قوالب الثلج احط فيها مويا ورد (سوري على الخطا)

اسراري ياحلوات ماتغلى عليكم


اول سر : الحمامات تكرمووون قبل لاانام اذا دخلته لاااااازم قبل لااطلع منه بعد ماافرش اسناني واغسل وجهي ارس الارضيه مويه ومطهر وبالممسحه انظفه ع السريع والكرسي احط فيه شوية كلوركس او 101 واتركه لليوم الثاني اذا قمت ع السريع بالفرشاه الخاصه له انظفه وطلع يلق ويصير الحمام نظيف ويفتح النفس


ثاني سر : اذا بسوي غداء اطلع الدجاجه بالليل من الفريزر واحطها بالثلاجه لليوم الثاني

ثالث سر: الرز اذا بسويه ابيض اولا اكشن بصل حتى يصير بننننني غامق واحط عليه جزر وفلفل قرون واحط الرز عليه واوزن المويه واحط ملحي وذوقي رز لذيذ

رابع سر : اذا غسلت شعري من الشامبو اخلط بصحن حمام زيت مع شوية زيت اي زيت مرتاحه عليه انا استعمل جوز الهند طالبته من برا ريحته هاديه مو مثل التنك اللي عندنا او اي زيت مرتاحه عليه واحطه ع شعري واتركه حتى اخلص تفريك لجسمي واشطفه
خامس سر : ادهن جسمي بزيت اللوز حسيت بنعومه وصفاوه وفرق حتى الابط صفيت ادهن فيه

سادس سر: جربت مقشر بيبي فوت شريته من امازون قشرررر لي رجلي تقشيرررر كامل وخف السمار اللي جنب الرجل على كثر ماصنفرت ودهنت ونقعت والله ان البيبي فووت يشيل الجلد الميت شيل والحمد لله نعمت رجلي
ووصرت ادهنها وارطبها واعتني فيها من جديد واول باول

سابع سر : والا اقول لكم سر مابعلمكم :)







امززح لاتذكرت جيت علمتكم

احبكم في الله

لاتنسوني من دعوة

لا يوقف
جزاكم الله خير

اول شي السلام عليكم ابقولكم سر ينفعكم دنيا واخره الي يبقى من طعام الغدى طبعا الي يكون محد لمسه موالبقايا حطيه بعلبه بالثلاجه والصبح سخني بالمكرويف وحطيه بصحن بلاستيك مع علبه مويه وحبة فاكهه واي شي عندك زايد حتى لو حبة شوكلت وحطيهن بكيس وعلقيه بعروه الباب الخارجي ﻻطلعوا عيالك للمدارس يجي البلدي ياخذه وهو مبسوط منه ياكل ﻻن بعضهم يجلس شهور ماياخذ راتب ومنه صدقه ومنه حغظ وشكر للنعمه والله تشوفين اثره بركة الرزق وصلاح اﻻحوال

رفع