ونيجي لموضوع الاقتصاد :
اول شي مو لازم تشتري ملابس داخلية وشورتات جديدة البسي ملابسك اللي كنتي تلسيها في وقت الحمل لأنك راح ترميها بعدين وحتى الجلابيات ممكن تلبسي من اللي كنتي تلبسيها في الحمل

وبكذا تكوني وفرتي قيمة الملابس الزايدة

ثاني شي التقديمات لا تكثري منها لأنها راح تجيك منها كثير مع الضيوف فحرام ممكن تخرب استغليها وقدميها لضيوف ثانين واذا احتجتي للزيادة وقتها ارجعي اشتري وبكذا كمان قللتي من قيمة التقديمات

ثالث شي ملابس المولود كثري من الغيارا القطنية الخفيفة والكوافيل والربطات لأنها هيا بس اللي راح تحتاجيها في البداية اما الملابس الفخمة للمولود ماراح تقدري تلبسيه لأنه راح ينزعج منها ويبكي صدقيني في ملابس مرررررة ما راح تستفيدي منها
وكمان احسبي حساب الهدايا اللي راح تجيكي من الملابس وعلى فكرة ترى بسرعة الأطفال في الشهر ألأول والثاني يكبروا بسرعة وتصير الملابس ضيقة عليهم وتضطري انك ترجعي تشتري غيرها ملابس اكبر
وبكذا تكوني وفرتي من قيمة ملابس المولود اللي بدون داعي

رابع شي : بعض الأشياء اللي تاخذيها من الصيدلية علشان توفري خذيها من المحلات الكبيرة حقت التوفير او حتى حقت ابو ريالين زي المناديل الأكياس الفوط الصحية القطن واعواد الأذن

وبالنسبة لللطقم جونسون او نونو حق المولود خذيه من الصيدلية وانتبهي للتاريخ بس خذيها اصغر مقاس تراها تكفيه مدة طويلة

خامس شي: نصيحة لا تكثري خلطات كثيرة تاخذي اغراضها من العطار وبعدين ما تلقي وقت تحطيها نصيحة اذا كنت من زمان مجربة خلطة معينة تثقي فيها سويها هيا بس وخذي فيد اوت علشان يقشر الكلف والسواد وبس اصلا يدوب يمديك تستخدمي حاجة واحدة وبكذا تكوني جنبتي نفسك اغراض كثير ما تحتاجيها وكمان مو حلو تكثري اغراض كثير عند اهلك ويوم ترجعي لبيتك تحسي حالك حااااااااايسة ومو عارفة ايش تشيلي وايش تخلي وبالذات اللي تكون في مدينة ثانية غير المدينة اللي حتولد فيها زيي انا راح ارجع ان شاء الله بالطيارة والله يعين

ان شاء الله اكون افدتك يا تونة انتي وباقي البنات

كييييييييييييييييييف اكيد افدتيني ماشاءالله عليكي وافكر اقراء كلامك مره ثانيه وثالثه ورابعه الله يعطيك العافيه ياعسسسسللللللللل ويقومنا بسلامه والنات الباقيات كمان ماقصروا الله يعطيهم العافيه ويقومهم بسلامه

بااااااااااااااك

شوفي انا اغراض البيبي كلها تقريباً كلفتني من 800 الى 1000 ريال
مفرش نفاس لي اشتريته بـ 160 ريال ..
واغراضي من بيجامات وارواب كلفتني حول 200 ريال لاني اخذتها من الهرم والسعر المنافس ماتكلفت فيهم لانهم للنفاس فقط ..
والعطار بحط له ميزانيه 300 ريال او 500 على حسب والله لو 1000 خخخخ مو خساره لانه هو الاهم
والصيدليه بحتاج اغراض لي وخلطات وللبيبي بعد اغراض ومدري كم احط يمكن 500 وان شاء الله تكفي ..

العطار بخليه بعد اسبوعين والصيدليه على بداية التاسع ان شاء الله ..

والذبيحه طبعاً سعرها من 700 الى 800 , راح احتاجها بالنفاس اكيد .. ومهمه يابنات , انتي ماودك تكلفين على اهلك

ودك اغراض كلها معاك ..

الضيوف , ماراح اتكلف , ولا راح اصرف عليهم بتكون الضيافه عاديه جداً جداً وبدون توزيعات ولاهم يحزنون ,

همي الوحيد اني اطلع عروسه واحلى من العروسه من نفاسي .. والله يتمم على الجميع يااااااااااااااارب

اااااااه انا حاسبة الفين لحالها للمستشفى الله يعينا على المصاريف بس الحمد لله موعد ولادتي مضبط عالراتب الجديد

اتوقع انه تكلف مقاضي قبل الولاده وبعدها مع الولاده والصيداليه والذبيحه وكل شيء 15000