تعالوا شوفوا مواقفي هههههههه

بسم الله الرحمن الرحيم
السلام عليكم ورحمه الله وبركاته
اخباركم ياحلوين والله اني احبكم في الله واحب هالمنتدى وخاصه هالقسم بس اكون متضايقه ع طول ادخل هنا توسعون صدري واضحك من قلبي الله يسعدكم دنيا واخرة
طولت عليكم خخخخخ ع العموم دايم اقرا مواقفكم واضحك من قلبي قلت يالله بقولكم كم موقف صاير علي ههه بس لاتشمتون فيني زي زوجي مايخليني انسى مواقفي الا دايم يذكرني فيها هههههههههه


في مرة من المرات طلعت انا وزوجي وبنتي نتمشى المهم جاء وقت الصلاة واحنا نفرفر عاد وقفنا عند مسجد عشان نصلي قلت له انت انزل اول وصل مع الجماعه وانا بقعد مع بنتي الين يخلص ثم انا اروح اصلي لاني مااحب انزل ببنتي المهم خلص وجاء وانا رحت اصلي بس الحمد لله انو ماكان في حربم كثير عاد اختكم في الله صلت وتعبدت ربها وجت بتطلع من المسجد وانا ماشيه الا وازحلق ذيك الزحليقه على الدرج وكانت حول سبع درجات طحت ع الموخرة من اول درجه لاخر درجه طن طن طن واقوم بسرعه ماكن صاير لي شي واشوف السيارة اللي قدامي اللي فيها ميتين ضحك والحريم وراي فاطسين ضحك :hahaha:واقوم بسرعه واخذ عله انفض عباتي وادخل السيارة والقى زوجي مييييت ضحك ويقول خل نمشي بسرعه لاحد يشوفني ويعرفني فضحتينا وانا ااااااخ يا ظهري :44: ههههههههههه


وهذا موقف ثاني مرة رحت انا واختي وبنات عمي للملاهي عاد قلنا نبي نلعب ونفلها المهم ركبنا قطار الموت والخايسات كل ثنتين ركبوا مع بعض وخلوني لوحدي ركبت جنبي بنوته سوريه عاد انا من زود الحرص اخذت بوكي بيدي ومتمسكه فيه بيديني ورجولي ويوم بدت اللعبه تتحرك اشوف البنات رافعين يديهم ويصيحون قلت يالله خلني ارفع يدي مثلهم وياليتني مارفعتها ههههه شوي الا ويطيح بوكي وانا اصارخ وانزل راسي عند رجولي ادور عليه الناس رافعه يدها مبسوطه وانا راسي تحت عند رجولي ادور بوكي واشوفه يلف يمين وامد عليه الا ويروح يسار وعلى هذا الحال لين وقفت اللعبه حتى اشغلت البنت الي جنبي ياحليلها تدور معي ههههههه لين ماوقفت اللعبه والله اني ماتهنيت باللعبه وقلت توبه ماعاد اخذ البوك بيدي وبعد مانزلنا بنت خالتي تقول وش فيك لهدرجه خوف منزله راسك عند رجولك وانا اقولها بلاك مادريتي وش صار :hahaha:ههههههههههههههه


واخر موقف صاير علي قبل امس كنت انا وزوجي طالعين طلع هو قبلي وبعد مانزلت جيت بسكر باب الشارع وانا مستعجله الا واسكر ع عباتي ولا انتبهت وامشي بسرعه الا وطااااخ ع وجهي هههههههه واقوم بسرعه الحمد لله ماكان في احد بالشارع وقمت انفض عاد كنت توي مغسله عباتي ماامدها حتى تنشف قالي ابو الشباب وش فيك قلت طحت خبله بعد اعلم مااستر نفسي ضحك وقال خسااارة ليتني شفتك واضحك من قلب قلت له ماااالت عليك الواحد يقول لزوجته سلاماات عسى ماتعورتي وانت تقول كذا قال وش اسوي فيك طيحاااتك كثييرة والله من دفاشتك خخخخخخخخخخخخخ


وان شاء الله في المرات الجايه اقولكم ع مواقف كثيرة صايره معاي بعضها تضحك وتخوف ههههه

الله يسعدكم ويوفقكم