اقدم لكم موضوعى وانا مقهورة :icon33: من الغش التجاري اللى احنا فية بعد خبرة كم سنة فى العطور البعض منا يشتري عطر ويتشكى
اشتريت عطر الشيخ الجديد من محلات فافووووم بسعر 695 ريال ولكن للأسف ريحتة مو زي اللى اشمة اخف تركيز وزعلت كثير وفى باريس غاليري بـ 630 ريال لمن سالتهم علي الاختلاف بالسعر. عن فافوووم وسيفورا قلي مدير المحل محلات باريس غاليري موزع تجاري لهذين المحلين لهذة هى ارخص بالسعر منهم؟؟
وسألت عن عطر ايلي بسيفورا سعرة بـ 400 ريال مع انة فى باريس غاليري350
واشتريت عطر ايلين اجمل عطر على الاطلاق من محل فى الكورنيش .. فى الدور الثاني بــ 350 ريال طلع كمان مغشوش توجد كتابة على العلبة غير الموجودة فى باريس غاليري علامة فارقة وواضحة .وكمان سعرة 320 ريال فى باريس ؟
بعد ما خلص العطر رحت لباريس غاليري طلعلي ايلين بشكل ثانى :44: قصدى بريحة ثانية التركيز 100% لمن سألت المحل عن العطر لقيت الفرق بين الين الاصلي والتقليد مو بس الين ... أغلب العطور وجد انة الاصلى تكون العلامة التجارية ثابتة على الكرتون ومرسومة ولكن التقليد حاطين لصقة او بوستر للعلامة التجارية يعنى لمن تجى تشتري عطر شوفى العلبة مع الكرتون ..
لمن سالت فى باريس قال اصبح اغلب العطور تعبئتها دبي يعنى يجبون العطر الاصلى ويأخذون منه تركيز 10 % والباقي كحول لان الاصلى يكون التركيز 100% او 80 % على حسب .
أما عطور الكورنيش اغلبها مغشوشة بالذات الدور الخامس يعنى اذا بتشترون اشتروا الرخيصة شوى ,,والغالية خذوها من مصادرها زي باريس غاليري
الزبدة :): اذا بتشترون عطر مركز وبتتأكدين من انة اصلى او تقليد روحي لباريس غاليري وشوفي العطر وشكلة والكلام الموجود على الكرتون والقارورة وقارنية فى محل ثانى صدقينى راح تشوفين الفرق اتمنى ان تستفيدوا من الموضوع واستنى ردودكم وتجاربكم