طق طق طق طق
أقول خل عنك الذرابه كل تسه بسم الله
طراااااااااااااااااااااااااااااااااااااااااااااااااااااااااخ >>>> خلف الله على باب الواحه تكسر...
صبحكم الله بالخير شلة ونس >>> داخله دوانيه انت
مالك خص حبيباتي وامون عليهم >>> الله يعينهم على دفاشتك يا الدفشة هيه اعقلي ترى ذا اول موضوع لك هنا خلك ذربه وعاقله يمال الجنان
وانت وش دخلك ياداخل بين القشرة وبصلها مانابك الا ريحتها هااااااااااي
>>>> اقول مالت عليتس انت ومثلك مالقيتي غير البصل نصيحة لبنات الواحة خذوا الحذر من دفاشتها وصرقعتها..
طرااااااااااااااااااااااااااااااااااااااااااااااااااااااااخ على راسك احسن وش دخلك ..
>>>>> هي اللي مدخلتني وتقول وش دخلك آآآآآي راسي عورني حسبي الله على دفاشتك خلاص ابي اروووح..
>>>بيني وبينكم ترى صرقعتها ودفاشتها توصل للمستشفيات ديروا بالكم وانا ببقى معكم اعلق بس ها سر لاتعلمونها .
طراااااااااااااااااااااااااااااااااااااااااااااااااااااااااااااااااااااخ واطلع برة...
أف مابغى يطلع ...
الموووووووووووووووووووووووهييييييييييييييييييييم
نرجع لمحور حديثنا >>>>>صارت موضا في الواحة السعيدة الكركرية
صباح الخير يا حبيباتي الغاليات >>>> ابوك يالرقة
هذا اول موضوع لي هنا وان شاالله ماتفشلوني وتصير الردود كثيييييييرة واحر فيها شقوحه >>>> اي هين يابعدي.
صار لي موقف والله مبكي ومضحك في نفس الوقت ..
هذا ياالمصرقعات في يوم الاربعاء قبل امس ارسل زوجي لي وقال انه بيجي لبيتنا عشان ياخذ اخوي ويروحون عرس زميلهم >>> حد سألك عن السبب يامال الضعفة آآآآآآآآآآآآآآآآمييييييييييييييييييين جان زين أضعف >>>> أقول كملي ولايكثر هرجك ياخلي يملونك.
طيب ..
واتفقت معه انه يتاخر بالمشي ولايدخل بسرعة واذا قرب صوب الباب يسوي نفسه يعدل الغترة ويرفع عينه على الدريشة فوق الباب انا كنت واقفة هناك >>>> اي ومبققه العيون تقول بومه
الا البومه اشوى من عيوني ذاك اليوم..
وبعد انتظااااااااااااااااااااااااااااااااااااار طووووووووووووووووووويل ارسلي رسالة فيها قااااااااااااااااااااائمة طلبات سوي قهوة وشاي وابي حلا ومعرفش ايه نزلت تحت ودخلت المطبخ وركبت شغلي وانا اردد نشيدة عن الاخوة في الله تعرفون كلماتها رقيقة شوي >>>>اي هي رقيقة بس بصوتك النشاز صارت مصيبة.
لا ولابسة بدلة كشخه لونها برتقالي لان جارتنا بتزورنا المغرب >>>علينا هالحركات يعنني ..
لاصدق مو حركات>>>انجزي كشفناك وخلصنا
وهم لابسه نعال بيت بس عالية شوي >>>>بلاك من القصر.
الحمدلله على العافية.
وماغير اروح يمين ويسار مترت المطبخ رايح جاي اجهز شغلي وابيه يكون فوق الخيال روعه.... وبعد تعب دام ساعتين ويمكن اقل طلعت فوق عشان اجهز الرادار للمراقبة >>>>>تقصد الدريشة.
اول شيء طردت اخوي من الغرفة لان الدريشة المقصودة في غرفته ثانيا جبت عطر ورشيته في غرفته بس للاسف راح العطر قبل جيته>>>>بالله وش علاقت العطر بالشوف ماقلت لكم ذي مايصلح لها غير طب الاعصابي.
وجهزت المفتاح لزوم قفل الباب وشغلت الكمبيوتر عشان لوصادني احد ولا انا بريئة على الكمبيوتر جالسة>>>>الا هم البريئين موب انت.
وشوي الا اسمع صوت ولجه وصجة تحت نزلت ولا اخواني يعلمون امي بجيت زوجي وبلحظة البيت كله اعلن حالة الاستنفار وتم تجهيز الجيوش للاستعداد ليم اللقاء >>>الله ينصر اهلتس منتس.
وراحت الغالية عسى عيني ماتبكيها امي تسوي القهوة والشاي والخ الخ.
لان هم جارتنا دقت وبتجي لنا...
بكل طمئنينة رجعت فوق وجلست اراقبه وكل شوي وينك؟ وهو يرسل جاي آخر شي ارسل بالنص: ..........((حذف رقابيا)) آسفه صار لي ظرف ولازم اروح مقدر اجي :) . انا هنا دورني ماتلقني>>>كود فوق الدولاب ولا تحت السرير ولايمكن انها متعلقتن بالمروحه فوق.
زعلت وعصبت موب لانه ماهو جاي لا لاني سويت الشغل ذا كله وتعبت >>>خل النصب عني الا مت يوم حسيت انه موب جاي.
وارسلت له : طيب على راحتك .........((الله يحفظ لنا الرقابة)).
بس كان قلت لي كان ماتعبت نفسي ولا اشغلتني >>>واحد من الربع موب رجلتس ذا احترمي نفستس وخلتس رقيقة سوي فيها يعنني لومرة مالت عليتس.
وضاق صدري مرة ورحت لرفيق الدرب كمبيوتري اشبكه وكان في خاطري اكتب لكم معاناتي لانكم حبيبات قلبي والغاليات علي حيل>>>اهيء اهيء اهيء ابوك يالفلم الهندي.
والا بجوالي يرن نغمة الغوالي>>>انتبهن تراها ماتحب الاغاني ابد بس في نغمة كذا صوتها واطي شوي مخصصتها للي غالين عليها حيل عاد انتن عطنها ارقامكن تحطكن بقلبها موب بجوالها.
فتحتها والا زوجي يقول: أمزح معك انا خمس دقايق عند بيتكم يا.....((يالب قلب الرقابه)). جلست اطامر واتناقز هيا هيا هيا هيا فازت القادسية اوووه أقصد بيجي زوجي >>>خلف الله على امن جابتس.
واستعد عند الدريشة وجات اللحظة الحاسمة والا مرة اخوي طق طق طق افتحي بسرعة وش جابك بهالوقت يابنت الحلال فتحت الباب وكلي خوف ورجاء والا تنقز متعديتني وان بغيت احسب خطواتها اظن انها ثلاث او اقل الاهي لازقتن خشتها في الدريشة وتقول وينه جا قفلت الباب وبكل صرقعة قلت لاخمس دقايق ويجي وجلسنا ناظر الدريشة وقلوبنا طربق طربق طربق طربق طربق طربق طربق طربق طربق هي خايفة من اخوي يشوفها وانا خايفتن منه ومنها ومن اللي ماجا فاقعتن مرارتي.
وفجاة ارسل وقال انا عند بابكم ناظرت من الدريشة والا اخوي الدب واقف برة قلت ذا بي سد علي وما اشوفه قلت ابد لازم اني ارسله ارسلت له وقلت له : اخوي ذا لايجي قدامك خله وراك ترى ما اشوفك عدل منه >>>>بناااات آخر زمن لا وتفلسف عند مرة اخوها يعنني مستحيه..
سلم على اخوي برة وجا يمشي بطيء شديد اخوي خش داخل بسرعة وزوجي جاي يمشي ميت من الضحك رفع يديه يعنني بعدل الغترة جان يرفع عيونه على الدريشة انا شفت شكله بغيت تصيبني سكته قلبيه ومعها دماغية>>>بالعون نخلص منك.
ثم دخل وانا رميت نفسي على سرير اخوي حسيت الارض تدور بي قالت مرة اخوي خلينا ننزل عشان محد يحس بنا نزلنا ولا الدنيا ظلمه كان حزت المغرب تقريبا واناظر والا امي وخالتي والظاهر شغالتنا بعد يناظرون مع دريشة صالة الاستقبال اللي تطل على الحوش والباب الرئيسي جتني الضحك على اشكاهم جان اخش المطبخ واضحك اضحك على اشكالهم>>>اي عشان برستيج الحيا مايخرب لشافوك تضحكين آخ من البنات.
وختمت الضحكة بشهاق يوم شفت الدلال والصينية والشغل اللي تاعبتن عليها في المطبخ محدن وداه صحت على شغالتنا ليه ماودوا القوة قالت: لا ماما قول سوي قهوة و بابا يودي قلت وش هو؟ لا لا لا لا تعبي كله راح لجارتنا اللي كشتت فينا وماجتنا وهو ماذاق غير قهوة شغالتنا عساها للجنة.
بس الحمدلله ان الحلا كنت مجهزته وحاطته في دولاب عشان محدن ياخذه وقلت لاخوي الصغير عنه وخذاه ووداه لهم..
ويوم طلع ارسل لي : ودعتك الله ياقلب اغليته >>>>ياهوو وين الرقابة
ثم ارسل يسأل كيف كان شكلة وش موقفي
قلت له السالفة كلها تدرون شصار
دحدروا >>>بتقلدكم يالمصرقعات
تحول الوصال من مجرد ارسال الى اتصال...
وانتهى اليوم بتحقيق من مرة اخوي كيف وشلون خططتوا للسالفة ذي لان الاصل ان اخوي يمره ويروحون مع بعض بس انا قلبتها >>> ان كيدهن عظيم.
ها ان شاء الله عجبكن الموقف وكنت خفيفه على قلوبكن
قولن الصدق يمال العافية
>>>>>> وش رايكم بردودي
انت هنا ماطلعت هين اوريك تعال >>>>>ابنحاش مع السلامة
اقولك وقف اصبر تعااااااااااااااااااااااااااااااااااااال وراك وراك تعاااااااااااااال
ان حاش اوريه معليكن منه ترى هرجته كثلانتن ودابلتن كبدي
>>> هييه حلو هرجته اعجبتني من وين جايبتها يابعدي
هاااااا وين الردود اللي تثلج الصدر وطيب الخاطر>>اضم هرجتي لها
والى صرقعتن ثانية..
اختكن المصرقعة الدفشة:
همسااااات صاااادقة
همسااااات صاااادقة @hmsaaaaat_saaaadk
عضوة نشيطة
يلزم عليك تسجيل الدخول أولًا لكتابة تعليق.
علكه بالفراوله
•
خخخخخخخ
الصفحة الأخيرة