اللهم بلغنا رمضان
نظامكم حمسني واستفدت منه الله يجزيك خير ياعهد على هذا الموضوع القيم
انا موظفة واداوم برمضان لكن الحمدلله مرتبة وقتي ويومي رغم التعب اللي يصير عليه بس ربي يعين
انا قبل رمضان باسبوع اكون مسويه تنظيف كامل للبيت والمطبخ وارتب المطبخ بشكل خاص طبعا اجيب 2 من الشغالات
اللي باليومية يساعدوني لان ما عندي شغالة ولا احب اخذ الله يغنيني عنهم مافي الا انا وولدي بالبيت ولدي بالمتوسط ماعندي الاهو الله يحفظه
واسوي سمبوسة ل5 ايام وافرزنها وصلصة البيتزا اسوي كمية وافرزنها واصابع الجبن وسبرنغ رول وشيرة كمية اسويها
ارجع من دوامي 3 ما انام طبعا اصلي العصر واقرا قران وادخل المطبخ اسوي شوربة وحلا كريم كرمل اوكنافة وبيتزا ما اكثر تشكيلات ما احب لا انا ولا ولدي والسمبوسة قبل الاذان بربع ساعه احطها بالفرن واسوي قهوة وعصير واحظر التمر والقشطة ويكون باقي لي وقت اجلس اقرأ لحد مايقرب الاذان احظر الفطور ,, بعد الفطور انظف البيت بسرعه اريح نص ساعه واروح للمسجد انا وولدي نصلي ونرجع
وعلى الساعة 12 لازم انام عشان الدوام اصحى 3 اصلي اقرأ شوي واحظر السحور واخلص اشغالي واصلي الفجر وانام لحد 9 واصحى لدوامي وهناك اذا ماعندي شغل اجلس اقرا قران والحمدلله اختم القران مرتين بالشهر احيانا ثلاث مرات اما التلفزيون الحمدلله ما اشوفه ابدا الا اذا كنت فاظية اشوف برنامج ديني فقط
ولما يجي 15 رمضان يجو عندي خواتي طبعا انا بمكة وهم بمناطق ثانيه يكملو الصيام عندي ويروحو قبل العيد بيومين
الحمدلله البيت مايفضى من خواتي واخواني الله يخليهم لي

اللهم بلغنا رمضان لافاقدين ولا مفقودين

يعطيكم العافيه. والله يبلغناه وحنا باتم الصحه والعافيه. ويتقبله منا ومن المسلمين كافهعن نفسي احب اكتب اللي بسويه بورقه علشان اعرف شطلع اذا قعدت ابدا شغل الظهر بعد الصلاه اذا بسوي كريمه او جلي. واطلع اللحم اللي احتاجه او الحشوات اللي ابيها وارد انام شوي والعصر ابدا شغلي ماعندي زحمه ع الفطور علشان كذا ماعندي حوسه كثير السمبوسه والاصابع احشيهم بالليل وانا ع التلفزيون ماحب اسوي شي الظهر غير الكريمه والجلي والله يعينا ع الحر

نضامي لرمضان
امي ماتحب التفريز ابدا
ننام الفجر واحيانا الصباح اصحى الظهر اصلي واقرا واذا نعسانه ارجع انام الى العصر او قبل العصر
طبعا السمبوسه نسويها الليل ونلفها انا وامي
اصلي العصر واقرا قران وبعدها نركب الشوربه
واسوي بيتزا كبيره واقطعها مربعات واذا فيه ضيوف اسويها دوائر صغار شكلها يكون ارتب
واسوي سلطه وكيكه سريعه والعصير والتمر اجهزه
ووقت العصرر طويل مره اذا كنتي مرتبه اغراضك وعارفه وش بتسوين ماراح تنحاسين
اهم شي ع فطورنا تمر قشطه قهوووه شي اساسي وشوربه سمبوسه عصير سلطه اذا ماكان عندنا احد طبعا اسويه مع امي
اخلص واتفرغ للقراءه بعد الفطور لاااااازم نوم نصف ساعه شي اساسي حتى لو شبعانه نوم
بعدها اصحى واخذ دش يصحصحني ونتقهوا ع البيتزا والسمبوسه واذا فيه لقيمات او كيك ننوع مو كل يوم نفس الشي
بعدها صلاة العشا اقفل جوالي واصلي بالبيت ماجمبنا مسجد
بعد الصلاه اشوف شغل البيت
بعدها اجهز لفطور بكره السمبوسه واذا بسوي حلا او سينبون اجهز الاغراض ع جمب
وممكن نلف ورق عنب انا وخواتي
واذا عندنا احد اجلس معاه او اتابع برنامج ديني او قناة بدايه وبعدها نسوي السحور واستغل الوقت بالاستغفار اغلب شي سحورنا كبسه بعدها اخلص شغل المطبخ وبعد صلاة الفجر اجلس اقرا لين انام
الله يبلغنا رمضان ويبارك لنا فيه ويتقبل اعمالنا
اهم شي ياخواتي استغلو الوقت بالذكر والاستغفار ولاتتضايقون من تجهيز الفطور واحمدو الله على نعمته واحتسبو اجر افطار صايم ولاتبالغووون بالطبخ وكثرة الانواع ساعات الليل قليله ثمان او تسع ساعات نوعو بالاكل لكن لاتسرفو ولاتضيعو الوقت كله بالمطبخ
اعتذر عن الاطاله🌹

اللهم بلغنا شهرك الكريم ونحن في اتم صحه وعافيه