ام احلى وردتين جيتي على الجرح اه اه

انا لما تزوجت حملت بعد شهر وماكنت عارفه لما عرفت على طول علمت امي وخواتي وام زوجي وابوه
وبعدها بيومين نزل دم وسقطت بعد مادريت باسبوع بس
وجلست 3شهور وكان وقت شتاء ولا بعد جاء موعد دورتي اساسا بس كنت افكر احمل ومرضت قالت لي ام زوجي وحماتي (سلفتي) كولي مضاد قلت لهم لا اخاف اكون حامل قالوا حللي قلت باقي على موعد دورتي لسى
وصحيح حللت وقلت لام زوجي وبعد اربع ايام علمت اخت زوجي وسلفاتي كلهم وانا توني مكمله شهر لا وقبل سقطت لاتنسون

وانصدم الا انا جالسه وانا في الثامن اسولف مع سلفتي قلت اذا حملتي تحسي بألالم قالت انا حامل قلت نعم؟؟؟؟؟؟؟؟؟؟؟؟؟؟؟؟؟؟؟؟؟؟
باي شهر قالت الخامس؟؟؟؟؟؟؟؟؟؟؟؟؟
قلت مافيه احد قالي قالت حسبتك داريه وخالتي علمتك
اتاري قبل اسبوع امزح معها وقلت للبزران اللي لافين على بطني روحوا لفلانه ببطنها تؤام
تلون وجهها مدري ليه اتلري رميت الكلمه مزح واللي على راسه بطحه يحسس عليها
وراحت تتشرهه على خالتي ليش علمت بعد نهاية الرابع ولا عندا نيه تعلم

ولدت بعد شهر واخت زوجي رايحه جايه علي واتاريها حامل ولا قات لي وانا في النفاس لما طلعت قال لي زجي اختي امس قالت انها حامل بالرابع لما زرتهم بعد اسبوع قات انا في الخامس
واهب فيهم اقول ليش انتم كذا وانا اقول قبل حتى ماتطوف الدوره ليه واحنا اهل والمفروض انا اللي اخبي لان انا اللي سقطت قبل اخت زوجي جايبه قبل 3 على ايش تخاف
المره الجايه اقول لهم ماراح اعلمكم الا بالتاسع ولوكان بطني كبير بحطه وبجي
شفتوا القهر وانا على نيتي مع ان انا اللي تعبت فحملي
نزل مني دم ونزلت مشيمتي وجاني التهاب ومنعت عن الجماع طول الحمل وجلست بيت اهلي شهر ارتاح عشان مشيمتي وكرهت ريحت زوجي واخر شي توقف نبض ولدي عند الولاده وولدت قيصري وهم ماصار لهم شي لان اللي يخبي هو اللي يعين ويحسد وانا ياغافلين لكم الله

لا وبكل وقاحه كانوا يسألون ولد ولا بنت وابلحاح كل مايشفوني ولما حملو بدون ما اسأل يقلون احنا مانقول اخاف يطلع عكس مانقول
قلت انا اصلا مااحب اسأل

انا من النوع الي من اول ا لحمل الكل يدري لاني اطيح من الوحام والتعب
سلفتي مادرينا عنها الا وبطنها قدامها ولما نسالها باي شهر تقول مالكم شغل وحتى بشهرها ماتعلم وكمان اخت زوجي مع انها على طول معاي مادريت انها حامل الالما قلتلها عن حملي طلعت سابقتني بكم شهر الله يخلف علي من اول مااحمل احب ابشروعمتي
تقول احسن الوحده ماتعلم بشهرها بالتحديد علشان ماحد يستناها وبعدين تطول بالولاده او تتعسر
كأن الناس تستنى ولي العهد ماكل الحريم يحملون ويولدون والي تخاف من العين والحسد تحصن نفسها
اما الي تخاف وتكذب وتقول ابدا مافي حمل وهي بالخامس والا السابع ليه يعني انا ماسويت شي حرام والا عيب علشان احلف واكذب

انا من طبعي بعد ما احلل اخلي زوجي هو اللي يقوم بمهمه اخبار الأهل

لان بطبعي استحي اني افتح الموضوع واخبرهم بس اللي يشوفني ويسلني اقول له اني حامل بس بدون مايسئلني ما افتح الموضوع

احب الوسط

لا الي اول ماتحلل وتعرف تنشر الخبر ع الكل
ولا الي ياللله لا تبلانا توصل السابع ماتعلم وتنكر هذي يبي لها علاج نفسي :11:

فافضل شي اول شخص يعرف زوجي طبعا ً وامي وامه واوصيهم مايطلع الخبر الين اتاكد ويكمل الحمل

بعد ماكمل اقل شي الثلاث شهور الاولى اذ سئل احد من خالاتي عماتي القرايب عادي يعلمونه
لكن انا ماقول تراااااااااني حامل ياناس :D

الي بيسئل باقوله عادي حامل بشهور الاولى وبس

الي ماحبه الي تعلم الكل بجنس الجنين احس ماله داعي يعرفون بعد الولاده

الزبده خير الامور الوسط :26:

..
.

مشكوره ام عبدالرحمن على الموضوع المميز ..
وانا مع كلام اختي الدانه ..
والمفروض محد يدري انك حامل حتى يثبت الحمل يعني بعد ثلاث شهور او اربع تقريبا
ويكفي ان الرسول عليه الصلاة وصانا بهالشي .. بحاول ادور الحديث واحطه ..
انا حملت ثلاث مرات الاول من دريت بيومين نزل معي دم وسقط ..
هذا عادي لاني ماكنت عارفه وكنت اشتغل بالبيت شغل متعب ..
والحمل الثاني توقف النبض بشهر ونص .. طبعا بكل الحملين العالم دروا
لكن الحمل الثاني كان توقف النبض بسبب عين .. وشفت الحرمه بالحلم اللي صابتني
والله مااظلمها لكن حلمي واضح وفسرته وطلع زي ماتوقعت ..
علشان كذا لاتحسبون كل الناس ماتهتم لحملكم .. لاتفكرون ببراءه بزياده
لان هذا الشي ماينفع الحين ..
الحين انا حامل ثالث مره بالشهر السادس والله يتمم علي .. فيه من صديقاتي مادروا بحملي
ولا راح اعلمهم .. لانه من بينهم اللي عطتني عين قبل ..
ومحد يقدر يلومني لاني عشت وذقت شي مااتمناه للعدو ..
واذا سالتني هذي او غيرها من صديقاتي اللي عندها اقول الله كريم ..

وحتى بنت عمي نفس الشي تحمل وتسقط كم مره لما راحت لشيخ يقرا عليها
طلعت فيها عين قالها استمري بالرقيه واذا حملتي لحد يدري حتى امك
وفعلا حملها ماثبت الا بهذي الطريقه ..
وسبحان الله دايم توقف قلب الجنين ووفاته ببطن امه بدون سبب يكون من عين ..
الله يكفينا شرهاااا ويصرف عننا كل عين حاسده ..