السلام عليكم ورحمت الله وبركاته
اليوم أول مره اسدحلي موضوعً فيذا{ابــــلـــيز ابي تـــفــاعــل}
كل وحده اكيد لها مغامرات يوم كانت صغيرهـ ابي كل وحده تسدح لي مغامره من ذكريات طفولتها^_^
اببتدي انا
اول شي بحط المقدمه {عشان تستوعبون السالفه ..
هذي المقدمه.>.>.>
انا وبزارين الحاره عندنا عاده نجتمع من 2الظهر حتى 10اليل في الشارع...طبعن شوارعنا ماهي امزفلته {لا تفتكروني كبيره تراني توني عمري19سنه بس انا في حاره توها جديده وتاخر العمران فيها }المهم في عندنا براااااااااحه كبيره قدام البيت ومن وراى بعد
وفينا طبع مره مو حلو اذا جات سياره نركض وندخل البيت ناخف يكون اسفاح اللي ازعجونا به تشوفونا نص وقتنا يا داخلين يا طالعين من البيت......ولله لا يوريك اذا فكرنا نسوي رحلات نشيل في الشنطه حقت المدرسه كل الي في الثلاجه ونشيل شي احس ان مال امه داعي ((دفتر وقلم))بللله عليكم وش الي يجيب ذولي في الرحله ولا بعد الحريم كل اشوي يطلون عليان لاحد يبعد ترى اللي بيروح ابعيد بيجيه الحرامي تشوفون رحلاتنا قدام ابيوتنا ’’’يالله بزارين ماعلينا شرها ...احم احم ادري طولت عليكم يلا هذي مغامرتي انا وشلتي....
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
مره من المرات جالسين "انا" وصقيقتي "اسوري" طفشانين حدنا اممممم جيت انا وفكرة واقترحت وياليتني ما اقترحت ان حنا نتمشى ابعيد عن الحاره يعني في الحواري اللي ورى البيوت ورحنا(طبعن هي ما تقول <لا> دايم تقول<قدآآآآم>)ورحنا وتعبنا وحنا نمشي بعدها قلت خلينا نجلس شوي بعدين نرجع قبل تغيب الشمس..و أول ما جلسنا إلا وذيك السياره الي مغيمه ددسن ام غمرتين جايتنا وتمشي بخفيف
وقفت "اسوري" وقالت: قومي قومي خلينا ننحاش
قلت: ياحمار كل ما جت سياره حطينا ارجيلنا تعبنا خلاص اجلسي لا تخافين انا معتس الي بيجينا ابذبحه {وانا ووجهي مسويا نفسي مهايطيه}
وتجلس إلا وسياره موقفا عندنا وتطيح اقلوبن من الخوف ويقوم يفتح دريشته وقال: تبني اوصلكن يا بنات...
"انا" و"اسوري" وقفنا وقلت: ويش.. قال: تبين ايس كريم
واحط رجلي "انا" و"اسوري" ويلحقنا بسياره (يسوق بلخفيف ما اسرعه) ويحدنا وننحاش وطيح معرفت امشي من الخوف وتجلس "اسوري" تساعدني تبيني اوقف ومدري كيف علطول دخلنا البيت وجلسنا ننادي خالتي (الي هي ام "اسوري") وصيح{ياخااااااااااااااااااااله} و"اسوري" تصيح {يماااااااااااااااااااااااااااااااااااااا} وتقول خالتي من كثر ما ازعجناها:: نعم خالتس وامس مااااااااتت
وحنا نقول:: ح ح ح حرامي ....قالت: وشهو حرامي
وحنى نقوللها: لحقنا يبي يخطفنا
وتقول خالتي:: نعنبوكم وينه وتاخذ اجلالها وبرقعها وتطلع((يعني انني جريندايزر))
المهم اتحداكم طلع مين
8
8
8
8
8
8
8
8
اخو وحده من حريم جيران وهي بنفس الوقت من جماعتنا كان يلعب معنا {الله يستر عليه من الدعاوي الي جته منا}.
بالله عليكم وشرايكم فيه مو سامج مو يقهر :mad:
هههههههههههه بس يا حلو ذيك الايام ...
يلا انا قلت باقي انتو ياحلوات:)
فيونكه×× @fyonkh_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
حآليآ مآآعندي موقف بحآول اتذكرر وأجي بسس حبيت اررفع الموضووع هع