تعالى نظمى حياتك من الأول معانا فى قعدة الستات!!

بتحبى حماتك؟؟لالالالا..تعالى هنا هتحبك وتحبيها!!!

ايمان برافو عليكي بجد ...ربنا يكرمك على مجهودك ... انتي بتوصفي اللي جوانا بدقه ...
انا عن نفسي غير راضيه عن استغلالي لوقتي وبجد بجد بحاسب نفسي على تضيعه من دون انجاز يذكر ... كله بيضيع في العادي...
بس مشكلتي وبجد الولاد ... اربعه يا ايمان موش قادره اظبط وقتهم لو اقدر كنت قدرت اظبط وقتي ... طبعا حتقولولي دي موش حجه بس حقولكم انا بجد غلبت ... وياما عملت جداول يوميه وتشجيع ليهم بس ما فيش فايده ... والمشكله الاكبر موش في الكبار المشكله في بناتي الصغيرين واحده عندها 4 وواحده سنه ...
ايمان بقولك ايه انتي جيتي على الجرح وصحيتي المواجع فيا ... لو تقدري تدبريني دبري ...

اما عن حماتي بحبها ولا موش بحبها فانا موش بكرهها ومقدره التصرفات اللي بتصدر منها ... لو زعلت منها احط نفسي مكانها ولو التصرف كان غير مقبول بحتسب تسامحي معاها عند ربنا ...
لكن موش اخبي عليكم انا كنت بحبها وباعملها بحسن نيه ومحبه ومن قلبي ولكن لم تكن هي كذلك ومع تكرر المواقف اصبحت اعاملها معاملة ترضي ديني وضميري فقط ...
وعلى العموم لو فيه جديد في موضوع الحموات وان احنا نحبهم ... انا معاه وموش حتأخر ... اللي فيه الخير يقدمه ربنا ... منكم نستفيد يا حاجه ايمان ... الا قوليلي انتي حجيتي ولا لسه ... لو لسه ربنا يكتبهالك ويكتبها لكل من يتمناها ولو حجيتي يبقى يا رب تحجي تاني ... بس بشرط نبقى مع بعض ...

إيمان انتي فعلا جيتي على الجرح
انا دموعي هتنزل للمرة التانية في نفس اليوم
مش عارفة اقول لك إيه بصراحة
الموضوع جميل وكبير
وأكبر من أي تعليق ممكن يتكتب في السريع
انما أكيد هنتكلم في الموضوع ده بالتفصيل
انتظروني بعد الفاصل

السلام عليكم ورحمة الله وبركاته حبيبااتى
ما شاء الله عليك يا ايمان كلام موزون ومرتب فعلا
الوقت فعلا هو رأس مال العبد و لقد خلقنا للطاعة وحقا اليوم الذى يملاء بالطاعة بيكون يوم ررررراااااااائع
وانا هناك نمازج كثيررررة أمامى لناس اهتموا بالوقت و أدركوا قيمته وفعلا أعانهم الله
المهم احنا فين من كل ده ..... فعلا لااااازم وقفه وكمان لازم أستمرار
امبارح لما قالت ايمان كل وحده تفكر فى يومها ولى عودة فكرت وخفت قلت وبعدين
فبدأت فعلا بالتنظيم من الامس لان كان عندى حاجات لا تؤجل
رتبت ليومى من الليل فكان يوم رررراااائع
صحيت الساااعة 5 قلت الاذكار لانى حااائض وحضرت شنط المدرسة والسندوتشات والملابس ... الحمد لله كله فى مكانه عشان كده متعبتش
نزل الاولاد الساعة 7 وطبعا قلت اديهم جرعة حنان من باب ادخال السرور على قلبهم وفعلا نزلوا مبسوطين
المهم ريحت فى السرير اتفرج على التليفزيون ( الله يتوب على منه ) نص ساعة وبدأت بورد الحفظ لانى تلميذة خااايبة وكان ميعاد المحفظة ومحفظتش من قبل العيد فكان لاااازم احفظ ماااء وجهى
بفضل الله أنجزت ما كنت مرتبة له حتى العاشرة
كنت من امبارح سلقة اللحم قمت عملت صينية البطاطس و شوحت الشوربة وجهزت لحم الشوى ونقعت الارز
صحيت زوجى على ما فطر والبس وكان الاكل استوى (((( فاهم شىء تبداى بالاكل لان على ما تخلص البيت يكون الاكل استوى ))))
رتبت البيت على السريع ..... لان كا ن عندى عيادة مريض لابنة اخت فى الله وبفضل الله اتممتها ((( ارجو منكم الدعااا لها الشفاء ولا يحرمها نعمة البصر والله يا بنات مشااااكل رهيبة فى العين )))))
اتممت الزيارة وأناراجعة عديت على أمى واختى اطمنت عليهم بحكم قرب السكن
رجعت البيت كانت الساعة 2 وكان البيت خااالص والاكل خاااالص والورد اتحفظ والله التنظيم راااائع
ورجع الاولاد وزوجى رجع قبلهم ((( غدينى _لا _ لما يرجع الاولاد _ والله انت ست مفتريه _ انا هنام ))) هذا ما دار بيننا حتى ناكل كلنا مع بعض والحمد لله رضى بالامر الواقع
رجع الاولاد وغااالبا كنت بسيب الصغير على راحته ماما كمبيوتر قبل الاكل خلااااص هاكل براحتى
قلت برضه لا لما تتغدى وتكتب الهوم ورك وبعدين كمبيونر ولما الجرس يرن خلاااااص ((( بحدد الوقت على الموبايل )))
وحضرت المحفظة بدأت مع ابنى الكبيررر وكان خاايف عشان عنده واجبات ومذاااكرة ومش هيلحق قلت له أهتم بالوقت وانت تنجز واستعن بالله لان الوقت الى قضيته فى الحفظ لله فهو سيمنحك البركة ___ ساعته بالتسطير وترتيب الاولويات على ما خلص الحفظ _ وبدا فى الواجبات بعد ما خلص
شطبت المطبخ __ البوتاجاز ___ واجب الضيافة وقهوة لابو الرجالة ونزل لشغله __ وكان دورى فى الحفظ __ الصغير ما رضى يحفظ حاااجة وجرى منى
لما نزلت عملت كام تليفون برضه عيادة مريض (( اللهم اشفى مرضى المسلمين )) تعشى الاولاد ورتبت على السريع ملابس بينت وملابس خروج وملابس رياااضة
وكااان الييوم راااااائع بسبب التنظيم واالله روعة وراحة وحاس لليوم التالى
رتبت للدخول على التن ربع ساااعة بس والحمد لله قد كان
قلت مش هدخل بالليل واوفر الساعة للنوم __ والحمد لله قد كان ___
لما رجع زوجى صحاانى وده نظامى يا جماعة طبعا مش عاجب ماما لانها تحب السهر والله يا بنات أنا كنت بنام بعد الشروق بس أنا الان مرتاااحة
امام اول اليوم مع الاولاد ولكا يرجع زوجى لانه يجب السهر __ يتصل بى قبل ما يرجع بنص ساااعة أقوم اخد شور ومكياج ودلع واااخد راحتى من غير الاولاد ___ وتبعلى له ما بياخد ساعتين من اليوم و بعدين ننام شوى قبل الفجر
بس هموت واعمل وقت لى فى جوف الليل __ أكيد فقتها بالماااصى ____ اللهم ارزقنا قيالم الليل .. اجعلنا من المستغفرين بالاسحااار .... اجعلنا ممن يبيتون لك سجدا وقيامااا آآآآآمين
طولت عليكم لانى رغااااية
ولكنى طرحت تجربة يوم منظم للاستفادة
اما عن بااااقى الجدول فلى عودة به لان المنبه بيرن فى ودنى ((( نص ساعة بس على النت الصبح ونص بالليل )))) ولاتنسى المنبه للتذكير
على فكرة أنا بعمل بيتى ايام الاثنين والخميس لان التحفيظ الاحد والاربعاء وأنا بشتغل يومين فى الاسبوع بنص أجر
أيام الثلاثاءو الاربعاء والجمعة والسبت مع الاولاد للمذاااكرة لانى بحب أشتغل على روقاان
اليوم ___ كنس وتلميه ومسح وتلميع المطبخ بالجاااز و دعك الحمام _____
ويوم الخميس بخصص غرقة اقلبها __ وعلى هذا تلاقى نفسك نفضتى البيت على مدار الشهر
الماسك دااائما وقت الطبخ بعد صلاة الظهر
أما شعرى كسووولة فى الحمامات بكتفى بحمام الكريم يعد الحمام بس هتحمس واعتنى به
العبادات ((( يجب أستغلال فضول القت بمعنى أآ وقت فاااضى نعمل أى حااجة نقرا صفحة قران نسبح ))) لان على اخر اليوم بيكون الواحد تعب مبيقدرش ينجز وخاااصة مع المذاكرة
**** على فكرة يل ايمان انا كتاب الشهر بتاعى هذه الايام هو أصول الوصول الى الله وووالله اشتريته من اسبوع
مش بقول لك فيه توارد افكاااار ((( الله يجمعنا على الخير )))
اتمنى ان اكون افدتكم ومكنتش مملة
ولى عودة مع باقى الافكااار