تعانين من الوسواس القهري .. تعالي وبقولج تجربتي ...

السلام عليكم ورحمة الله وبركاته ..

أخواتي الغاليات على قلبي ...

قبل شوي قريت موضوع مثبت عن وحده من الأخوات تعاني من الوسواس القهري ...

فحبيت أطرح تجربتي عل وعسى انها تفيدكم بشي :)

قبل فتره كنت أعاني من الوسواس القهري ..

والله العظيم لو تشوفون كيف استوى حالي ..

كنت ماأقدر لا أنام ولا آكل ولا أيلس ويا حد مول ....

لدرجة أني خفت ان رب العالمين يعاقبني على الأفكار اللي تخطر على بالي ....

بقولكم شي بسيط من اللي كان يستوي ..

وشوفوا أذا نفس اللي صار لي هو يصير لكم الحينه

أولاً تيني أفكار ووساوس وكنت أخاف من مجرد كلمة الموت .... هالكلمه روحها كانت تخليني أموت بدال المره ألف

كنت أبكي بسبب وبدون سبب لأني خايفه من اللي بيستويلي ...

اخاف أسمع أي شخص معلي صوته وودي هذيج اللحظه اني أنهار من هالصوت ..

والأهم من هذا كله الأفكار اللي تييني ...

ومنها أفكار شيطانيه 100 %

وكانت اغلبها عن الدين وعن رب العالمين ...

اذا كان فيج عزيزتي كل هالأشياء فأنا عندي الحل الأكيد :)


اول خطوه تسوينها ..

توكلي على رب العالمين دايماً ..
وكل ماتيج هالأفكار استغفري وتعوذي بالله من الشيطان الرجيم ...

وابغيج تفكرين بشي واحد بس ...

الشيطان يبغي بأي طريقه يبعدج عن درب الهدايه ..

ويسويلج هالموال كله بس عسب انج تنتكسين عن درب رب العالمين ...

وفي الأخير هو أختبار لمدى قوتج وصبرج

والله العظيم اني في البدايه تبهدلت عدل ..

وهلكت امي والله ويايه ...
لدرجة ان امي تعبت نفسيتها وايد ويايه ..
وابويه ماعرف شو فيني ....

والأهم من هذا كله عليج بصلاة الليل ..

بتريح هالصلاه قلبج وبتنامين عدل صدقيني ...

ولا تنسين قراءة القرآن كل ماحسيتي انج بتضعفين مره ثانيه ترى صدقيني انها بتريح خاطرج ..
وحاولي تحفظين القرآن .. وتستغفرين وايد ...

وبعطيج طريقه بسيطه علمتني اياها مدرسه درستني أيام الثانويه ...>>>>>>>>>>>أيام حلوه الحينه استويت عيوز خلاص :42:


هاتولكم موزه .. وقطعوها دواير ..وحطوا عليها شوية عسل ... وحطوها في الفريزر ...

وبعدها سيروا الحمام (( أكرمكم الله )) واترسوا البانيو بماي دافي ... وحطولكم ملح طبيعي ...

وتودنوا فيه ....

عقبها تشطفوا وبدلوا وتوضوا للصلاه ...

اطلعوا وصلوا ركعتين .. وبدعها أقروا سورة يس .. وسيروا كلوا الموز والعسل وحطوا راسكم وارقدوا ..

صدقوني مابتقدرون تفكرون بأي شي حتى بأساميكم ....

وان شالله اكون أفدتكم حتى لو بالقليل من تجربتي ...

والسموحه منكم ...

اختكم::راعبيه