miro :

ملوكة صباح الخير قعدتي عملتلنا فيها مش عارفة حاجة وصعبتي عليا جدا وبعدين لما اتسالتي في وسع الدنيا طلعتي ياما تحت السواهي دواهي وده يوضح حاجة مهمة ان لازم كل واحد يدور جواه على الناحية اللي بيتميز فيها ويعتز بيها وينميها يعني كانت خالتي الصغيرة حبيبتي وانا لسه بقول يا هادي وبدخل على مرحلة النضوج كده قالتلي حاجة مهمة قالتلي لازم يكونلك اكلة او نوع حلويات تتميزي فيه ويتقال ده محدش بيعمل النوع ده احسن من مروة وفعلا انا لقيت ان الكيك بحبه اوي وبتميز في عمايلة وفعلا بقيت مشهورة بيه وبحاول اغير في طرق عميلة وده ممكن يكون في اي موضوع تاني يعني تتميزي في حل المشكلات او في الطب الطبيعي والوصفات او في اللغة او اي مجال تاني لازم كل واحد لازم يدور على المجال اللي يبرع فيه

ملوكة صباح الخير قعدتي عملتلنا فيها مش عارفة حاجة وصعبتي عليا جدا وبعدين لما اتسالتي في...

miro :

عطر الشموع هانم هو انتي محامية ولا لا يعني نبقى زمل انا وانتي ونرمينا ولا ايه؟ بس نرمينا هانم الست الدكتورة طبعا كل واحد يلزم حدوده ههههههه وحشتينا يا نرمو اطلعي بقى ةفكي الحصار هههههه على فكرة امبارح وانا مروحة كان الجو تلج ومكنتش عارفة هنتغدى ايه ففكرت وشغلت الفهامة لقيت ان جوزي بيموت في شوربة العدس فكلمت حماتي وسالتها بتتعمل ازاي لاني مش فاكرة وقلتلها خالد بيحبها لوحدها ولا معاها حاجة تانية قالتلي لا حمصيله عيش في الفرن معاها بس ماشاء الله مخدتش وقت خالص وطلعت تحفة وخالد كان هيطير من الفرحة لانه بيحبها فعلا والعيش كان مقرمش ولذيذ وفرح اوي اني عملتها مخصوص عشانه وحسيت ان الموضوع فرق معاه وطبعا قلتله اني عملاها علشانه مخصوص لانه عارف اني مبحبهاش منا مش هفوت الفرصة (؛ ههههههه

عطر الشموع هانم هو انتي محامية ولا لا يعني نبقى زمل انا وانتي ونرمينا ولا ايه؟ بس نرمينا...

ســــجى الليل :

صباح الخير يا جماعه ... بصو انا ما قرتش بتعمق وانما على السريع بس احب اضيف حاجه .. كلام عطر كان جميل ولا يحمل اي نديه في التعامل وخصوصا بالنسبه لمسألة ان كل واحد لازم يتحمل بمسؤلياته ويقوم بدوره ويتعاون مع الطرف الاخر ...وان ده المبدأ ولكن موش معنى ذلك ان المبدأ او القاعده دي تتطبق بحذافيرها وبصرامه انما هناك نوع من المرونه حسب الظروف والاوضاع ... اي طرف في العلاقه الزوجيه لو اتكل على الطرف التاني وبقى ده نظام الحياه دي حتبقى كارثه ...لأنه حيبقى في ظلم واقع على الطرف التاني وزي ما عطر قالت حييجي في يوم وينفجر ولو ما حصلش دا بالتاكيد حياثر على نفسيته وعلى علاقته باللي حواليه وكمان حياثر على صحته ... طب احنا ملفاتنا بدور حول التنظيم ... والموضوع ده اولى حاجه في التنظيم ... توزيع الادوار وتحمل كل واحد بمسئولياته ... دا موش تنظيم ؟؟؟ ... الانسان دائما عنده جواه ميل الى الكسل وعدم تحمل المسئوليه ... ولو ترك الزوج او الزوجه على راحتهم ممكن تزيد الحاله اكتر ويصبح في النهايه احدهم مسئول والتاني شايل ايده من كل حاجه ... ودا غلط لأن الزوجه ممكن تتحمل بعض المسئولياتوتقدر عليها لكن قد تستجد مسئوليات اكبر لن تستطيع تحملها وتحتاج فيها جوزها وساعتها حتبص موش حتلاقيه او حتكون مشاركته ليها مايعه وموش فعاله اوي ...لأنه خلاص ما اتعودش على كده في عنده الناس اللي يتركن عليها ...

صباح الخير يا جماعه ... بصو انا ما قرتش بتعمق وانما على السريع بس احب اضيف حاجه .. كلام عطر كان...