تعالو شوفو قصتي وشاوروني شو أسوي؟!!

السلام عليكم اخواتي اشحالكن 
بختصر قصتي وما بطول عليكن

أنا عندي بنت ولله الحمد وحملت الثاني لما صار عمر بنتي 9 شهور ويبت الولد واتوفى لما كمل شهر وهو نايم الله يجعله شفيع لي ولأبوه وولاداتي الحمدلله كانت طبيعية
وحملت بالثالث بعد 3 شهور وقررت ما أقول لأحد عن حملي لا أهلي ولا أهل زوجي لأنه أطفالي يكونو مريضين بهم خلل بالجينات واحتمال كبير يجو أطفالي معظمهم بهم هالمرض وممكن يجي طفل سليم بقدرة القادر
المهم > ولدت بنوتة قبل أسبوع بقيصرية لأنه الجنين كان مقعدي وفجأة اختفت الحركة ورحت الطواري وسويت تخطيط وكان النبض ضعيف وقرروا قيصرية مستعجلة والحمدلله على كل حال 
بنتي الحين بالعناية ادعو لها الله يشفيها ويعافيها عندها نفس المرض الجيني اللي عند اختها >> المرض هو انه يكونو مرررة صغار مقارنة بالأطفال العاديين وعندهم تشوه باليد والحمدلله على كل حال 
بنتي بالعناية لأنهم حاطينها بجهاز الأكسجين الله يشفيها يارب ويخرجها لنا بالسلامة

السالفة وما فيها انه أهل زوجي زعلو منه حيل لأنه ما خبرهم عن حملي وكذا وأمي بالبداية زعلت وبعدين رضت الله يجزاها الجنة يارب.. المهم أهلي مو زعلانين مني الحمدلله بس أهل زوجي زعلانين منه
بالله خبروني كيف أتصرف.. زوجي ما يهون عليي أشوفه زعلان دايم مهموم أهله ما يكلمونه.. فكرت أرسل لأم زوجي رسالة اعتذار اني أنا اللي غلطت مو زوجي.. زوجي كان يبي يقولهم بس انا كنت أعارض 
طيب شو أرسل لها بالضبط عشان ترضا عليه
أو شو السواة عشان ترضى

أتمنى منكم الردود السنعة ولا أحد يهزئني لأنه دمعتي واقفة عند عيني 
القيصرية عذاااب أسأل الله الأجر ما اتوقعتها كذا
والحمدلله في كل حين