تعبت ابي حل جذري لمشكلتي

السلام عليكم ورحمة الله وبركاتة
اسال الله لي ولكم صالح الاعمال بقروب دخول العشرة من ذو الحجة
انا زوجي مريض نفسي وكبير بالسن من البيت للمسجد لغرفته 😭
احاول قد ماقدر اجنبه مشاكل اولادي لانه يتاثر وينتكس
راضيه ولله الحمد بقضاءه وقدره
مشكلتي تتلخص في اختي وزوجة اخوي عارفين اني ماطلع من بيتي لاازور جيران ولاغيره احياننا اطلع مول العب اعيالي واعشيهم وارجع بسرعه عشان زوجي يتعب اذا كان لحاله
كل جمعه تزورني هي وبناتها طبعا عندها اولاد وبنات متزوجين بس ماتزورهم عشان مايتكلفون
وزوجة اخوي كل خميس تزورني
طبعا يجون من العصر ولا معهم لا حلا ولاغيرة
اضطر اصلح حلا وعشاء واقابلهم
والميزانيه ع قدنا اضطر اخبي جزء من الميزانيه اشتري في اغراض الحلا والعشاء اذا زاروني
تعبت المح لهم ان الخميس والجمعه اجازة لي ولعيالي
لكن لاحياة لمن تنادي
اقفل جوالي يرسلون لي بالواتساب حذفت برامجي
صارو يجون للباب مباشرة
والله اني احب الناس واجتماعيه لكن تعبت كل اسبوع كل اسبوع شي ممل
واللي يغث مايقولون لي تعالي ابد
فهمت زوجة اخوي وضعي لكن مايهمها كل اسبوع تجي وماتروح الا وحده بالليل
ماقدر اصارح اخوي لانه معي عسل ولو احتجت سلف ع طول يعطيني او واجهتني مشكله يوقف معي
اختي لمحت لها وتشوف ان زوجي منعزل بغرفته وكل شوي اتردد عليه
ولا فارقه معها
ولدي يقولي انتي سلبيه مالك شخصية 😔
اتمنى القى حل من الحكيمات