صباحكم سعاده وراحة بال
بنات بما إني طافشه < تعبير بليغ عن قمة الطفش
حبيت أكتب لكم موقف صار لي ورب البيت كل ماتذكرت قش جسمي هع ..!
وهو من باب الفكاهه لا أكثر يعني نغير جو المجلس الليله بما إني سهرانه وأول مره أكتب شي فكاهي < أبوك يالعذر ..!
ودخيلكم يالمشرفات خلوه بس شوي لين ترتاح نفسيتي ثمن اقلعوه إذا تبون < الترفيهي بسابع نومه الحين
الموقف صار يوم كنت مسافره من عند أهلي وراجعه بيتي
طبعً ركبت السياره واستلمنا الخط وكالعاده لازم إذا انتصف الطريق أميّلها عالتكايه اللي جنبي
وآخذ لي غطه شوي
المهم حطيت راسي
إلا بنتي من ورى صاحت وقالت صرصور وأحس بذيك الهبده على كتفي:30:
وانا أفزّ من محلي تقل عنتر أدور وينه فيه عشان استلمها مناحه
واول ماناظرت بـ زوجي
وين الصرصور ؟:angry2:
قال زوجي مافيه ياشيخه مافيه البنت تمزح معك والضحكه وااااضحه بــ فمه
وانا:30:
تمزح
والله إن قلبي مهو مريحني
وارجع أميلها مره ثانيه وعيوني تهايق < تفسيرها بـ موضوع بقميه :biggrin:
المهم قمت مره ثانيه وجلست أتلفت يمين يسار إحساسي إن فيه شي
ويوم طالعت ورى ظهري آخر المقعده إلا هذاك الشي اللي بغى يوديني بــ خرخير:08:
طلع صفارة الليل < صرصور الليل
والله إنه ماهو إلا صفارة إنذارأقوى شي ..!
وأصيــــــــــح ،، وأتمسك بالدركسون :icon8: قسم بالله ماعاد أدري عن نفسي
وزوجي ماعاد يدري وين يطالع بغى ينفر ..!
وانا ياويلي يايمممممممه صفارة اللليل
وزوجي اسكتي اربكتيني علامك تقولين طفله ولا كنّك جايه من إفريقيا ماتعرفين الحشرات < بالله وش جاب سيرة إفريقيا
بغيت أعلق ثم سحبتها ماينلام الضعيف قطعت قلبه عالعميان :22:
و و و و
استلمني طبعاً وان مثل اللي داخل بــ غيبوبه قسم بالله
وكان يسوق زوجي 140 وهو يسسسسسسفط على جنب
وانا مكاني متشربطه بالدركسون علقت يديني عيت تفكه ..!!
ويجي ويفتح الباب وانا ما انااااظر ببكي وسااااااكته
وياخذ زوجي كرتون ويشيلها ويرميها
وهو ركب والشرار بعيونه
وانا ماعاااااااااد لي حس < صرت الحمل الوديع الحين :biggrin:
لين وصلنا وربي مابينا كلام
مقطوع قلبي من ردة فعله
وبس
مستحيل انسى هالموقف أخ بس ينذكر وماينعاد
يالله ياحلوات < ياكثر مابربرت
الحين دوركن بالبربره
كل وحده تقول موقف مرعب خص نص صار لها :eek:
انتظركم
،
الله يسعدك
انا عقدتي الصراصير