انا بدمس الفول في البيت علشان مش بناكل اي حاجة معلبات طالما متوفر الطازج

لو عندك الدماسة بتاعة الفول نفسه يكون احسن لاني بدمسه فيها

اولا لازم يكون نوع الفول جيد واحسن نوع الفول المقمور وده بعد السوا بيكون قشرته ناعمة جدا وحباية الفول كبيرة

تحطي الفول في الفوالة وعليها ماء بارد وفصين ثوم وعدس اصفر ( كمية صغيرة ) يعني لو هتدمسي كوب ونصف فول عليهم ربع كوب عدس اصفر.

تتركيها على النار حتى الغليان وبعدين تهدي النار خالص (( شمعة )) وتتركيها على النار ممكن تاخد من 5 الى ست ساعات وتقلبيه كل فترة وتشوفي اذا كان محتاج ماء ولو محتاج ماء لازم انك تحطي مائ ساخن لدرجة الغليان
اوعي تحطي ماء بارد ( بيخرب )
طبعا بتعرفي اذا كان استوا ولا لاء انك تفتحي حباية وتشوفي من قلبها ,,,, لان ممكن يكون استوا من الخارج بس
وبعد التدميس تتركيه يبرد وبعدين تفضيه في علبة وتدخليه التلاجة كدة خام ولما تحبي تستعمليه خدي المقدار اللى انت عاوزاه

هو صحيح بياخد وقت بس مش صعب

انا حبيت اكتب اليوم لان بكرة مش هكون فاضية اكتب

الغدا بكرة ان شاء الله سمك مقلي وجمبري بانيه و كلماري مقلي وسلطة خضراء وبذنجان بالصلصة وارز سمك
السمك المقلي يتبل بالخلطة وهي عبارة عن (( ثوم ,,,, ملح ,,,, كمون ,,,, كسبرة ,,,, ليمون ,,, قليل من الخل ,,,, ممكن فلفل احمر حامي (( شطة ))
يتبل السمك به ووقت القلي يوضع في الدقيق ويقلى بسمك غزير

اما الجمبري فالطريقة مختلفة شوية

ينزع قشر الجمبري ماعدا الذيل وينظف ظهره ويشق بالسكين
يتبل ب بهارات السمك او كمون وملح ويمكن اضافة قليل من الفلفل الاحمر لمحبي الاسبايسي
يوضع الجميري او الروبيان في الدقيق تم في البيض المربوب والمتبل ثم يوضع في خليك من البقسماط وكورن فليكس مكسرتكسير خفيف ( علشان يعطي شكل ويقرمش في الاكل ))
يقلى في زيت غزير حتى يكون ذهبي اللون
وعلى فكرة بيطلع مقرمش من برا وطري من جوه


اما الكلماري وهو نوع من انواع الحبار

يقطع حلقات ويتبل بالملح والكمون والثوم المهروس (( بس عند القلي لابد من ازالة الثوم من عليه لانه بينحرق بسرعة ويعطي مظهر سئ للكلماري

يوضع في الدقيق ويقلى بزيت غزير ,,,, والفن في القلي ,,,علشان يطلع طري ما يطول في الزيت

والارز البني
تحمر بصلتين او اكثر ( حسب كمية الارز )) حتى يصير لونها بني غامق ويسكب عليها الماء ثم يوضع الارز وحبة طماطم مقطعة مربعات صغيرة وملعقة كمون وتترك حتى يغلي ثم تهدئة النار من تحتها
نفس طريقة الارز المصري

وهقول لكم على حاجة
السمك والجمبري والكلماري واي شئ هيتقلى ,,,يفضل تركه لمدة لا تقل عن نصف ساعة في الثلاجة قبل القلى
علشان تتماسك الخلطة عليه وعند القلي تكون متماسكة

اوزا يا حبيبة قلبى
ربنا يخليك على طريقة التدميس وان شاء الله هاعملها
وتسلم ايدك مقدما على يوم السمك العالمي دة وبالهنا والشفا على قلبكم

بس عايزة اسالك بقى عن حاجة دايما بنعملها مع السمك

الطحينة بعد ما اعملها وادوقها عشان اشوفها متزبطة ولا لا احس انها مرة شوية تفتكري المرارة دى من ايه
بصي انا بحط الطحينة وعليها مية عشان اخففها شوية واقلبهم لغاية ماتندمج كويس واحط فص ثوم مدقوق وملح وفلفل اسود و كمون ونقطة خل واحيانا ليمون

صح كدة ولا انا بعملها غلط

طبق خفيف للعشا او طبق جانبي في الغدا اخدته من واحدة هنا في المنتدى

Hush Brown Potatoe
3 بطاطس متوسطة - كوب جبنة موزاريلا مبشورة او اى نوع جبنة بتحبيه بس ممكن تبشريه - ملعقة دقيق - بيضة - ملح

نغسل البطاطس ونقشرها ونبشرها بالمبشرة

نضع البطاطس المبشورة في مصفاة ونعصرها باليد كويس لينزل الماء منها

نضع البطاطس المبشورة في وعاء وعليها الجبنة ونقلب ومعلقة الدقيق( ممكن تزيدى الدقيق اذا احتجتى بس مش كتير) ونقلب والملح ونقلب

نرب البيضة ونضعها على الخليط

نسخن الزيت على النار

نضع معلقتين كبار من الخليط في كوب واقلبه على طبق وانزل في الزيت وافردها شوية بالملعقة وهكذا
اول ما تحمر الاطراف اقلب على الناحية التانية

وبالهنا والشفا يا رب تعجبكم

احنى بنحب كل شى مفيد وسريع ياليت اللى عندها حاجات سريعه تذكرها لنا مشكوره