وياخذ لنا عشوة حليوه :o
ونرجع للبيت وانتهت حكايتي اتمنى انكم استفدتوا منها
،،،،،،،،،،،،،،،
برغم من ان خشمي تعور لأني طحت على وجهي وبعدين مسكني زوجي وجلسني على الأرض
تصدقون عاد ان اللي موجعني من الطيحه مو خشمي لا شكلي قدام الناس أحسسسسسسس
بأحراج بس الحمد لله جت سليييييييييمه ، وتوبه ما اطلع جوعانه ........