اسراركم حلوه كثير 
عندي سر مو اي سر خخخخخ
فيه عندنا في المطبخ درج مخصص للزنكات 
فيه شنطة خياطه كامله ابر بر وخيوط وزراير شفافه بيضا وملونه 
وعندنا في الدرج انواع المشابك حقة الملابس 
وفيه صيدليه متكامله مسكنات وشاش طبي ولزقات جروح وكريم حروق 
وفيه لزق شفاف ولزق فلوس وبوتكس وانواع الصمغ
ودباسه وخرامه  
هذا الدرج مفيد جدا للزنكات 
......
فيه درج برضه في المطبخ مخصص للاكياس 
اي كيس يجي  من البقاله او من السوق نحط فيه الاكياس نستفيد منه كثير يعني مانرمي الاكياس 
نستفيد منها اذا طلعنا للبر او نغطي فيها الاشيا 
،،،،،،،
واذا ذكرت شي رجعت 

تقصدين هذا

صراحه موضوع حلو
خلي كل اخر شهر مبلغ مخصص لصدقه وتذكرى مانقص الصدقه من مال وربي تزيده وعودى اولادك يعنى اذا كان معك واحد منهم اعطيه الي فيه النصيب وخليه هو الي يتصدق وخليك كريمه وسخيه بالصدقه وربي انه باب خير ورزق عليك لاتبخلين علي نفسك فيه وشوفي النتيجه صحه ورزق وغيرها كثير

مدرى هو السر ولا بس الشوربه لازم تكون في الحم عظام يعنى ماتكون لحمه ساده لانى اشوف البعض يقطع لشوربه لحم هبر بس يخليه من العظم بس جربي يكون معها عظم تطلع الذ وازكى واطبخ المحاشي بانواعه بمرقه تكون فيه عظام تطلع بعد لذيذه

الباميه حطى مع البصل سكر واحمسيه وخليك كريمه بالثوم ولاتحطين بزرات غير الكزبره والفلفل الاسود ومنقوع التمر الهندى وطبعا لاتنسين اهم شئ بالباميه لاتقطعينه بس اقطعي الراس يعنى لاتفتحين الباميه خليها مقفله اذا حطيتها لاتحركينها عشان ماتكسر وتفتح بس وطي عليها النار وخليها ساعه او 40 دقيقه وشوفي العجب

وانا اخذا ثوم دائما من بنده رهيب مهروس وجهاز بعلبه صغيره مربعه تحلفين انه شغل بيت فيه نوع ثوم بالزنجيل بعد اخذه عشان البريانى وغيره لانى حصلت مثله العلالي بس ماعجبنى هذاك احلا وازكى

بالنسبه للقهوه خطاء الي تقول الفريزر اذا كانت مطحونه افضل شئ الثلاجه الفريزر يخرب طعهما ونفس الحكايه للبزارت وغيرها المطحونه لازم بالثلاجه لان بردوة الفريزر يخرب الطعم سبحان الله تصير كانها تراب لاطعم ولاريحه اموا اذاكانت مومطحونه احلا شئ لها الفريزر



اذا عندك بنت شعره خفيف ومايطول سوى لها جديلتين مو ضرورى تظفرينه اهم شئ تمسكينه اثنيين باستمرار وهو بيطلع الشكل مش ولابد بس والله العظيم مع الاستمرار بيطول الشعر ويغزر وعن تجربه بنتى وهى صغير كان شعرها مره خفيف وقصير وقالت لي جارتى امسكيه لها وخليه جديلتين والله العظيم ان شعرها الان لركبتها وغزير ماشاء الله ولاحول ولاقوة الابالله وانا لاستخدم زيت ولاشئ بس انى مسكته لها وهى صغيره تقريبا لان دخلت المدرسه بدية اسوى لها ظفيره وحده

اذا عندك ارق او احد تعبان مو قادر ينام سوى له شوربة بصل عن حبة منوم

بيتك لايخلي من مرهم ميبو معقم بيتادين وقطن طبي وشاش وفيفادول ومسكن حساسيه حبوب واشرب اذ عندك اطفال , وبعد وقت السفر والطلعات للبر او البحر خذيهن معك واتعبريهن اهم شئ

امشي في االاسبوع اقل شئ يومين مدة نص ساعه وشوفي كيف جسمك

اذا جاك ضيوف او عندك عزيمه بخري اكوب الماء قبل استخدمها بالمستكه
افضل انواع المستكه عند الرفاعى وقينة الكيس الصغير 50 ريال بس ريحه وطعم صح
الزعفران افضل شئ الاعماق
حطى مع شامبو الاستحمام حقك شوى عطر زيتى اي شئ تفضلينه انا احب البنفسج روعه

بخي العطر من داخل الفستان او البس الي بتلبسينه عشان تستفدين من كل ذرة عطر ماينتشر بالهواء كله يصير بنفس القطعه الي تبين تلسينه

بخرى شعرك وهو مبلول بالعوده وشوفي الريحه كيف حتى وقت تستشورينه ماتطلع غير ريحة العوده
وبخرى خزانتك كل اسبوع مره واذا عصبتى حطى بعد جمر واكسري عليه عود اقسم بالله من الريحه الطيبه تهدي اعصابك علي طول

وسلامتكم

موضوع ممتع ومفيد
جزى الله صاحبته كل خير

بنات بالنسبة للنمش اللي يجي في الملابس او الحبيبات اللي تتكون من القماش
افضل حل له المجفف الحراري
صراحة بعد ما اشتريته لاحظت الفرق
عندي بلوزة سوداء خرب شكلها وكنت على وشك ارميها
ولبستها صدفة في البيت كنت حاطه حنا على شعري
وغسلتها الشغالة وحطتها بالمجفف
صراحة رجعت كأنها جديدة

ماشاء الله عليك يالشماليه استفدت منك طيب قوليلي طريقه الشوربه بالبصل او اي شوربه نفسي اضبطها دايم احسها تطلع وخاصه لابنتي الصغيره