شهرين قليلة جدا
يادوبك ست شهور وباذن الله ترجعين مثل اول واحلى:)
انتي لازم تفهمين زوجك انه كل وحده بتخلف وتولد لازم تتغير وراح ترجع بالتدريج عشان يفهم عليك..
عليك بالحمام المغربي خطييييييير مره بس دوري طريقتة الصحيحه عشان تتقينه لاني اعرف بنات يقولون الحمام المغربي مايسوي شي لانهم مايفركوون بالليفه بطريقه صح..
استعملي سكراب لكل الجسم كل اسبوع مره ولاتنسين الترطيب
والتشققات ياقلبي ماتختفي بين يوم وليله لازم مداومه على نوع واحد من العلاج لمده شهرين ثلاث عالاقل استعملي زبده الكاكو من بالمرز يمدحونها البنات بعد النفاس على طول عشان تخفف من تشققات الحمل وهي اصلا تستعمل بفتره الحمل عشان تمنع التشقات
صدقيني اذا التشققات جديده وحمرا راح تروووح باذن الله ياتقشير او ترطيب او كبسولات فيتامين Eتكسرينها وتستعملي الزيت حقها للمنطقه المشققه (والكبسولات انا قبل حملي كنت استعملها للتشققات في جسمي قديمه ولونها ابيض واستمرييت شهرين وكنت استعمل كونترااكتبس معهم بس مودايم ولاحظت ان الخطوط نحفت شوي بنسبه بسييطه جدا يعني ماختفت بس نقول جالسه تستجيب وان شالله بعد الولاده بكمل على الكورس اللي بديته لو اجلس سنه اهم شي اخفف منها


بالنسبه لوجهك الاقنعه الطبيعيه ومع التقشير بس بنعومه عشان جلد الوجه حساس


يازين الكلام انا مدري وقت النفاس بسوي كل الخرابيط اللي قلتها ولا لا ههههههههههههههه

والله يحليك بعين زوجك يااارب

الله يعينك ياعمري ويسخرلك زوجك عليك بالاسباب

المشكله مايصدق الرجال ان زوجته تتغير علشان ياخذها حجه في الزواج ههههههههههه الله يعين انصحك اختي ان تهتمي بالمنطقه ونتي فاهمه بالادويه الشعبيه مثل فيافي اختي والله تستخدمها مره زينه بس اسالي ناس تسبها وناس تمدحها ترا اذا زانت المنطقه لو انتي سودا
مايقول اهم شي الاعتناء بالدوره والنفاس هذا اهم شي ياخواتي تقبلو مروري ودمتم

مااقول الا مالت على زوجج وعلى مزاجه المعفن

اسمحيلي هذا مومحترم

يعني ولاده وجهاد وبلاوي وتغير هرمونات ونفسيه وجايبتله طفل مثل القمر واخرتها يقولج هالكلام حتى ماعندها حجي احسن من جذي

مالت عليه حتى مالت عليه

الحمدالله والشكر يارب بس

ماعندي غير الله يهديه

يعني شنو بيروح للحرام ولا بيتزوج؟؟ اذا تزوج بتحمل مرته وبتتغير نفس حالتج

يعني بيتزوج عشر حريم ولا شسالفته هذا

هالرجال عليهم غباء وحقاره بشكل موطبيعي

يااختي انتي ليش ذابحه نفسج ومتعبه نفسيتج

خلييه يولي

انتي وحده توج والده وهالشي طبيعي الاسمرار والترهل والبلاوي انتي انجبتي طقل يعني بني ادم مو لعب السالفه

سوي اللي عليج وبس لاتذبحين نفسج

رضى رضى مارضى يضرب راسه بالف طوفه

قسم بالله قهرني كلامه

البنات ما قصروا معاج،، بس أهم شي أبا اذكرج فيه الريجيم،،،، ما ينفع تنزلين 5 كيلو،، حاولي تضعفين أكثر عن قبل،،، يعني لو كان وزنج 65 انزلي 60،،، مع الأيام و الراحة النفسية وزنج بيرد يزيد،،، الريجيم ثم الريجيم ثم الريجيم،، انزلي عالأقل 20 أو 25 كيلو

و بعدين سوي نيو لوك،،،، و لا تنسين السواد اللي فيج ها نتيجة 9 شهور من الحمل و التعب و الوحام و تغير الهرمونات ،، ما بيروح خلال أسبوع،، عطيه 3 شهور كحد أدنى،،

لا تنسين الحمام المغربي و بعد الحمام المغربي ماسكات التبييض و الشد،، و لا تنسين اترطبين جسمج دايما بعد الشاور،، و قبل الشاور بربع ساعة بالحمام افركي جسمج بالخل،،، و تمي تفركين مكان السليولايت بالليفة الخشنة و الخل،،،، و مع الصبر و شوي وشوي بتردين أحلى من أول

بس ريلج لازم يكون صبور،،، أنت تعبتي و عطيتيه الذرية،،، و خليتي يكون أب،،، وهو مب قادر يجازيج إلا بالتهديد!!!

المهم،، يبالج شغل و تعب بس إنشالله بالمثابرة بتوصلين،، و بيني له إنج إنتي قده و قدود