داعيه للخير :

ماشاء الله اسراركم حلوه ومفيده عندي شويه اسرار يمكن بعضكم يعرفها بس اعرضها للفائده 1- الاستغفار وانا اسوي شغل البيت والله اني شايفه نتائجه بنفسي في الرزق سبحان الله ربي يرزقني من غير لا اعلم ولا احتسب وبعض الاحييان اجزم بعد الاستغفار انه يبي يجيني رزق والحمد لله ربي يرزقني من غير لا احتسب 2- هدايا للاطفال رمزيه ممكن العاب بسيطه او حلاوه واحتساب ذلك عند الله صدقه وسبحان الله جنيت منها محبه الاطفال بطريقه عجيبه لدرجه انهم صاروا لصقه فيني --ههههه 3- في الطبخ اكثر البهارات وخاصه بهارات اشتريها من الحريم تجي في كيس بعشره كزبره حب وبصل مجفف تعطي طعم لذيذ في طبخي وخاصه الشوربه والايدام ودايم يسالوني عن طبخاتي والنار اوطيها جداً وما اكثر ماء في الايدام اخليها تطبخ الخضار وهي تطلع مويه بس احط عليها شوي ماء 4- في الشوربه وبيت حمولتي مسمينها الشوربه العالميه -- هههه اصفي الطماطم قبل لا احطها على اللحمه وشوربه الحب لاني اكثر من الشيبه يعني املاء يدي منه واحط بهارات حب وطماطم وثوم وبعد ما تستوي اصفيها واضيفها للحمه وشربه الحب واكثر من البهار المطحون وخليها تطبخ ساعتين والطعم واااااااو 5- فيه سر سويته وطلع بنتائج حلوه حطيت ببخاخ مويه ومويه ورد وملح خشن وقريت فيها الرقيه الشرعيه وابخ فيها عتبه البيت والمقابض بعد صلاه الفجر وبعد صلاه المغرب والحمد لله خفت عصبيه ابو العيال كثير من اول يدخل ومعه شياطينه والحمد لله الحين ماعاد تدخل شياطينه -- هههه 6- سري في الرز انقع الرز بعد صلاه الفجر واذا سويت الغداء يكون حبه الرز طويله حيل 7- شعري بعد الاستشوار لازم احط له خمريه وابخره 8- بناتي اعلمهم كل شيء في الطبخ والسنع واقصر معاهم في النصيحه ابد حتى لو تكون صغيره وماشاءالله عليهم ستات بيوت ودايم زميلاتهم يسالونهم ويطلبون مساعتهم في الطبخ والمكياج والشعر هذا اللي اتذكره

ماشاء الله اسراركم حلوه ومفيده عندي شويه اسرار يمكن بعضكم يعرفها بس اعرضها للفائده 1-...