هلا شخباركم
شخبار بيوتكم نظيفه والا لا؟
المهم
باختصار شقتي عفيسه
حتى لو انظفها ترجع اليوم الثاني تعتفس:(
لاني كسوله ماانظف باستمرار
ابيكم تشجعوني انظف شقتي من والى
تنظيف صححححححححح مش اي كلام
خلاص قررت اصير نظيفه:cook:
ابي اشم ريحة نظافه
وش ابدأ فيه وش اسوي اشلون انظف كل شي
اذا غسلت المواعين هل لازم انشفهم بفوطه والا اخليهم ينشفون لحالهم؟
الارضيات السراميك اشلون امسحهم؟ ترى صدق ما اعرف:44:
عندي الممسحه العجيبه ثنتين صغيره وكبيره اللي عندها كيف تستخدمها؟
كيف انظف النوافذ والجدران؟
الفرن عندي الكهربائي اشلون انظفه؟
غرفتي التسريحه فوقها عفسه حدها
وعلى الاريكه ملابس وشنط
والدواليب حدث ولاحرج
غرفة بنتي الاغراض في كل مكان
كل ما انظفها ترجع تعتفس
طبعا هي ما فيها سرير سريرها معاي فيها دروج لملابسها وفيها كمبيوتر مكتبي وفيها المكنسه والكوايه مع طاوله
المجلس ما ندخل في الا نادر وظيوفنا قليلين بالشهور ما يجي احد
بس انشر فيه ملابسنا
اي صح الستاير اشلون انظفها كبيره وثقيله صعبه اشيلها اغسلها
اكيد وجعكم راسكم من الهذره:rotaeye:
المهم ان كل شي
عفيسه عفيسه عفيسه>>>شكلكم بتسموني عفيسه من كثرما كتبتها:hahaha:
المهم
ابي كل وحده تدخل تقول لنا
1-كم لها متزوجه؟
2-كم عدد اعيالها؟
3-بيتها مكون من كم صاله وغرف وحمامات ومجلس وووو؟
4-والمهم شو نظامها اليومي والاسبوعي في تنظيف بيتها؟ والغسيل والكوي؟ومتى تبدأ كل هذا؟
5-وش الادوات والمنظفات اللي تستخدمها في التنظيف؟
ببدأ بنفسي
1-كم لها متزوجه؟
لي سنه وعشر شهور
2-كم عدد اعيالها؟
بنتي عمرها 5شهور ونص
3-بيتها مكون من كم صاله وغرف وحمامات ومجلس وووو؟
شقتي مكونه من صاله مفتوحه على المطبخ وغرفتين غرفه لي وغرفه لبنتي وللعفسه ومجلس وحمامين حمام للمجلس وحمام داخل وممر صغير للمجلس
4-والمهم شو نظامها اليومي والاسبوعي في تنظيف بيتها؟ والغسيل والكوي؟ومتى تبدأ كل هذا؟
ماعندي نظام
5-وش الادوات والمنظفات اللي تستخدمها في التنظيف؟
للمواعين فيري وقمت احط كلوركس قليل
للارضيات السراميك كل مره نوع
للحمامات فلاش (والحين زوجي قالي لا استخدمه يخرب)
مره استخدمت جف العملاق الجل لونه اخضر هونفس الجلي مش كريمي
ريحته رووووعه
يللا بنات همتكم خلونا نشجع بعض
ونرتب نفسنا:27:
عشان يصير لنا وقت نستناس فيه مع:arb::35:
أحلا حلا @ahla_hla_2
كبيرة محررات
هذا الموضوع مغلق.
أحلا حلا
•
الحين برح انظف المطبخ وبرجع اشوفكم
tutah
•
أحلا حلا :
الحين برح انظف المطبخ وبرجع اشوفكمالحين برح انظف المطبخ وبرجع اشوفكم
1-كم لها متزوجه؟٥ سنين
2-كم عدد اعيالها؟ 0 إدعولي
3-بيتها مكون من كم صاله وغرف وحمامات ومجلس وووو؟ بيتي مكون من الأرضي:صاله+مطبخ +صالون للضيوف ....الطابق الأول :غرفه +حمام .....الطابق الثاني :غرفه +حمام ........الطابق الثالث غرفه الضيوف
4-والمهم شو نظامها اليومي والاسبوعي في تنظيف بيتها؟ والغسيل والكوي؟ومتى تبدأ كل هذا؟تنظيف يوميي على خفيف ....الكوي بعد الغسيل على حسب .....
5-وش الادوات والمنظفات اللي تستخدمها في التنظيف؟ استخدم الخل الأبيض ،مزيل المانيكير،كلوركس،فانش،ديتول........
لي رجعه إن شاء الله
ربي يوفقك إن شاء الله وتصيري ..أحلى حرمه يضرب بها المثل في السناعة والشطارة ...ولي بمثله:42:
كل بنت غالباً تنصدم بالمسؤولية بعد الزواج ...شغل البيت إللي ما يخلص .. الضيوف إللي ما يخلصون ..تربية وعناية بالأطفال ...وزوج يتدلل ...وخاصة إذا كانت مو متعودة عند أهلها .....
بس شوي شوي وتعرف تظبط أمورها ..وممن أعرفهن حولي تحتاج إلى 4 أو 5 سنوات لين تصير الواحدة ربة بيت شاطرة.....
أنا عن نفسي :
1-كم لها متزوجه؟
4 سنوات ونصف.
2-كم عدد اعيالها؟
بنت واحدة عمرها 3سنوات.
3-بيتها مكون من كم صاله وغرف وحمامات ومجلس وووو؟
مجلسين + حمامين + مطبخ + صالة معيشة +غرفة نوم + غرفة مقسمتها : مخزن -كوي-طاولة كمبيوتر.
4-والمهم شو نظامها اليومي والاسبوعي في تنظيف بيتها؟ والغسيل والكوي؟ومتى تبدأ كل هذا؟
الحمد لله الحين ماشية على جدولي بالضبط ...
غسل الملابس مرتين بالأسبوع ..والكوي مرتين بالأسبوع ..مسح الغبار مرة بالأسبوع ..غسل حمام الضيوف مرة بالأسبوع ..وحق الإستخدام مرة في الأسبوع بالصابون والكلوركس .. ويومي شطف بمطهر داك.
مسح وترتيب داخل الثلاجة مرة بالأسبوع ..تنظيف السيراميك مرة بالأسبوع..
أما الأشغال اليومية : المطبخ أكيد ..غسل الأواني مسح الفرن والأسطح والكنس وإخراج القمامة في الليل.
غرفة النوم ترتيبها وكنسها صباحاً..وصالة المعيشة أيضاً..
والتنظيف الشهري عندي جدول ماشية عليه ..كل يوم شوي من تنظيف جدران وأبواب وشبابيك وداخل دواليب المطبخ والتنظيف العميق للمجالس وغرفة النوم.
5-وش الادوات والمنظفات اللي تستخدمها في التنظيف؟
كل مره منظف بس المنظفات المعتمدة عندي ..
الصابون - الفيري - الكلوركس - العملاق الأخضر - مطهر داك - ملمع الزجاج.
أبدأ شغلي طبعاً الصباح بعد ما يداوم زوجي .. والله نشاط وحيوية وبركة في الشغل ..مافي أحلى من الصباح خلاص تعودت عليه ما أقدر أنام حتى لو كنت سهرانة في الليل...مع إني غالباً ما أسهر..
وما يأذن بالظهر إلا وبيتي نظيف ومبخر وغداي على النار ومتحممة ومتعطرة ..وطول اليوم بس ألعب مع بنتي وإلا عالنت وإلا قعدة مع زوجي عالتلفزيون مع قهوة وحلى.
أرجو أن أكون أفدت.
الصفحة الأخيرة