تعالي اكتبي قصة كفاحك .. راح يكون مرجع لرفع المعنويات

اليوم بعطيكم جرعة امل صغيرة بها القصة واحلف انها حقيقة وصارت معي من فترة سنة او تزود شوي


المهم عندي وحدة من صحباتي كان نصيبها واقف وعايشه مع اهلها وكللللللللللللللللللل يوم تتصل فيني و قلبها مكسور وتبكي لي من تسلط اهلها عليها


تقول طفشوني طفشوني خلاص باخذ اي احد برضى باي احد بس افتك من قعدتي عندهم


لدرجة انها ماكنت تطلع من غرفتها الا بالليل اذا نامو عشان تروح المطبخ او الحمام


وسبحان الله العام رزقها الله بعريس على هواها بعد ما ياست


ومريحها ماشاءالله لا حول ولا قوة الا بالله الله لا يغير عليها الا لاحسن


صرت اذا اتصلت فيها اشتكي لها تقولي هونيها ت


ذكرين لما كنت اتصل عليك واشكي لك والله ان ذيك الفترة كنها حلم ولا كني عشتها ومن يوم ربي رزقني وانا انغسل قلبي ولا كني مريت بذاك الشقى


الحمدالله يسعدني دايم ويرفع معنوياتي اني اسمع النهايات السعيدة

صاحبتي الثانية كان ابوهم بخيييييييييييييييييل الله يسامحه وعددهم كثيييييييييييير وكانت هي بس الي تصرف على اخوانها وكان تعليمها محدود يادوب خذت سنتين من الجامعة


المهم مرة تهاوشت مع مديرها بالقسم وكانت تشغتل مع اوربين وكنديين محتقرينها شايفينها هي والنعل واحد


لانو ياحرام كانت مادياتها على قدها وكانت صغيرة بالعمر


المهم المدير حقها تهاوش معها ورفع فيها ووقفو راتبها الين تنحل المشكلة


المهم ما بقي احد ماشحذت منه حتى قيمة الغداء ما معها كان وضعها مزري من جد والي ازمني ذيك الفترة اني كنت طالبة بالجامعة ومامعي الا المكافاءة واعرف انها ماراح تكفيها لان عايلتهم كبيرة وهي المصدر الرئيس للصرف لدرجة ان الكهرباء انقطعت عليهم بعز الصيف
والسايق حق الدوام مارضي يجيبها لانها مادفعت له يعني المسكينة تبهذلت اكثر من شهرين


لدرجة والله انها كانت تقول انا ما ادري ليش انا عايشة وبدت تسولف لي وانا قلبي خايف انها تسوي بنفسها شي


بعد فترة انحلت مشكلتها ومشو راتبها ورجعت لحياتها العادية


بعد فترة انا تزوجت و تقدرون تقولون انقطعت علاقتي معها


يمكن خمس سنين شي زي كذا طبعا تغيرت ارقام جوالتنا انا وهي
وبالصدفة شفتها من كم شهر بالمطار وما صدقت مشالله محلوة ومتضبطة و حيل مرتب شكلها


المهم خذت رقمي وعطتني رقمها وما صدقت نوصل بس عشان اكلمها


المهم قعدت تسولف علي قالت لي انها كملت دراستها وغيرت قسمها وطلعت بعثة عن طريق شغلها وخلصت الماجستير ببريطانيا
ولما رجعت نقلت لقسم ثاني ببزشن اعلى وصارت ماشالله نائب مدير واختها بالجامعة الحين ويمشي لها مكافاءة واخوانها الي كانو بالجامعة توظفو الحين وتقول
انهم شايلينها بعيونهم ولا ينسون صرفها عليهم ولا وقفتها معهم


الي ابي اقوله من هالقصة انا احياناً لما نكون بقلب الازمة وبنص الظروف الصعبة مانشوف اي امل ان الامور تنعدل ونقول هذا وضعنا بيظل للابد


لكن سبحان الله مافي شي يدوم خاصة الاوقات الصعبة

موضوع جميل ويبعث عالتفاؤل وجاء بوقته الصراحه
انا احيانا اشعر باليأس و الاحباط
الله يحقق جميع امنياتنا ياااارب

مو ضوعك يفتح النفس

هذي وحده من صديقاتي حياتها صعبه جدا ابوها متسلط ولسانه بذي وبخيل وعيشه قشررر من جميع النواحي اخواتها من يتخرجون يتزوجون الا هي جلست في الهم والنكد لين وصلت حول الاربعين طبعا لاتسالون عن حالها يوم وصلت 30 ماتزوجت انقلبت 180رجه يائسه مكتئبه تقول من بياخذ وحده مثلي معروف ابوها بالتسلط لو البنت كويسه راح ينفرون عشان ابوها واجتمع ابو وكبر سن لكن ربي مانسى ضعفها ولادعائها ربي رزقها بشاب اعزب حول عمرها مدلعها سفرات وحياه ملوووك وصار نصيبها احسمن اخواتها لذا لاتيائسون وادعوا ربكم بيقين