تعالو شوفو كيف بترك المسكنات الي دمرتني ( ادمان المسكنات )

السلام عليكم
بنات حواء العزيزات خواني بقولكم قصتي قبل الزواج كنت احس بالم دائم مستمر أسفل ظهري وأهملت هذا بظن انها الدوره قربت وبعد الدوره زاد الالم وسويت أشعه مقطعه وللاسف طلع عندي دسك بالفقرات القطنيه الحمد لله اول وتالي وكان وقتها وزني على ماتذكر 75
وكل الدكاتره قالو مايايدووو العميله لانها خطره في حالتي
للاسف التعايش مع مسكنات الالم بدا مشواره معاي بديت أخذ المسكنات بندول بروفين كتفلام وغيره نيروتيون اتوقع اسمه كذا ليريكا وغيرها من المسكنات والمهدئات وكل الدكتوه لفيت عليهم وقالو الحل الوحيد انزل وزني قبل الزواج وصلت لوزن لاباس عليه اتوقع ستين او زي كذا خفت الالم بشكل كبير وطلع كلام الدكاتره صحيح مع ان الالم مازال موجود بس يبي لي كثير من نزول الوزن طبعن معاي جفاف في عيوني الحمد لله كله بسبب المسكنات لانها مدرع للبول بشكل كبير وتسبب جفاف للعيون زاد الم عيوني وزدت جرعه المسكن عشان ماحس بالالم كل مايزيد المسكن يزيد تلقائي اثاره الجانبيه من جفاف وغيره وقمت أخذ البروفين لألم الظهر والفولتارين الي دمرو حياتي وسببو لي اللتهاب بجدار المعده انا اخذهم من سنوات وحطو خط تحت سنوات يعني مو فتره عابرة وبس لا وبعد ماسويت سونار بالمستشفي بسبب الم المعده الي ماينومني للليل ولا نهار الدكتور شاف السونار وقالي انتي تاكلي ايش التتهاب قوي بجدار المعده وعلمته قصتي اني قبل الزواج اخذهم وصبحت مدمنه على الفولتارين والبندول والبروفين
وقالي مو أخفف لا اتركهم ولا عمري اخذهم وشاف السونار
وطلع عندي قرحة بالاثني عشر وتقرحات شديده بالاثني عشر ان تركتهم زادت الام الدسك وان خذيتهم زادو الم المعده والقولون المتقرح بسببهم كرهتهم من سبب الم عيون والجفاف والي صار بسببهم قررت اني وباذن الله بتركهم نفس مانصحوني الدكاتره بس للاسف ماكنت اسمع كلامهم وآخر دكتور قالي اتركهم واتحمل ألم الدسك وجفاف العيون لحد مانزل وزني وباذن الله يروح العوار وللالم لاني مجربه يبي لي أوصل المثالي صح رحله طويله بس باْذن الله راح أوصل عشان صحتي بنات اتركو المسكنات اقصد المدمنات عليها مو الي فتره وتتركها لا الي تاخذها من سنوات انا لو اقول لكم بومين كنت اخذ البنادول والفولتارين ماتصدقوني كنت كل يومين لحد ماصار يومين بدخل مع نفسي تحدي وبنات ابي منكم التشجيع لانه هو الي راح يخليني أوصل باْذن الله خلاص رميت امس المسكنات وأنتم بكرامه بالزباله هذي اول خطوه قالها لي الدكتور اتخلص منهم بالبيت صح راح احس بالآلام والاعراض الانسحابيه بس بكون اقوه منهم واكتب كل ملاحظاتي راح يكون 40 يوم لحد مخلصهم بدون مسكنات اي الم وملاحظه وتعب ابي منكم توقفووو معاي ابطل هالعاده او هاشي الغلط الي دمر حياتي وأي وحده مثلي تبطل هالطبع معاي قولون راح اكتفي بعلاج القولون فقط وحميه أكل امشي عليها اذا مشت معاي تمام راح اقولها لكم اخر الا 40 يوم وحاول انزل من الوزن عشان الدسك عشان ماضطر للمسكنات مره ثانيه الله لا عيدهم من مسكنات دمرت حياه الكثير اكيد لها فوائد بس الاستخدام الغلط لها هو الغلط كل شي له فوائد بس الغلط مني كنت اخذهم بكثره وكلي أسف لاكن ماينفع الأسف
من اليوم هو اليوم الاول مشرفاتنا العزيزات اتمني تخلوني اكتب يومياتي وشلون راح اترك هالادمان راح اقولكم اول يوم الحين قمت من النوم أفطرت بس ماخذيت اي مسكن كالعاده احس بالآلام وبد الآلم يزيد باْذن الله راح اصبر وانا قدها ابي منكم تشجيع اي وحده تدخل ترفع معنوياتي بكلامها لي احتاج دعمكم ووقفتكم معاي ولو حتي بالدعاء
ونسيت اذكر لكم اني راح اكثر شرب الماي عشان ترسبات المسكنات كل هالسنوات والقولون ينظف ويخف الالامه على بنات احذر تستخدمو المسكنات بطريقه خطا خذوها نفس ماهي مذكوره ولا تاخذوها فتره طويله الحمد لله على كل حال اي تشجيع اي ملاحظه او نصيحة لي او لغيري اذكريها يمكن تاخذين دعوه بظهر الغيب بدخل شوى واقولكم شنو اعراض انسحابيه للادويه الي كنت اخذها وشنو إحس فيه وبي تشجيعكم ل 40 يوم حميه وكثر شرب ماي وهل راح اشوف تغير بصحتي نفس ماقال الدكتور او لا
انتظر ردودكم