اللهم بلغنا رمضان وبارك لنا فيه

بالعادة أجهز كل شئ في وقت السحور السمبوسة أنزلها من التجميد واللحوم

الحلى أسوية مع السحور وفي الغالب يكون مهلبية أو كريمة في الصيف مانشتهي إلا الحلى الخفيف البارد

بعد العصر أبدأ أشتغل بالمطبخ

في الليل الترتيب والتنظيف

فترة الظهيرة أكون في سكون لأني مع الصيام ظغطي ينخفض

اللهم بلغنا رمضان وأحبابنا

الله يبلغنا و اياكم رمضان بصحه وسلام و قبول يارب
انا قبل انام افكر بكره شنو بسوي اصحى الظهر اصلي و اطلع اللحمه او الدجاجه الي محتاجتها و اقرا قران و العصر اطبخ و و اجهز بحيث اجهز كل شي حتى الشي الي بسويه المغرب قلي السمبوسه او الكتفه اجهز و اخلص اغسل الماعين و اقلي الي راح اقليه و ادخل اتروش و ياذن مباشره وانا اتروش
واجهز كل شي و اروح اصلي و افطر و ارتااااح واتابع التلفزيون و اخذ غفوه مرات و اجلس مع اهلي لين يجي نص ليل
مرات فالفجر اذا مروقه استقل الوقت و اسوي شغل الطبخ و لمن اسوي هالحركة
ارتاح ارتاح
هاليوم واستانس وما احاتي
و اتمنى في دا العام اني ما اكثر المهم شي لذيذ و ناكله مو مهم اشيا كثيره و دهون و كروش ههه
بجد مابي امتن
والله يتقبل منكم يارب

ماشاء الله يازين اجواء رمضان
انا يومي عكس الكل يبدء من بعد الفجر مباشره اسوي مهلبيه او تطلي او كريمه ونوعين عصير وادخلها الثلاجه وطبعا تنظيف المطبخ بعد السحور
اجهز اللحمه اما مفرومه او عاديه انزلها من الفريزر للثلاجه بعد كذا انام او اقرء قران حسب التعب الاغلب انام واصحي نص الظهر او قبل العصر لان احيانا يصحوني الصغار اكثر من مره
واول مااصحى اروح ع المطبخ اطلع اللحمه برا واذا بسوي معجنات او لقيميات اعجنها واتركها تخمر الشغل المزبوط يبدء بعد العصر مباشره اركب الشوربه واسوي كميه تكفي 3 ايام وابدء اسوي المعجنات او اللقيمات او بسبوسه طبعا مااحب اتعب نفسي نهائي كله من صحتي لو سويت معجنات اطلع الحلا المفرزن اما اصابع جبنه واحط عليها شيره او كنافه وادخلها الفرن او عيش السرايا وع الفرن يعني شي جاهز قبل
واذا سويت حلا اطلع من السمبوسه المفرزنه مسويه نوعين جبن ونوع لحمه ونوع خضار مع اللحم وكل مره نوع
وطبعا صلصة البيتزا كمان مفرزنه
قبل الاذان ب45 دقيقه بالزبط اجهز اغراض السفره بصحن كبير عندي بالمطبخ واحاول ارتب ترتيب سريع للمطبخ واذا مداني نظفت مااحب انظف بعد الفطور قبل الاذن بنص ساعه اركب القهوه وافرش السفره واجهز عليها الصحون والملاعق والكاسات والتمر والاشياء الحاره أي شي بارد قبل ماياذن بخمس دقايق
والحمدلله رمضان عندي سهالات ولا اشيل همه والتنظيف عميييييق للبيت بشعبان وقسم الضيوف مقفل قبل العيد ب3 ايام اكنسه وامسحه وارجع اقفله ولو جوني ضيوف برمضان اول مايطلعون انظف
سفرتي عباره عن (شوربه اساسيه ومره كل اسبوعين معكرونه بدالها *تمر *عصير برتقال لي وتوت لزوجي وباني واحيانا اتكاسل اسوي لي واشرب معاهم * نوع واحد كريمه او تطلي او مهلبيه ) بعد الفطور نجيب القهوه اما كنافه مفرزنتها قبل او اصابع مفرزنه او عيس سرايا كمان مفرزن طبعا كلها اطبخها بنفس اليوم واذافايقه سويت بسبوسه محشيه تجلس يومين افكر اجربها مفرزنه
بعد التراويح اسوي الشاهي ومعاه اما بيتزا ونوع سمبوسه من اللي بالفريزر او كروسان واحيانا بدون
والساعه 1 اركب السحور والرز احطه قبل صلاة الفجر بساعه عبال ماناكل ونشرب مويا واحيانا شاي اخضر
واذا ناويه اطلع اركب السحور العصر او بعد الفطور مباشره
والاغلب مااطلع برمضان
والله يعيده علينا كل سنه واحنا بصحه وسلامه

اصحى اصلي الظهر والم الهدوم واغسل ملابس والحمامات اكرمكم الله
وانظف البيت يكون نظيف ابدا اشوف ايش اجهز للفطره طبعا ماافرزن الف سمبوسه واقطع للشوربه اصلح حلى وعصير ومااكثررر مره شوربه حلى سمبوسه فطاير او مكرونه وقبل المغرب اتحمم واشيك ع البيت