تعالي نتسامر !! وش تسوين في الليل !!

الليل سكن و نوم لكن لي في الليل صراع طويل محسوبتكم تعشق السهر حتى النخاع

كل واحد ه منا لها برنامج معين في الليل حبيت اشوف برنامج كل وحده
واعرفكم على برنامجي مع معرفتي المسبقه انه ضيعه

الساعة الثانية عشر الاهل مسنترين عند قناة المجد امي من عشاق البرامج الصيفية حقت المجد
انا وحده ما اتحمل الصجه و كثرة الاناشيد تدوخ الراس اصعد الى غرفتي و اقابل صديقات الحبيبات بنات عالم حواء
ابحث عن الجديد و اشارك بالمواضيع
تجي الساعة ثنتين و اكثر في هدوء حتى,,,,!!!!!!!!!
يقدم الاعصار متمثل في العائلة الكريمة و الاخوات العزيزات مع اطفالهم
في الاجازة كل واحدة مهيته بيتها و جايه في المنتجع بيت الوالد الله يحفظه

و هاتي معارك يا فلان خل و يا علان سكر الدولاب
وعندي بنت اخت



تحسب نفسها كلوديا شيفر تلعب في ارواجي و كحلتي وما تتوب ابدا لها حيل عجيبة و صغر النملة بس
النتيجة للتخريب فعالة
واختي جالسة تتفرج على مجلة او كتاب و هاتي اكل كن غرفتي فاتحتها لهم كفتريا كلية الكل ياكل و لاحد يشيل
الباقي بعده و انا وحده عساي ارتب غرفتي مع مطلع كل هلال بس مو ذنبي هي ما تنحاس الا من يأجوج و مأجوج
الاكسسوارات كل يوم نتفرج عليها بزعمنا انها جديدة ما قلت لكم الفراغ يذبح
ثم يالحبيبات يبدأ وقت الأهتمام بالجمال

ويبدا تطبيق خلطات الشعر او خلطات البشرة خبركم التنويع مطلوب مره الشعر و مرة الجسم و مرة الوجه


و يهجون الأطفال ,,,,,,,,,,



يمه منظر مرعب يا ناعمين وهم الوحوش تهج من شقاوتهم
ياليت بديت بالخلطات من اول الليل و افتكيت من حوستهم
و ما تنسين يالحبيبة مع طول الليل تصلين ركعتين تطلبين من رب العالمين الستر و التوفيق و المغفرة .. امين

يأذن الفجر و نصلي ,,,, ثم نجلس نسولف وما تحلى السواليف الا مع طلوع الشمس
بعض الايام نكون متضورين من الجوع .........:09: وين الاكل ما اقدر انام و انا جوعانه ادري انه غلط لكن اقعد اتقلب في الفراش من الجوع معليش هذا طبعي,,

يجينا الفرج بواحد من الشباب اخواني مصحصح وبيروح يلعب كورة ينقز ويجيب لنا



فطاير لبنه او جبن نأكل و نحمد الله ثم نتسدح و ننوم تصبحون على خير:03:
بس لا تنسون تخبروني ببرنامج كل واحده فيكم