تعالي ياالدبة يالي عند التلفزيون

تعالي بقولج يالدبة يالقاعدة جدام التلفزيون من تصبحين ليييييييييييييين تمسين........أقول شهالكسل اللي ما ورد ولا حتى على تنابل السلطان>>>>>منو هذيل>>>>>>>ما عرفهم ....لكن أعرفج أنتي يلي ما يقومج الا الغدا والعشا ولين طق جرس بابكم البيتزا أو راعي الكفتيريا اللي يمج......ماكو الا ييبولي سوولي .....والفقيرة (تيني)>>>>>(أندونيسيتها)....ماكو الا اقليلي واشويلي وعجنيلي....وبيتزا رايحة وهوت دوغ ياي ...يلا عاد عن الربادة اللي مالها سالفة....مسوية حق الخادم رجيم وتمارين رياضية ..... ماكلة الأكل كلة عنها ويا ويلها ان ناظرت فيه...ومطرشتها رايحة ورادة بالطلبات ساعة الدكان وساعة المطبخ .....اى اى اى ......ليش تضحكين عرفتي نفسج .........المهم أنا اليوم جبت لج حل .....ايوة حل .....غصبن عنج بتسمعين وتسويين .....ولا عاد مانجو وغيرة مو بعازتج ....فيه عندة الرشيقة اللي تشتري من عندة وتتمتع بحياتها........بتسمعين ولا لألألألألألأ؟؟؟؟؟؟





أكيد بتسمعين وهذا الحل حق كل واحدة متينة قاعدة قدام التلفزيون(أول وحدة أنا)>>>>(واخزييياااه) ولا تبي تروح جم ولا تبي تسوي تمارين وتستحي تروح تمشي ...المهم الأعذار الخرطي...اللي كل كم عارفينها



أبيج كل ما جت دعاية ما تفرين على قناة ثانية لأ.....أبيج تقومين وتمشين في الغرفة لما تخلص الدعاية ...وبعدين أنثبري على الكرسي لا تخافين مو منحاش... مسكيه لا يطير.....ولما تجي الدعاية اللي بعدها تسويين تمارين لذراعج ....لا تقولين ما عرف...ما غيرها تمارين الصباح في المدرسة....ولا ليكون ما رحتي مدرسة بعد .......تسويينها......وبعدين لين بدأ البرنامج معليه مسامحينج طالعي بس لا تاكلين الا فواكه وخضروات فقط ...تعرفين فقط ...ولا ما مرت عليج !!!!!

وياريت تحطين شوي على قنوات الموسيقى واذا كنت دينة مو لازم ألغي هالخطوة....

والفايدة من قنوات الموسيقى هو الرقص كتمرين و الحرة كتمرين ثاني لعقلج ...عسى يتفتح ويقول لازم أضعف

وهكذا يا بنت الأجواد ....شوفي تلفزيون على راحتج ....وبيكون التلفزيون هو أداة التنحيف الخطيرة لج للأبد