تعالو شوفو جدولي السهل واهم المنطفات الي اعتمدتها

السلام عليكم ورحمة الله وبركاته


كيفكم يا سنعات ان شاء الله بخير
هاااا تعدل نومكم بعد العيد ولا لسا :)


بقولكم على جدولي اليومي والشهري لتنظيف البيت وهو اسسسسسسسسسسسهل جدول بصراحه وومتع وغير متعب ابداااا وجميع منظفاتي الي جربتها و اعتمدتها


اول شي لازم تعدلون نومكم يعني نامو الليل كله واصحو الصباح بعد الفجر كلكم نشاط وحيويه واستمتعو بيومك وخلوووو عنكم السهر الي يهدل الحيل و يفقدكم صحتكم وعافيتكم
لانه هو سبب الخمول و الكسل وضيقة النفس والاخلاق الشينه طول اليوم


المهم بقولكم الحين على جدولي وهو يبدأ من يوم الاحد الي هو اول يوم بالاسبوع طبعا وشغلي كله في الصباح لاني اصحى بعد الفجر اصلي و افطر وعلى الساعه 8 ابدأ شغل خلال ساعه ونص تقريبا او ساعتين وانا مخلصه كل شي وباقي اليوم مرتاااااحه الحمدلله


الاحد : انظف جميع اثاث البيت يعني التحف والارفف والطاولات فقط
الاثنين : اكنس وامسح جميع ارضيات البيت وامسح الشبابيك والمكيفات
الثلاثاء : اغسل كل الملابس و اغسل حمام الضيوف مره بالاسبوع والحمام الي نستخدمه اغسله مرتين بالاسبوع
الاربعاء : اكوي الملابس
خميس : اجازه وراحه لان كل شي نظيف
جمعه : اجازه وراحه لان كل شي نظيف
سبت : اجازه و راحه لان كل شي نظيف
والمطبخ بشكل يومي انظفه ولا انام الا وهو يلمع والحمدلله وهو اهم شي بالبيت طبعا
ومره بالشهر امسح النجف و فوق الدواليب واذا كانت دواليب المطبخ او الملابس تحتاج ترتيب نرتبهم بعد



شفتو كيف الجدول سهل وخفيف وغير متعب ابداااا صدقوني لو تعتمدون الطريقه هذه بتعيشون مرتاحين وبيتكم نظيف على طول ومرتب وتقدري تستقبلين ضيوفك في اي ووووقت
انا مثل ماقلت لكم شغلي كله في الصباح عشان استمتع بباقي اليوم ومرتاحه لا شغل ولا شي واي وقت اي احد بيجيني الحمدلله واثقه ان بيتي نظيف ومرتب


الحين بقولكم على المنظافات الي اعتمدتها اكيد الاغلب يستخدمها بس بقولكم عليها لاني جربت منظفات كثيييييييييييييير وعتمدت افضل شي منهم


امسح ارضيات البيت اول شي بمويه وبعدين اغير المويه واحط مويه نظيفه مع شوي ديتول وارجع امسح الارضيات مره ثانيه
جربت داك وجربت كلوركس العادي وجربت كلوركس الي بريحة الورد و الصنوبر وووووالخ مالقيت اجمل من ديتول الاصلي لان الديتول يعطي لمعه قويه للسيراميك ولا مايخلي الارض مبقعه من المويه ولا يخليها مدبقه



الحمامات استخدم لهم العملاق الاخضر + هاربك + جف الي لونه ابيض الكريمي مو البخاخ الي يجي مكتوب عليه مع مبيض
اول شي اوزع هاربك على الارض كللللها واهم شي تكون الارض ناشفه مافيها ولا نقطة مويه واخليه نص ساعه وبعدين احط شوي مويه على الارض و افركها تمااام بفرشه خشنه واشطف الارض تمام
المغسله و البانيو و المرحاض احط لهم جف ونفس الشي اخليه نص ساعه وافركه بالفرشه واشطفه
واخر شي بعد ماشطفت المنظفات كلها اوزع العملاق الاخضر على الارض و المغسله والمرحاض واغسل فيهم من جديد واشطفهم واجفف الحمام
صحيح السالفه فيها تنقيع وشطف اكثر من مره بس صدقوني بالطريقه هذه بتلاقون الحمام يلمع بشكل جميييل والمغاسل تلق لق من النظافه وتقعد اسبوع كامل تلمع والله العظيم


طاولات البيت و الاثاث والشبابيك و المكيفات حتى النجف كله امسحهم بالديتول احط مويه في زبديه كبيره وديتول وكل ما انتهيت من غرفه اجدد المويه من جديد وكمل الباقي وهكذا


طبعا المواعين افضل شي الفيري بعد ماجربت انواع كثر ماقدرت استغني عن الفيري واحط معاه مقدار ملعقه ديتول واغسل المواعين بتعطي نظافه وريحه ولمعه وتعقيم
وقبل انام اخلص شغل المطبخ و اخذ بخاخ فيه مويه وشوووي ديتول وامسح رخام الدواليب لان المطبخ اهم شي بالبيت ولازم نحرص على نظافته و نعقمه اول بأول
اكيد بتقولون ليش استخدم الديتول بكثره وفي كل شي لاني بصراحه حسيت انه يعطي لمعة نظافة للارضيات و المواعين وطبعا غير التعقيم و الريحه الجميله
واستخدم الكلوركس على حوض المطبخ لانه رخام لاخلصت كل شي اصب عليها كلوركس مركز بدون تخفيف واخليه لثاني يوم لان عندي الرخام حق المطبخ لونه ابيض ولازم بشكل يومي استخدم الكلوركس ولا لونه بيقلب وبيصفر


وكنت استخدم التايد ولا اقدر استغني عنه بس صارلي فتره احسه ماينظف ابد واحيان ريحة الملابس تكون كريهه مو زينه مدري كيف اوصف لكم جربت اومو وجربت اكسترا و برسيل وبونكس واريال
كلهم ريحتهم جميله لاكن بدون نظافه صراحه ماحسها تنظيف تمام ولقيت الاريال افضل شي بينهم نظافه وريحه
ومن المنعمات اكيد كفورت الي لونه سماوي احط مقدار 2 غطاء واحط كمفورت المركز الي يجي لونه بنفسجي برائحة القاردينيارووووووعه ريحته احط برضو مقدار 2 غطاء بتلاقون ريحته تطول بالملابس لفتره طويله والريحه فوااااحه ومنعشه


والبيت بشكل يومي بعد العصر ابخره بالمستكه وشوي بخور اي نوع ثاني من المتوفره عندي بعد المسكته لان المستكه تثبت ريحة البخور و تعطي ريحه افضل وانا مدمنة بخور عندي فواحات بس قليل استخدامي لها احب البخور اكثرو استخدم الفواحات اكثر شي بالحمامات لان البخور معروووف مو زين في الحمامات

كنت بكتب الموضوع وادعمه بالصور بس عندي مشكله في الاب توب مو راضي يستقبل الصور من الجوال


لاكن بنزل عن قريب ان شاء الله موضوع عن ترتيبات المطبخ من الداخل وبيكون كله بالصوووور وراح اوريكم المنظمات الي عندي وكيف ارتب اغراضي فيها وايش افضلها واماكنها من وين وكل شي


ان شاء الله تكونو استفدتو اهم شي من الجدول الخفيف


ادعولي ان ربي يرزقني بأخوان لبناتي و ييسر اموري ويوفقني بدراستي


احبكم ف الله :)