تعالوا نتناقش في تربيه اطفالنا وعلشان نجعلهم مؤدبين ولايحرجونا قدام الناس

السلام عليكم ورحمة الله

اخواتي التربيه والله شيء متعب ويثقل الكاهل من جد اسأل الله ان يعفوا عنا بس :

اخواتي من واقع تجاربك مع التربيه رجاء تعالوا نتناقش بعض المواضيع الخاصه منها :

نبغى نعرف كيف طريقه تربية الطفل لما تودينه للناس مايحرجك قدامهم (ماما ابغى هذا وابغى هذا لاهذا ويكب هذا وشيل هذا ويسوي إزعاج وبلبله ) ابغاه يكون مؤدب ولايحرجني قدام الناس
والله بعض الأحيان حتى لما يصيروا شبعانين بس يبغى يلعبوا بالأكل يجلسون مالهم شغل الا القرقه فوق راسك والحنه .

وايضا لما يتلفظ على احد كيف اتصرف معه ؟؟

واذا طلب الطفل شيء موجود عند الناس هذولا يعني شاف مثلا بسكويت او حلاو او مثلا موزه وجلس يحن يبغاها كيف اتصرف معه ؟؟
او يشوف لعبه ويتلعق فيها ولايرضى يتركها وطبعا انا ماارضى ياخذها حتى لو اعطوه اهل البيت .
طيب لما يكون الطفل صغير يعني في الشهور ولاتعدى السنتين لقيت افضل حل له انا نأكله قبل ماناكل حنا حتى يكون شبعان ولا يزعج احد .
طيب سؤال ايش تحبذون تخصصون للأطفال الصغار من الشهور الى ثلاث سنوات ملعقه خاصه وصحن خاص فيه وايضا كاس او رضاعه او مزازه .
لأني بصراحه اقرف من ملاعق الصغار وكاساتهم وخاصه اللي في الشهور فأيش رايكم لما نطلع اخذ معي الأشياء الخاصه فيه اخاف احد يقرف مثلي .


كثرت هذر بس موضوع ارقني وقلت اتناقش انا وبنات حواء .