تعالوا شوفوا كيف قدرت أتخلص من شعوري بالحزن والاحراج ....

مراحب يا حريم
حياكم الله ووفقكم ورزقكم من خيري الدنيا والآخرة ........


أكيد أكثركم ما يعرفني لأني نادر ما أكتب في هذه الصفحة بل إني أتحاشى القراءة فيها إلا إذا كانت نفسيتي تعبانه وكنت أبي أحد يواسيني حتى لو خلف الشاشة

المهم
أنا لي اللحين سنتين ونص من تزوجت وإلى اللحين ماحملت
في بداية زواجي عروس ومشغولة ما فكرت في الموضوع ولا همني
وبعد 7شهور بديت أفكر ورحت لمستشفى وطلعت سليمة بس زوجي كان عنده ضعف
أصبنا بإحباط شديد وبعدها بدت الناس إللي تعلق وإللي تلمح وإللي تصرح إلى أن تعبت نفسيتي وسويت عملية تلقيح وفشلت وبعدها بشهرين تقريبا ....... سبحان الله بديت أنسى الموضوع من جديد <<<< لا طبعا ما نسيت كليا لأن هذا صعب ومستحيل إلا إني بديت أتقبل الوضع الجديد
صدفة نقلت شقة جديدة وصرت مشغووووووووووولة جداَ بتأثيثها حاولت أشغل نفسي وزوجي بالشقة وغيرت معظم الأثاث
حاولت أغير من شكلي صبغت شعري وشريت ملابس جديدة
وسويت دايت مع أني مو سمينة بس صرت معصقلة ...........
وبعد كذا نفسيتي تغيرت شوي صرت أصطنع الابتسامة وخاصة إذا جابوا مواضيع الأولاد لدرجة إني أحس إن الحريم يطالعون فيني وكأنهم بيحسدوني على إللي أنا فيه :)