تعالوا شوفوني وانا صغيره

يـــــــــا مسا ليل الفرح مدري صباحه ....... ياعساكم بخير واحوالكم سعيده ........*

ماراح أطول بالمقدمه بدخل بالموضوع مباشره <<< ابوك يا الإسلوب

المهم .......

كل واحد مننا كبير .... كان صغير << لحقوا على المقدمه

وانا لما كنت صغيره كان كل واحد من عايلتنا ملقبني بلقب ماحصلشي

ماراح اطلع الفضايح بس تصدقون ان امي كل ماشافتني تقول ـــــ وانا أمك ياعزتي للرجال إللي بياخذك

وما ينادوني إلا ياولد نادراَ ما اسمه احد يقول يابنت لأن كان عندي ميول وإتجاهات ولاديه تدرون ليش ....... لأني عايشه مع

خمس تماسيح الله يخليهم لي ............ لدرجة إن أمي إذا كان مزاجها رايق

وبتدلعني تناديني ياهيش

صدقوني كنت بها الشوارع من حاره لحاره مع إخواني وألعن وحده فيهم

لدرجة ان كل ام تخوف عيالها بإسمي شفتوا الكشخه والشهره كيف

كنت احب العب كوره ...... واموت في شي اسمه طقاق كل ماصار فيه هوشه استفزعوا بي العيال

لدرجة ان عيال الحاره الثانيه مستحيل يدخول حارتنا إلا في الظهر

تكون امي مقفله البيبان وشايله المفاتيح عشان مانطلع تلقوني محتده على الشبابيك

اسب واحوس كل من مر :03:

واذكر بعد اتهاوش انا واخواني على سراويل الرياضه حقتهم

ماحب البس لبس البنات احسه موب لايق علي :32:

يا الله يازين ذيك الأيام ...........................

(( مايستفاد من الموضوع ))

ولا شي بس حبيت اتذكر زمان الطفوله ياليتني ارجع مثل اول ودي اجرب الطفوله

البناتيه احس اني ماعشتها على طول كبرت :) :)