كريم ميبو روعه بعده نشا .. وضروري الامتناع عن المناديل المعطرة وتغسلي المنطقه بماء وصابون عند كل تغيير بعدين تجففينها وبعدين دهنيها بكريم ميبو دلكيه كويس بعدين النشا طبعا اساسي اخر شي سكري الحفاظ وخلاص كم يوم ويختفي الاحمرار والطفح بإذن الله ....

انا اعطيك اسم كريم يشيله من ثاني استخدام و رخيص و جربته لبنتي بعد ما طفشت من الاحمرار و الحبوب .. انا كنت استخدم لبنتي بامبرز مرة ما ناسبها و من ثالث شهر غيرت لها لهجيز و مرتاحة لها سنة على دا النوع .. اول شي اغسلي بنتك كويس بموية دافيه و بعدين امسحي المنطقة بمنديل طبطبه خفيفة لين تصير المنطقة نااااشفة و بعدها حطي الكريم .. و كل ساعتين سوا الحفاظة مليانة بول او لا تغيري لها لا تخلي بلل ابدا على جسمها .. و فليل اشتري لها مفارش اللي تنحط تحت المرضى .. اسمها مفارش لوتس ب 45 رسال فيها 25 حبة تلاقيها في النهدي .. لما تنام خليها بدون حفاظة و حطيها على المفرش و لبسيها شراريب طويلة حقتك او حقت زوجك توصل لاخر رجولها عشان ما تبرد و لبسيها فوق ملابس كم طويل و حطي الكريم و خلي المنطقة تتهوى و غطي سريرها من فوق بشرشف عشان لا تبرد بنتك و كلها يومين و تدعي لي .. اهم شي خليها بدون حفاظة طول الليل .. اسم الكريم بيتاديرم صناعة مصرية ب 4 ريال .. جيبي الكريم مو المرهم .. و ان شاء الله تخف بنتك ...

احتمال بيبي جوي ماناسبتها دام لما رجعتي لنوع الي كنتي تستخدميه قبل بامبرز عنايه ممتازه والظاهر بامبرز ناسبها ويختلف من. طفل لطفل وش يناسبه من حفاض،،دام اتحسنت بنتك ع بامبرز ارجعي استخدميه واتركي بيبي جوي،،عيالي استخدم لعم بامبرز ومناسبهم بالذات بامبرز الابيض

• الله يسعدكم جميعا و على فكره انا ماغيرت نوع الحليب حليبها نفسه المرحله الثانيه من اس 26 و انا بس وقت الطفح جبتلها بامبرز الابيض و لمن خلصت رجعت لبيبي جوي و طلع اللي عندها فطريات على كلام الدكتوره و اعطتني كريم مخصص للفطريات اسمه ميكوستات و قالت لازم كل مرره تحطين طبقه كثيره منه و اعطتني كريم وقائي من الطفح اللي هو ميدو و الحمد لله خف شي كثير ..

و انا ابدا ما استخدم المناديل المبلله الا وقت الحاجه و اخليها تتهوى كل ماغيرتلها ما البسها على طول سواء عندها طفح او لا و للمره الثانيه الله يسعدكم جميعاً ماقدرت ارد على كل وحده 💗💗💗