الملكة الرومانسية :

احنا كده متفقين على المبدأ كل واحد لازم يقوم بدوره مش معنى اني أدلع الراجل اني أخليه يتخلى عن دوره تماما ويبقى مجرد خيال مآتة ومكنة فلوس في البيت طبعا ده مفهوم وما دام هيبقى فيه مرونة في توزيع الأدوار يبقى برضه متفقين لكن أحيانا الستات بتنسى نفسها في موضوع توزيع المسئوليات ده زي واحدة صاحبتي كانت متضايقة من جوزها جدا علشان مش بيغسل المواعين ومش بيرضى يغسل طبقه بعد ما ياكل فيه أو كوباياته بعد ما يشرب فيها! وشايفة انه كده رامي كله الحمل عليها وهي بتكره غسيل المواعين وحاسة انها شغالة عنده! هل ده توزيع للأدوار عادل؟ كون انه يساعدني وانا تعبانة حاجة وانه يبقى ملزم بغسيل المواعين علشان انا باكرهها وكفاية عليك اني باطبخ حاجة تانية مثلا بالنسبة لمشاوير الأولاد مين اللي يوديهم ويجيبهم للمدرسة والنادي والدكتور وكده انا شخصيا شايفة انها ممكن تبقى حسب الظروف يعني اللي فاضي أكتر هو اللي يعمل الموضوع ده لكن لازم يبقى الأب له دور وميبقاش رامي المسئولية دي على الأم تماما فيه حد أدنى من الإحساس بالمسئولية لازم يبقى موجود مش زي واحدة صاحبتي برضه كانت أختها الصغيرة تعبانة في نص الليل وباباها رفض انه ينزل يوصلها للدكتور لأن دي مش مسئوليته! وقال لمامتها خديها في تاكسي وروحوا للدكتور!!! الإحساس نعمة برضه

احنا كده متفقين على المبدأ كل واحد لازم يقوم بدوره مش معنى اني أدلع الراجل اني أخليه يتخلى عن...