^
السلام عليكم ورحمة الله وبركاته
مساء / صباح الخير
زي ماهو مكتوب فالعنوان كل وحده تقول اش جهزت
فشنطتها حقت المستشفى اش الاغراض الي راح
تاخذيها لك وللبيبي خلينا نستفيد منكم ي كروشات
وحتى البكريات راح يستفيدوا منكم ان شاء الله وحتى الي نست مثلا غرض ماحطته فشنطتها تتذكره وتحطه
انا اشوف اكثر الي يولدوا بعد مايخرجوا من غرفة
الافاقه ويودونها على غرفتها المرافقه الي معاها شايله معاها شنطه ترامس ماشاء الله علشان تلقى حاجه
تدفيها لان تصادف احيان يكون ولادتها وقت مايكون فيه وجبات المستشفى يعني يودونها لغرفتها وقت
الفجر يعني تستنى للساعه ٧ الصباح وبعدين تاكل
ولاتشرب ماينفغ يلا خلوا امهاتكم ولا اخواتكم ترسل لكم هالاغراض بعد الولاده بساعتين اذا كانت ولادتك طبيعيه طبعا
انا كنت مرافقه لوحده قريبه لي كنت انزل واجيب لها الدوافي من الكوفيه الي فالمستشفى
ووحده كانت والد جنبنا بغرفه ثانيه اختها ماشاء الله جايبه معاها غلايه تسوي القهوه والحليب والشاهي
يعني مجهزه اغراضها من كله ماشاء الله عليها
لاوصيكم خذوا معاكم تمره للاحتياط يعني لاجعتوا تاكلوا منها
يلااا ..
اترك المايك لكم و خلونا نستفيد منكم ي كروووشات
بس عندي استفسار بسيط منكم اذا انتم جهزتم
اغراض البيبي فالشنطه تاخذي معاك المدس هذا له
^
^
^
ولابس تكتفوا بالكوفال والطربوش ..
^
وهاذي مني لكم 🌹