شوفي حبيبتي بعطيك طريقة كبسه من دون بهارات تهبل
في البدايه نظفي الدجاج أو اللحم وحطيه بالقدر وإضيفي البصل المقطع جوانح وكم حبة ثوم وقطعة زنجبيل أخضر و3حبات هيل و3حبات مسمار وعود قرفه وقرنين فلفل حار وملح حسب الرغبه وغطي على القدر وخليه ربع ساعه على نارهاديه طبعاً الرز مغسل ومنقوع من قبل ماتبدين
بعد ربع ساعه بتلاقين الريحه واو إرفعي الغطا بتلاقين الدجاج طلع مرق صبي المويه المغليه وخليه يطبخ على نار عاليه لمدة نص ساعه شيكي عليه إذا إستوى
إنتبهي مو تنشف المرقه المويه خليه تغطي الجاج زياده حبتين
طيب الحين إستوى الدجاج إنشليه وصفي الرقه بمنخل صغير اللي بيد حطي البصل والثوم والبهارات مع الدجاج وحمريه بالفرن
صبي الرز على المرق ويكون مغطيه بمقدار إصبع يعني 1سم تقريبا خليه لم يطلع حفر على وجه ارز خففي النار على التطفيه وقصدري القدر وخليه 10 دقايق (طريقة طبخ الرز على حسب اللي تستخدمينه أنا باب الهند أو أبو شماغ )
طيب الحين قطعي بصل تقطيع ناعم وحمسيه بشوي زيت لين يحمر وحطي ملعقه أي بهار عندك وشوي هيل مطحون ومسمار وكركم وجزر مبشور
إفتحي القصدير وسوي حفره بوسط الرز وحطي الحشو دقيقتين بعين ياحلوه عند الغرف شيلي الحشو مع شوي رز
وإغرفي وحطي الدجاج على الوجه والحشو حوالينه وقدمي مع سلطه وزبادي
وسلامتك
شوفي حبيبتي بعطيك طريقة كبسه من دون بهارات تهبل
في البدايه نظفي الدجاج أو اللحم وحطيه بالقدر...
كل ماعليك ادخلي وسوي الوجبه اللي بالجدول لليوم اللي انتي فيه وبس وصدقيني راح اتحبين الطبخ اذا نظمتي وقتك زين لانك نفسيا مرتاحه عارفه وش بتسوين وفوق هذا منوعه في اطباقك مادام زوجك يحب التنويع عساني ااكون افدك