أولا هذي صورته من النت
بنتي في المتوسطة عمرها 14 سنة عندها السمنة في بطنها وظهرها الجزء
العلوي أما باقي كله عادي لا رجيم ولا رياضة جابة النتائج
أصلا هي دائما شهيتها مسدودة يعني طول اليوم وجبة وحدة بس
تعبت مسكينة .. وجننتني يا ماما شوفيلي حل صحباتي كلهم نحاف أنا أتفشل قدامهم ولا ألبس أي شئ عدل :icon33:
بحثت في قوقل لقيت هذا الجهاز عملت موعد مع الدكتور في عيد كلينك
قال لي هذا الجهاز ينفع لأي عمر.. وهي تنزل من 5 إلى 6 كيلو
والسعر 7800 .. يوم راح يد فع لهم زوجي حق جلسة قالو لا .. لازم حق 6 جلسات دفعة وحدة
طبعا بنتي كانت جدا فرحانة ما قدر أبوها يرفض لها .. دفع كل كاش
بعد جلستين بالصدفة أكتشفنا عندها غدة الدرقية كسلانة جدا ..بعد التحليل
في مستشفى ثانية وقالتلها الدكتورة أن السمنة اللي عندها بسبب الغدة
والله بعد إنتهاء من 6 جلسات نزلت 2 كيلو بس .. يعني فرق بسيييط جدا
وراحت 7800 في شربة ماية على قولتهم
يوم كلمت الدكتور يقولي بكل برودة كويس انكم أكتشفتم بدري <<<<
بدري اي يا دكتور بعد ما شفطتم المبلغ :mad: حسبي الله .. المفروض يعملها
تحليل غدة الدرقية قبل كل شئ ... بس هم عارفين موضوع الغدة يطول علشين كدة ولا يجيبوا سيرتها.. حسبي الله عليهم
بالله إيش رأيكم ؟!!
نصيحة يا أخوات لا تعملو أي حاجة قبل ما تتأكدو سبب السمنة. خصوصا
الغدة الدرقية
سامحوني طولت عليكم .. بس والله من القهر رحت أفضفض
اهم شي الحين صحة بنتك الله ينحفنا وياها بصحه وعافيه