تعالو بكلمكم عن شيء كثير ناسينه

السلام عليكم ورحمة الله وبركاته
انا بكلمكم من واقع تجربة مرت بين ناس احبهم
واتمنى تفيدكم
لي ثلاث اخوان
الاول تزوج قبل اربع سنين والثاني قبل سنتين ونص والثالث قبل سنه ونص
كلهم طبيعين مافيهم شيء يمنع حملهم لا اخواني ولا زوجاتهم
وحده عملت الفحوص وتاكدت من سلامتها ومن سلامت زوجها وجربت الكلوميد مره بس
الثانيه تعبت وهي من كلوميد وابر واشعة صبغه رغم انها عندها تبويض ولا فيها اي مشكله
والثالثه بوقت التبويض تروح لدكتورتها وتتفحصها وتقول كل شي تمام فيه بويضه جاهزه وتروح وتجيها الدوره وعلى الحال هذا
وكلهم كل شهر يتوقعون الحمل ولا يصير شيء سبحان الله رغم انه مافيه مانع فعلي


المشكلة وين طيب؟؟؟
مافيه مشكله واضحه
طيب الحل شنو؟؟
سهل دام مافيه شيء يمنع وبالنهايه كله بامر واحد احد

الاولى التزمت بسورة البقرة والرقية وحملت بعدها بشهرين تقريبا والحين عندها بنوته الحمدلله

والثانيه جابت زيت مقري وماي واول سبع ايام بعد الدورة تدهن وخاصة منطقة الفرج تكثر الزيت فيها مثل ما قالها الشيخ مع سورة البقره لان اخذها بركة وسبحان الله حملت بنفس الشهر والله يتمم عليها

بعد ما حملت وفرحنا بحملها رحت على طول لمرت اخوي الثالث وقلت لها تعمل نفس طريقة مرت اخوي الثاني تجيب زيت وتدهن سبع ايام بعد الدورة
والحمدلله والشكر حملت بنفس الشهر قولوا ماشاء الله

والله يابنات كل الي قلته من واقع تجربة ببيت اهلي يعني مو شيء سمعت فيه لا والله الا شفته وعايشته
يعني فيه كثير بنات اشوفهم هنا مافيهم شيء ويحاولون كل شيء حتى حقن مجهري ولا يصير حمل
ومع ان الرقية والدهان اسهل و اقوا
وياليت حتى الي فيها مشكله تجرب مع العلاج تقرا وتدهن وان مافاد ما ضر