تعالوا يا أمهات بسألكم : تلعبون ويا عيالكم ؟

هلا وغلا بكل الأمهات

معاكم أم يحيى من بيتنا

الحمد لله على نعمة الأهل والبيت والعيال <<< توني سامعة محاضرة عن الحمد والشكر :42:

المهم بسألكم يا أمهات :

تلعبون مع عيالكم ؟ وايش تلعبون ؟ خلونا نشجع بعض ونتعلم ..

بصراحة أنا مو من النوع اللي يحب اللعب ، لأن شخصيتي عملية ،، وحتى الألعاب اللي أشتريها لعيالي أو ألعبها معهم أحرص أن يكون لها هدف تربوي أو تعليمي أو ديني ..والحمد لله هذا شيء ما اندم عليه ....

لكن حسيت أنهم يميلون أحيانا للعب الغير مخطط له وأحيانا ماله هدف ( يسمونه استهبال )
فصرت اشاركهم أحيانا ( خاصة أن أهل علم النفس يقولون أن الكبار يحتاجون اللعب مع الأطفال وأنه من أسباب السعادة ونسيان الهموم ) وأشوفهم يفرحون جدا لو شاركناهم اللعب ..

نريد هنا أن تبادل أفكار ألعاب مع عيالنا مهما كانت أعمارهم ...يللا مين تساعدني :26: