السلام عليكم ورحمة الله وبركاته
شخباركم بنات ..
حبيت ابشركم سويت اشعة الصبغه بالبنج في مستشفى الحبيب بالرياض اللي في الريان واللي سوت الاشعه دكتوره سودانيه اسمها نجلاء معها ممرضه سعوديه اخلاقها تهبل وفي ممرضه ثانيه ودكتور مصري للبنج فقط..
الاشعه ب650 والبنج ب500
طبعا لازم اكون صايمه 8 ساعات
ومافيه جماع من بعد الدوره
تخيلو الاشعه هذي لي ثلاث سنين متزوجه وكل مره ااجلها لاني خوافه مرره مررره للاسف خوفي كان على الفاضي انا سويت كل التحاليل انا وزوجي سليمين وقلت مافيه الا اشعة الصبغه وكنت خايفه وترددت ..
المهم قلت مااضيع وقت والحق عمري ولي كم شهر ابحث واقراء عن اشعة الصبغه بالبنج لين ارتحت وقررت اروح للحبيب واسويها رحت قبلها بيوم وحجزت وطلبت بنج كامل وبعدين رجعت للبيت خايفه ومانمت زين وطلبو مني اكون صايمه 8 ساعات ورحت للمستشفى وقت صلاة الظهر وصليت الظهر والعصر كنت خايفه اني مااصحى الا متاخره ههههههههههههههههه
جاء موعدي ودخلت الغرفه ورفضو يدخلون زوجي وخفت رحت بدلت ملابسي وقلت للمرضه السعوديه نادي زوجي خايفه وماقصرت جزاها الله خير نادته ووقف جنبي وانا وهو خايفين مرره لبست لبس الاشعه وركبت السرير ودخل علي دكتور الاشعه وانا خايفه وبدون مااغطي شعري ووجهي والممرضه السعوديه طيبه مره راحت تجيب لي طرحتي من غرفة الملابس بدون مااطلبها ..
طبعا البنج عباره عن ابره منومه واكسجين دخل الابره فيني ثم دخل البنج فيها ونمت وانا اقرا الاذكار واية الكرسي وماحسيت بشي ابد نمت هههههه وصحيت على صوت زوجي يناديني فديته كان خايف وسالتهم خلصت قالو ايوه وقعدت ابكي دمووع الفرح ومافيه اي الم ابد سواء احتقان بسيط في المهبل وماطول وركبوني سرير ثاني قالو بندخلك في غرفه ترتاحين ورفضت واصرو علي وقاسو الضفط والاكسجين وكل شي الحمدلله كويس وسالت زوجي كم المده وانا نايمه قال 7 دقايق الحمدلله بالبنج 7 دقايق وصحيت وخلصت من الشبح اللي اجلته 3 سنوات الحمدلله والشكر له وحده فرحتي ماتوصف ..
وصحيت ولبست ملابسي وعبايتي ورحت لدكتوره ابتسام اردنيه وسالتها عن النتيجه تقول ممتازه مافيها اي شي تقول توقعات انه هواء او ذرة هواء في الانابيب وتقول فيه ناس كثيره يطلعون سليمين وبنفس الشهر اواللي بعده حملو واخذت النتيجه في اوراق وسيدي عشان اخاف احتاجها مره ثانيه وعطتني مضاد عشان الالتهابات..
وركبت السياره طبيعيه والبنج ماله اي آثار ...
بنات طلبتكم اللي متاخره وماسوتها وخايفه تسويها بالبنج وربي الشغله ماتخوف انا اكبر خوافه في الدنيا كلها اخاف من الابره فالحمدلله سويتها وياربي لك الحمد ماله داعي الخوف ..
اي وحده تبي اي سؤال تسالني وانا حاضره بس تكفون سووها واخلصو العمر يجري والشغله سهله وربي سهله ..
واللي تعرف اي وحده برا المنتدى خايفه من الموضوع قولو لها كلامي او خلوها تدخل وتقرا وموضوعي انشروووه بجميع المنتديات ماابي ابخل على اي وحده خايفه سهلوها وربي يسهلها وان شاء الله ربي يرزقني بالحمل وتكون الاشعه علاج لي بعد الله سبحانه وتعالى ..
واولا واخيرا الحمد والشكر لله وحده ..دعواتكم ..
ساكنه بعيونه @saknh_baayonh
عضوة فعالة
يلزم عليك تسجيل الدخول أولًا لكتابة تعليق.
اشتقت لحضن امي
•
مشكورة
الله يسعدك يارب وييسر امرك ونفرح بخبر حملك..
انا بشوف الشهر الجاي لو ماتم الحمل بسوي اشعة الصبغه
الله يتمم ونفرح كلنا .
انا بشوف الشهر الجاي لو ماتم الحمل بسوي اشعة الصبغه
الله يتمم ونفرح كلنا .
ليش يا اختي بنج ، أنا سويت ابرة سعرها 12 ريال مسكنة و لا حسيت بأي شي ،، بس يالله الحمدلله عدت على خير ،،
الصفحة الأخيرة