أنا ماحب أقول بدري مو عشان شيء بس عشان حاملي متعب أفرح أهلي وأهل زوجي وبعده بأسبوع أقالهم ترا مات الجنين أحس أنهم يتضيقون عشان كذا ماأقولهم إلا بعد مايثبت الحمل وتأكد زين والله كريم

احس انه الي تخبي بطريقة مبالغ فيها مثلا تكون بالخامس او السادس و تكذب اذا احد سالها هذه مريضة نفسيا ما ادري ليش تخبي يمكن علشان لمن تولد تكون مفاجأة للجميع قال يعني هي شخصية مهمة قصدي علشان اتحس باهتمام الي حواليها ما ادري اعتقد ان الي تسوي كذا عندها شعور بالنقص
بالنسبة لي الافضل الوحدة اذا احد سألها ما تكذب حتى لو ما كانت حابة احد يعرف خصوصا اذا كانت في الشهر الاول من الحمل مو شرط الكل يعرف بس الاقارب حتى تتاكد ويثبت الحمل بعدين تعلن الخبر بس انها تكذب لا ولا ولا

لاانتظري لشهر الرابع سوي مثلهم لاتنكرين بس لاتقولين
الله يرزقك بالحمل امييييييييين




انا معك بما ان حملك تأخر على الاقل اصبري شهرين بعدين قولي لهم

الله يتمم لك بخير



جزاك الله خير

وماشاء الله عليك




ياعمري لك حق اجل تصبرين لحد مايثبت الحمل

الله يرزقك بالحمل السليم




لامو تخبي عشان المفاجاه لا تخاف من العين الحمد لله

تحسب الناس اكبر همهم حملها ومصير الناس تدري لما تولد هي كانت اي شهر

والناس اذا شافت البطن اصلا ماتصدق اذا الوحده نفت

انا بحملي الثالث كان بدون تخطيط جاء بدري شوي ...هههههههه
وانا من النوع اللي يجي الشهر السادس ويدوب يبين لي بطن..

ماخبيت على أقرب الناس لي من عرفت بالحمل بس الباقي ..لمن يسألوا
ماأنفي أبد..بس عاد متى بان البطن وسألو لمن دشيت السابع..
يعني عرفو متأخر بس مانفيت حملي ابداّ.وليه اقول لا..وفيه روح بداخلي..

بس عندنا ناس كثيييير تقول لا وهيه حامل مثلا وحده لمن دشت الخامس
توها تقول ومن قبل لمن يسألها أحد تقول لا..وبعدين قالت مادريت اني حامل الا بالرابع:42::22::30::eek:

السلام عليكم ورحمة الله وبركاته
موضوعك اختي سديد وفي محله بس خلينا نكون واقعيين ونترك البراءه اللي احنا نحاول نسبغها على حياتنا. الانسانه اللي تخبر كل من حواليها بحملها حتى قبل ما تحلل الحمل مجرد الدوره تأخرت عليها هي انسانه ربنا جبلها على هذا الطبع يعني انسانه تحب تعلم بكل شيء وفيها كثرة الكلام و حب السواليف يعني ما تقدر تمسك هرجه ولو انلسعت وحاولت تسوي كتومه الا تقدرين توقعينها في الكلام وتاخذين منها اي معلومةوحولي نماذج اكثر من الكثير تحب حتى تحكيك وش سوت هذيك الليله اللي حملت فيها. ابدا ما تقدرين تلومينها لان هذا طبعها والانسان يقدر يسيطر على شيئ بسيط فقط من طباعة

النوع الثاني نوع متزن انسانه هادئه تاخذ الامور برويه والله حملت تنتظر شهرين وبعدين تقول للمقربين فقط وباقي العالم يدرون اذا شافوها او اذا احد خبرهم
طبعا الكذب هنا ماله داعي فهي اذا سألت اجابت انها حامل اذا لم تسأل ماتتطوع بالمعلومة
اذا ما كان فيه سبب

فيه نوع ثالث ربنا خلقه كتوووم يفرح ما يبالغ بفرحة يحزن تجيه المصائب ما يقلق احد
زوجها يمرض ما تعلم احد. ولدها ينكسر ما تقول لخواتها. هي كذا ربنا خلقها كتومه طبعها قليلة كلام قليلة خرجات. ابدا ما تقدرين تلومينها . وهذا النوع ما يكذب يعني لو سألتيها تجاوبك بصدق.

النوع فبل الاخير هو النوع الشكاك الخواف من العين والحسد . برضو حبايبي ما تقدرو تلوموهم كفاية القلق الي هم عايشينة. تخاف لا فلانة تدري عشان ما خلفت ولا هذيك حملها صعب وتنزف والثانية ما عندها الا اثنين وهي يا حافظ 6 وهذا السابع يعني قلق مسكينه
والكذب اسهل وسيلة عندها ومع انها ما تعلم لاكن موتها يفوتها شي لازم يكون عندها خبر كل وحدة حامل

والاخير يا قلبي عليهم اللي اللسعو مزبوط يعني كم اجهاض ورا بعض وجنين يتوفى
وعين وعمل والناس تتحسس لهم اذا توفى البيبي اوووه مسكينه يا حراام واذا تم بحمدالله (( اخيرا بعد طول انتظار )) هذي انقالت لي
انتظار ايه يا قلبي هوه مو مكتوب بيد العالمين يا متخلفههذي ابدا ما تلام وصدق رسول رب العالمين حين قال بما معناه ((تعاونوا على قضاء حوائجكم بالكتمان ))


ان شاء الله ما أكون ثقلت عليكم بكلامي

.