يا ختي وش هالحاله اول شي ساعات دوامك طويله انتي زوجه وام ابدا مااييد تتركين الشغاله مع ولدك كل هالساعات اصلا ماتضمنين وش يصير وانتي تاركتلها البيت فما بالك ولدك معها افضل دوام هو الصباح وولدك خليه في الروضه غير كذا ماانصحك امك معها الحق تزعل ياختي خلاص المفروض انتي ماترضيها على نفسك وقت ماتكوني مطره تخليه عندهم الشغاله تكون مشغوله واختك اكيد عليها واجبات ودراسه وامك الله يعطيها العافيه ربت وكبرت جاء الوقت اللي ترتاح فيه ظروف الحياة صعبه بس الماده مو اهم من نفسك وزوجك وولدك وبيتك خلي زوجك يدور له مصدر دخل ثاني وانتي خليك في الدوام الصباحي انتي اللحين زوجه مسؤله من بيت واولاد هذه وظيفتك الاساسيه والعمل تساعدي فيه زوجك مو لدرجة انك تتحملين فوق طاقتك على شي مو من اولوياتك الشغاله مافي غنى عنها لانك على وجه ولاده دوام غير صباحي ابدا مو لزوجه اذا تبين حياة مستقره وسعيده واسفه على الاطاله

الحل
1- جيبي خدامه وخلي ولدج بالبيت وراقبي وضعهم بكميرات.... الشغله هذاي صارت منتشره عند الموظفات .
2- خذي اجازه لين تولدين وارتاحي وريحي ولدج في بيتكم
3- انقلي دوامج من مستشفى الى مركز صحي لان المراكز الصحيه دوامهم محدد من 7 الصبح الى 4 العصر مو زامات وشفتات
4- امج خلاص سوت دورها وربتكم انتم ومو ملزومه ترجع تربي وتعابل عيالكم فما له داعي تزعلين منها
الله يساعدج حبوبه

نصيحة بما نك ماعندك شغالة
وانتي ماتبغينها وبما نه ما عندك الى واحد نفر نونو
وبما انك حذفتي شفتين ( مدري لية ما اخذتي الصباحي ) سؤال تطفلي
وبقالك واحد

فعندي حل بسيط وهو كتالي
اذا فية بنات و معاك في نفس المستشفى عندهم نفس المعانه
ارفعو خطاب للادارة بانكم تفتحون حضانة خاصة لعاملات المستشفى فقط
تحطون عيالكم فيها وبكذا تكونون متطمنين عليهم تخرجون سوى وتدخلون سوى
طبعن توضفون 2 صباحي ومسائي وانتم تدفعون اجورهم على الراس 200 قلبناهم غنم مساكين ولاكل عليكم
وجيبو ياسعوديات او اي جنسية ثانية بس يكونو في نفس المستشفى
ويكون عندهم برنامج كامل من يوم يدخل الطفل الين تستلمه امة

او اذا ما تعونو معك شوفي وحده من هل ممرضات الفلبينيات وقولي لها تشوفلك وحده بنت حلال تمسك ولدك وقت الدوام
بس تكون اسكانهم حول المستشفى
وبكذا تكون انحلت

اذا ولابد شغالة توكلي على الله وجيبي فلبينية بس مشكلتك انه وقت دوامك غير وقت دوام زوجك يعني ظبطي دوامك
مع دوام زوجك وبعدها قدمي على شغالة عشان تخرجين انتي وزوجك سوى وتدخلون سوى

وكان الله في عونك

انا مو مع الاخوات اللي تقول اتركي وضيفتك والي تقول ليه تحملين مره ثانيه !!!!



اللحين اذا رحنا للمستشفى نزعل ان مافيه موظفات حريم حتى الاستقبال اذا كان رجال نتضايق

نرجع لصاحبه الموضوع

شوفي اختي انت تحتاجين ترتيب بين وظيفتك وبييتك و ابنك لان هذي الدوامه الي انتي فيها راح تتعبين منها كثييير


اول شي دوامك : اذا كان تقدري تحوليه فتره وحده افضل مثل صباحي او مسائي بس عشان تتنضم حياتك ونومك ونوم طفلك

نجي للمشكله الثانيه بيتك و ولدك

ان اشوف ان ولدك تحطينه في حضانه من الصباح الى العصر وتكوني انتي في الدوام لو طلعتي قبل
العصر تمرين وتاخذينه معك حتى لو ماانتهى وقت الحضانه ( لان فيه حضانات وروضات بالساعات )
بكذا ماتحتاجين تخلينه عند امك او احد ثاني

نجي لبيت : لازم تجيبين شغاله للبيت ترتبه وتنظف وقت ماتكوني برا بس ترجعي تلاقين البيت نظيف وبنفس الوقت
ولدك بالحضانه يعني الشغاله متفرغه للبيت واذا كان عندك دوام مسائي تمسكه الشغاله فقط بالليل

وامك : انا اشوفك مقصره معها تقربي لها بالهدايا ولا تضايقينها بولدك هي مو ملزومه فيه وتبي راحتها في بيتها

أقدر أساعدك اذا انتي من المدينة