اذا الالام مستمرره معك لازم تنشال اريح لك ولا بتجننك طول عمرك
انا بقولك وش صار معي كنت حامل زيك بالثاني يجيني الم مكانه تحت الصدر بدايه المعده لكن الالم بسيط ومحتمل جدا بس يضايق شوي ويخليني مكشره ومالي خلق شي ومع الحمل صار يجيني كثير وماله علاقه بالمراره لان المها غير المهم امي ماارتاحت قالت روحي اكشفي شوفي وش هاللي منكد عليك المهم رحت كذا بشوف اتطمن خذوا لي سونار لاني قلت حامل فما تنفع الاشعه قالي الدكتور حصوه بالمراره كبيره ٢ سم وابعدي عن الدهن وكلي شي مسلوق وصحي وماينفع لك حاليا الا مسكن خفيف لين تولدين وراجعي بمستشفى وشوفي وش يقولون ولدت بالسلامه وهي ماتوجعني ابد واكل اللي ابي عادي بس زوجي اصر اني اراجع وقالوا نفس الكلام مراره وشيليها من الحين قبل تلتهب وتعذبك حددوا لي موعد للعمليه بعد شهر الشهر هذا عشته عذاب نفسي خوف وقلق ولااكل زي الناس وبالي مو مع احد ماعمري سويت عمليه اول مره منهاره ههههههه يعني الرعب عامل عمايله لدرجه اني قلت هونت ماابغى خلاااص بس زوجي وامي سحبوني غصب وسويتها من سنه وزياده والله العظيم انها ولاشي اتعب وانا اقولك سهللللللله منظار ٤ جروح قد الظفر
سويتها الصبح المغرب في بيت اهلي حتى تنويم مافيه والحمدلله اني شلتها قبل ماتغثني نصيحه سويها بعدالولاده قبل تلتهب عليك تسوينها منظار ولاتتعبك وتتصبرين ولايقدرون يطلعونها منظار وتصير جرح طويل وتتعبك اكثر نصيحه
وربي سهلللللله مرررره اللي تعبني شوي الصلاه على كرسي اسبوعين
وانتفاخ البطن غازات الله يكرمك خمس ايام بس وراحت
اشرب يوميا مغللي كمون وحبوب الفحم ممتازه للانتفاخات
و اقدر اتمسك بالسرير واقوم امشي عادي محد يساعدني اسبوع وانتي طيبه لاتخافين ابد
سويتها بالرياض الملك خالد الجامعي رووووعه المستشفى
سويهااااا توكلي على الله

قدامك العافيه ماتشوفين شر

الأمر بسيط باذن الله
كان معي نفس الالام بالحمل وطلع معي حصى بلمرارة وبعد الولادة سويت العملية والحمد لله مافي اهون منها وبعدها ارتحت
الحل تبعدي عن الدهون بشكل كامل وعن البيض اقري على جوجل عن كل الممنوعات الي بتهيج المرارة والوجع
طالما التزمتي بالحمية فبأذن الله مارح يجيك الالم
الله يشفيك ويقومك بالسلامة

انا جاني الم مرة فضيع وكنت نفاس ومسوية قيصري ورحت اقرب طواري كشف دكتور قال احتمال حصوة واعطاني ابرة وارتحت


اليوم تاني رحت مع زوجي المستشفى الي ولدت فية سوا اشعة قالو فعلن في حصوات ولازم عملية ننتظر عليك 3شهور لانك توك طالعة من ولادة قيصري


والحمدالله سويتها يوم واحد تنومت ف مستشفى

ماتشوفين شر باذن الله
اشربي بيره موسي بالفراوله او التفاح لو تتحملي الطعم خذي بالشعير مره ممتازه والحلو فيها انها ماتضر الحامل بس تأكدي اول واسالي صديقتك الدكتوره وفالك العافيه...