مرحبا حوائيات
افيدوني الله يجزاكم خير بهذا الموضوع
بناتي ب عمر ١٧ و ١٥ و ١٣ سنه معهم جوالات ايفون ...
وبين فتره و فتره نزور اهلي لاحظت بنتي ام ١٥ سنه ماتحب تزور اهلي و ترفض الزياره تكلمت معها و قالت لي :
(( جدتي تضايقني احسها تشك فيني ، اول ماتقومي من عندنا بس تسألني انتي تصوريني ؟
انتي تكلمين أحد ؟ او تسجلين كلامنا ؟
انتي وش تسوين بالجوال ؟ معك رقم عيال عمتك و خالتك ؟
ومره قالت لي انا لازم اقول لأمك تاخذ منك الجوال ..
مع العلم بناتي الثانيات ماتقولهم شئ ... لكن اخواتها يشهدون ان جدتهم تسوي كذا و قالت كذا لأختهم .....
و اخر زيارتين لأهلي لاحظت امي عيونها على بنتي ام ١٥ سنه ، و قالت : فلانه وش يضحكك المفروض امك تبيع جوالك ؟
انا على طول قلت ليش ابيعه لا ان شاء الله بنتي تستاهله ماشريت له الجوال عشان ابيعه ...
و بالزياره الاخيره بنتي ضمتني و تطلبني البقاله و تترجاني و انا اضحك و امازحها ، هنا امي انفجرت وهاوشتني و قالت وش تبي بنتك ؟ قلت ماتبي شئ نسولف عادي ، قالت وليش تضمك ؟
انا ما ادري امي وش بها متسلطه على بنتي و شاكه فيها ... والاحظ عليها تراقب بنتي وين ماتروح .....
بكره بزور اهلي و اتفقت مع بناتي يقولون لأبوهم انهم بيذاكروا و عندهم واجبات و انا اروح لوحدي من العصر الى العشاء و ارجع بيتي .....
وش رايكم ايش الحل ؟
واذا بتكلم مع امي كيف افتح الموضوع ؟
حليمه الحليمه @hlymh_alhlymh
عضوة نشيطة
يلزم عليك تسجيل الدخول أولًا لكتابة تعليق.
مدام امك ماكلمت الا بنتك هذي فمعناه ان بنتك سوت تصرف قدام جدتها
هو اللي خلاها تتسلط عليها
ممكن مايكون موقف كبير
وممكن بنتك تحلف انها ماسوت شي
وهي بالفعل ماتكون سوت شي كبير
لكن تعرفين الحريم الكبار
كل شي عندهم غلط وعيب
يعني مثلا بنتك تجيب سيرة مشاهير رجال قدامها
فأكيد امك فكرها حيودي لبعيد
او تصور نفسها وشافتها امك وعلى بالها تصور لأحد
وعلى العموم لاتتكلمي مع امك
الا اذا صار كلام منها قدامك
مو حلو تشرهين او تعاتبين امك عشان كلام لايودي ولا يجيب
وبناتك لاتقطعينهم من جدتهم
قوليلهم هذي جدتكم وماتتكلم كذا الا عشان مصلحتكم وخوفها عليكم
واتتو وهي موجودة لاتصورون او تتكلمون بالجوالات قدامها
تعرفو الستات الكبار يفسرو الامور غير
هو اللي خلاها تتسلط عليها
ممكن مايكون موقف كبير
وممكن بنتك تحلف انها ماسوت شي
وهي بالفعل ماتكون سوت شي كبير
لكن تعرفين الحريم الكبار
كل شي عندهم غلط وعيب
يعني مثلا بنتك تجيب سيرة مشاهير رجال قدامها
فأكيد امك فكرها حيودي لبعيد
او تصور نفسها وشافتها امك وعلى بالها تصور لأحد
وعلى العموم لاتتكلمي مع امك
الا اذا صار كلام منها قدامك
مو حلو تشرهين او تعاتبين امك عشان كلام لايودي ولا يجيب
وبناتك لاتقطعينهم من جدتهم
قوليلهم هذي جدتكم وماتتكلم كذا الا عشان مصلحتكم وخوفها عليكم
واتتو وهي موجودة لاتصورون او تتكلمون بالجوالات قدامها
تعرفو الستات الكبار يفسرو الامور غير
والله لو انا مكانك اروح أسال امي
واعرف منها ايش في وليش تقول لي أخذ من بنتي الجوال
وليش هي بالذات والاصغر منها ماجت صوبها
اساليها وش شافت من بنتك تدلك وتوعيك وتنبهك هذا ان شافت منها شي
الموقف الثاني انها تضمك وتضحك معك وامك تسال ليش تضمك هذي فيها شي يخص امك مو بنتك ..ليش متحامله علئ البنت كذا..
حتئ ان كانت شافت منها شي او سمعت شي المفروض تكلمك وتنبهك ماترمي نظرات وكلام مستفز من تحت الطاوله وماله علاقه لو مازحتك او ضمتك بنتك ..
اسالي امك وش فيها علئ البنت وش شافت منها وليش قالت تاخذي منها الجوال…
واعرف منها ايش في وليش تقول لي أخذ من بنتي الجوال
وليش هي بالذات والاصغر منها ماجت صوبها
اساليها وش شافت من بنتك تدلك وتوعيك وتنبهك هذا ان شافت منها شي
الموقف الثاني انها تضمك وتضحك معك وامك تسال ليش تضمك هذي فيها شي يخص امك مو بنتك ..ليش متحامله علئ البنت كذا..
حتئ ان كانت شافت منها شي او سمعت شي المفروض تكلمك وتنبهك ماترمي نظرات وكلام مستفز من تحت الطاوله وماله علاقه لو مازحتك او ضمتك بنتك ..
اسالي امك وش فيها علئ البنت وش شافت منها وليش قالت تاخذي منها الجوال…
الصفحة الأخيرة
يمكن ناقلين عنها كلام ومشوهين صورتها عند الجده
او يمكن بنتك سوت تصرف عفوي انفهم من الجده او البنات غلط
لاحظي الكلام اغلبه حذر وخوف من بنتك انها تصورهم او تسجل كلامهم وتنقله للناس
راجعي تصرفات بنتك عشان توصلين للسبب لا تخلينها تعيش دور الضحيه حطي النقط على الحروف
اما الجده ما اعرف وش التصرف المناسب لان يمكن لو فتحتي الموضوع معاها ينقلب ضدك وتصيرين انتي اللي تهاجمين وتهاوشين وتتبلين عليهم
لكن لو صار موقف قدامك لا تستحين اسألي وش السبب اللي خلاكم تظنون هذا الظن هل شفتوا شي منها
وما اشوف ان الابتعاد حل لانك كذا بس تحمين مشاعرها مؤقتا ما حليتي اساس وجذر المشكله