صباح الخير

ما عندي عزيمه

ما ادري وش صار لي

مع اني ما كلت شي من الصبح

بس مالي خلق ادخل في رجيم

الدوره موعدها اليوم وبكره

واعصابي بالارض


ودي ابكي

لالالا

ساعدوني ما ابغي انسحب


ودي انزل تحت ال 60

السلام عليكم ورحمة الله وبركاته

كيف حالكم بنات..

بيتزا.. الله يسلمج ويعافيج.. والحمدلله انا الحين بخير بس عندي مراجعة عقب شهر عشان يتأكدون إن كل شيء تمام.. الريجيم اللي انتي ماشية عليه شفته ووايد حلو.. وإن شاء الله انا ناوية أسويه من أخلص ريجيم عذاري اللي طبعاً وقفته معظم الاسبوع الماضي .لا تحاتين نزول لوزن البطسء .. لأن اللي ايي بسرعة يرد أسرع وكلنا مجربين.

الصائمة لله.. والله ما أعرف اذا الكيس طلع فجأه لكن اعتقد مافي شيء يطلع فجأه كله تراكمات .. بس أنا كنت احس إني ما اسمع عدل .. ويوم فحصت قالولي اللي قلتلج اياه .. أما عن المستشفيات لا تتخبرين .. أنا مرة كانت عيني اليسرى ادمع وتحرقني جان يقول لي الدكتور إن اليسرى بخير واليمنى فيها التهاب .. صراحة شيء غريب.. بس هم اخبر بشغلتهم.
وزني الحمدلله نزل صح مب وايد لكن انا استغربت نزول وزني معني الاسبوع الماضي في المستشفى كنت اكل من أكل البيت وطبعاً وقفت الرياضة (( اتخيل عمري اتنقز في المستشفى بيقولون ينت)) وزني الحين تقريباً 77 هذا اللي يطلعلي في ميزان البيت العادي ..أما في الميزان الرقمي اللي انا كنت ماشية عليه في الجامعة للأسف موقفينه ومب مشغلينه من كم يوم.. فما قدرت اوزن ..تصدقين شو قلت لما جفته مبند قلت يارب يكون خربان ويزيد الوزن وهم احين يصلحونه لأنه يزيد كيلوين عن ميزان بيتي وعاد انا اتمنى انه ميزان البيت هو اللي يكون صح.

waae .. لا لا لا لا توقفي صدقيني انج بتلاقين صعوبة اكثر انج تبدين فريجيم مرة ثانية لإنه الإنسان يوم يدش فمزاج الريجيم يلاقي صعوبة اول شيء بعدين الأمور تهون .. كملي فيه حتى لو شوي متضايجة أو لو شوي خربطتي أحسن من ولا شيء .. شوي شوي وإنشالله من تضعفين ولو نص كيلو بتزيد العزيمة ..صح وإلا أنا غلطانه يا بنات.؟؟

يالله مع السلامة ..

بنات نقلتلكم هالريجيم الروعة من موضوع الأخت الغالية نبض .. شو رايكم فيه .. والله ولا كأنك مسوية ريجيم




الفطور ( ثابت ):
شاي او قهوه
2 توست او 1 صمون أو ½ رغيف خبز
3 قطع جبنة ( بيضاء او صفراء) قليلة الدسم
حبه خضار ( طماطم أو خيار أو خس )
كوب عصير فاكهه ( برتقال أو تفاح أو أناناس أو كيوي أو جريب فروت)





وجبة خفيفة ( يمكن تناولها في أي ووقت وهي ثابتة):
3 حبات فاكهه او 9 حبات تمر
أو
شاي او قهوه بدون حليب
أو
2 قطعة بسكويت ( دايجستف أو أي نوع خاص بالرجيم)




وجبات الغداء والعشاء اليومية:
الغداء 1: 2 كوب رز + 3 كوب خضار مطبوخة + كوب لبن او روب
العشاء1: علبة تونه مصفاه من الزيت + كوب ذرة او فاصوليا حمراء + 3 حبات فاكهه


الغداء 2: قطعة سمك مشوي + 30 حبة بطاطا مقلية + 4 كوب سلطة بدون زيت + 2 كوب رز او رغيف خبز صغير + كوب عصير فاكهه
العشاء 2: 1 هامبرغر بدون مايونيز + 2 كوب سلطة + كوب روب او لبن + حبة فاكهه 3 حبات تمر


الغداء 3: قطعة دجاج مشوي + 2 كوب رز + 4 كوب سلطة + كوب لبن او روب
العشاء 3: 2 سيخ مشاوي أي نوع + ½ رغيف خبز + حبتين خضار مشوية + 3 حبات فاكهه


الغداء 4: 2 كوب معكرونه سباغيتي مع الصلصة واللحم المفروم + كوب لبن او روب + كوب عصير فاكهه
العشاء4: 4 توست + 2 ملعقة لبنه + 3 قطع جبنة بيضاء او صفراء + حبتين خضار مقطعة + حبه فاكهه


الغداء5: قطعة متوسطه من اللحم+ ½ رغيف خبز أو 2 كوب رز+ 2 كوب خضار مطبوخة + كوب لبن او روب
العشاء5: ا سندويش شاورما + كوب عصير كوكتيل


الغداء 6: 2 كوب من البطاطا المهروسة مع الحليب والزبده أو 4 حبات بطاطا + قطعة من اللحم + 3 كوب خضار مسلوقة + كوب لبن او روب
العشاء 6: كوب فول او حمص + ½ رغيف خبز + 3 حبات خضار مقطعة + 3 حبات فاكهه.


اليوم السابع: أعيدي يوم من الأيام السابقة




على فكرة نزلت عليه 3.5 كيلو بإسبوع وكنت ملتزمه فيه حرفياً

يسلم سلسانج يافتاة القرآن ،صدق ان الوحدة من تودر الريجيم ،صعب ترجع لة
وبعدين ياwaae حتى لو الدورة قريبه خففي من الاكل شوي ووووووووووووووووووووووووووووووووزني بعدها وكملي ريجيم وان شاء الله كل شي ممكن ،ماشي على الله بعيد!!!!!!!!!!!!!!!!!!!