مرحبا بنات.. هالموضوع بلخص فيه اللي قريته بكتب اجنبيه تتناول هالموضوع..
ليه الرجال يسهر برا مع اصحابه بشكل دايم؟
ليه يسافر لحاله مع اصحابه؟
ليه كل طلعاته ووناسته مع اصحابه؟
واذا زعلتي وكلمتيه زاد بالعناد والاهمال اكثر🤨
ببساطه انتي السبب.. ايه انتي 🤦🏻♀️
لانك تعاملتي معه وكانك امه وجلستي تلاحقينه زي الطفل فهو مرتاح لاهتمامك ومستمتع باستفزازك..
النق بالنسبه للرجل = تعلق = اطمئن زوجتك تحبك
والرجال بينهم فاهمين هاللعبه.. لعبه النفسيات.. ويحرضون بعض ويتفاخرون ان ام العيال زعلانه من طلعاته وسهراته.. ببساطه هذا دليل انك مايته بغرامه.. وكل يوم تعطينه اطمئنان واطمئنان واطمئنان.. بنات فهمتوا اللعبه؟ 😃
طيب متى الرجل يتمادى.. اذا ماحس عنده شي يخسره.. لكنه بيتعدل اذا خاف يخسر حبك.. ايش عكس الحب؟
الجواب: عدم الاهتمام.
العتب او الزعل او حتى نظام انا متضايقه منك.. تحسس الرجل بالاطمئنان والامان وانك متعلقه فيه.. فمايصير عنده رغبه يعطي ويستمر ياخذ من هالتطمينات..
اكثر شي يسعد الرجال انه يشوف غيابه مضايقك.. يتلذذ بهالشي.. يبداها سهر برا ويختمها سفر برا.. وهو عارف انك تنتظرين منه ليله حلوه.. يقوم يجوعك اكثر واكثر.. حتى يعلقه فيك.. وكل مازاد اهتمامك بغيابه كل مافقدتي جاذبيتك بعينه وكل ما هرب اكثررررر..
عشان كذا المستشارين وخبراء الاصلاح دايما يقولون اعملي لك حياه واستقلي عاطفيا وطنشي تصرفاته.. عارفين ان هذا دواء هالحاله.. وان الرجل يرتاح اذا المرأة دارت في فلكه.. ويقلق اذا بينت انها مو مهتمه.. عدم الاهتمام رساله معناها: انا مميزه حتى لو اهملتني وماعرفت قيمتي.. وهنا يحاول يعدل سلوكه حتى مايفقد الكنترول..
اسمعوا هالقصه:
وحده تقول زوجي كل يوم يسهر للفجر ويهملني.. وانا انتظره ويجي يلقاني نايمه بالصاله.. بالبدايه كان يسترضيني بعدين صار يعصب ويقول لحد ينتظرني..
عاتبته مافاد كلمته مافاد سكت وعملت زعلانه مافاد.. الرجال مهملها ومتجاهلها بمعنى الكلمه.. تقول حضرت دورة وتغير تفكيرها..
صارت اذا بيطلع تقول له الله معك بهدوء وتنام بدري.. بعد فتره سألها "ايش غيرك؟".. قالت "ابيك مبسوط مع اصحابك ونفسك".. وهذي اخطر جمله ممكن يسمعها رجل بحياته خصوصا اذا انقالت بابتسامة برووود..
مرت فتره وصارت الزوجة توسع صدرها اذا طلع تشوف افلام والا تعزم احد والا تروح لاحد.. ومره انعزمت على زواج.. طبخت العشاء وقالت لزوجها الاكل بالمطبخ.. ورجعت اخر الليل لقته ينتظرها وما اكل.. قال لها "كنت انتظرك ابغى نتعشى سوا" :)
وصلت الفكرة يا بنات؟
الحمدلله 🌹
يلزم عليك تسجيل الدخول أولًا لكتابة تعليق.
عبير١٣٩٤
•
صح الوحده تهتم بنفسها ونفسيتها افضل يعطيك العافيه
طبعا بنقولكم ك العاده كل رجل يختلف عن الثاني
وفيه ناس تناسب معهم وفيه ناس لا ياخذ وجه ويسهر بزياده دامها ساكته
حتى عنوان الموضوع مستفز ..بتعرفي ليه يسهر زوجك!!
حكمتي ان ازواج كلهم نسخه بعض
وانا اشوف انتي مو مطنشته زي ماتقولي بالعكس تجري وتقري عن الرجل والرجل وليش يسهر وليش يسوي
وبالمقابل تبين البنات يطنشو ازواجهم
وفيه ناس تناسب معهم وفيه ناس لا ياخذ وجه ويسهر بزياده دامها ساكته
حتى عنوان الموضوع مستفز ..بتعرفي ليه يسهر زوجك!!
حكمتي ان ازواج كلهم نسخه بعض
وانا اشوف انتي مو مطنشته زي ماتقولي بالعكس تجري وتقري عن الرجل والرجل وليش يسهر وليش يسوي
وبالمقابل تبين البنات يطنشو ازواجهم
Rawan.n
•
اتفق معك بكل حرف قلتيه 👍🏻 ، بس هالكلام ماينفع مع كل الرجال لان فيه شخصيات يحب يستقل بحياته وشريكته تستقل ويحب الوناسه مع اصحابه اتوقع نمط الغربي او الجنوبي نسيت .. والحل معهم انها تنشب له شوي وتحاول تطلع معاه او تشغله ب شيء ويخفف من الحلسه معهم
طبعا بنقولكم ك العاده كل رجل يختلف عن الثاني وفيه ناس تناسب معهم وفيه ناس لا ياخذ وجه ويسهر بزياده دامها ساكته حتى عنوان الموضوع مستفز ..بتعرفي ليه يسهر زوجك!! حكمتي ان ازواج كلهم نسخه بعض وانا اشوف انتي مو مطنشته زي ماتقولي بالعكس تجري وتقري عن الرجل والرجل وليش يسهر وليش يسوي وبالمقابل تبين البنات يطنشو ازواجهمطبعا بنقولكم ك العاده كل رجل يختلف عن الثاني وفيه ناس تناسب معهم وفيه ناس لا ياخذ وجه ويسهر...
انا معها ان الرجال يختلفون اظن هذا يصلح لزوجك ولا يصلح للبعض وكل وحده اعرف بزوجها صح انها ماتحرق نفسها عشان زوجها بس زين التوازن لا افراط ولا تفريط
اللَّهُمَّ أَلِّفْ بَيْنَ قُلُوبِنَا، وَأَصْلِحْ ذَاتَ بَيْنِنَا، وَاهْدِنَا سُبُلَ السَّلَامِ،
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
اللَّهُمَّ أَلِّفْ بَيْنَ قُلُوبِنَا، وَأَصْلِحْ ذَاتَ بَيْنِنَا، وَاهْدِنَا سُبُلَ السَّلَامِ،
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
الصفحة الأخيرة