تعالو شوفو تدرج سوء حالتي ولفين وصلت وكيف حيكون بكره

للاسف وبسرعة البرق
قبل شهر كان كل شي تمام
او تقدرو تقولو الحياه ماشيه
ابلع الهم واسكت واحمد ربي
ومازلت احمده واشكر فضله
قبل اسبوعين نشأت مشكله فتحت كل الجروح وانهرت وصرت عدوانيه ومتمرده
وقبل اسبوع رحت لطبيب نفسي
ومن يومها بدأت اغيب عن الوعي او بمعنى اصح بسبب الحبوب اللي اعطاني هي الطبيب صرت اتخدر لوقت طويل وماعاد ادري عن اي شي
الجميل في الموضوع اني انسى واغط في سبات عميق
هو نوم ومو نوم في نفس الوقت
غياب عن الدنيا
واللي مو جميل فيه انه ضاع تركيزي وضعفت ذاكرتي وصار عندي ضعف جنسي وبرود ماتتخيلوه ونحول شديد خلال اربعه ايام وعدم رغبه في الاكل بسبب الحبوب
وهذا ماهو مكتوب على الورقه في قسم سلبيات الدوا
واليوم مااخذت الدوا وحاسه اني مركزه شويه ورديت على الاخوات وكتبت هذا الموضوع
لكني حزينه وشاعره بأسى وألم نفسي ونفسي انسى
من السلبيات اللي صارت ايضا اني صرت احبس نفسي في الغرفه لوقت طويل ماتتخيلوه
بعيده عن ابنائي وزوجي والعالم كله
تسع ساعات او عشر ساعات مااشوف احد غير ساعات النوم
حاسه اني على حافة هاويه بس مازلت اعي واسمع واشوف
مهمومه من اللي وصلت له
فهل من دعوه ترجعلي حياتي وابتسامتي واهتمامي بأبنائي على الاقل ؟
حسبي الله ونعم الوكيل في كل من تسبب في ضياعي