انا تزوجت وعمره ٣٤
وانا ساكنه بالرياض وتقدم لي ومدحوه الناس وهو شخص كويس رغم انه مثل الرجال الاولين شديد على المراه
وهو ساكن عند اهله بقريه تعتبر نائية تبعد عنا منطقه كبيره ٤٥ كيلو
ومجتمعه تشدد وانا تعبت الحياة هذي ماتناسبني
مانقدر نطلع زي الناس حتى لو احتاج بقاله وهو مو فيه مقدر انزل اشتري اغراضي غير استناه يجي
قبل اوافق قالو لي الناس تقدري تتحملي العيشه بقريه قلت عادي مو مهم اهم شي الرجل كويس
زوجي كويس بنسبة ٦٠ بالميه ويحاول يرضيني لكن فيه اشياء متمسك فيها جدا
تشدده على المراه وانه مايبي لي راي ويبيني سمعا وطاعه ويشوفني متمرده لاني اطالب بحقوقي العاديه اننا نطلع مع بعض ننبسط مالنا ومال نظرة مجتمعه
زوجي يزين يومين والثالث تنقلب هوشه بينا
انا تعبت من المجتمع ماني قادره اتحمل كل يوم اشوف اهلي بالرياض يصورون طلعاتهم مع بعض. وكوفيهات ومطاعم ومبسوطين والحياه حلوه عندهم الا انا محبوسه بالبيت ومافيه طلعات للمنطقه القريبه منا
وممنوع اقابل صديقاتي وومنوه اروح سوق لحالي او اقضي اي شي او حتى ارفع جوالي واصور صار زوجي ينتقد كل شي اسويه ويحاسبني عليه
سالفة اني اعيش مثل حياتي قبل لا عنده انها عيب
هو كويس بس متشد ومجتمعه متشددين على الحرمه وانا ماتععودت كذا
هم عندهم الحرمه مالها راي بس تحمل وتولز وتنظف بيتها
مايحبون الحرمه الملمه بكل شي واللي لها حياة قبله
ليتني دريت ان تفكيره كذا ماوافقت
صعبه اتطلق انا حامل وسبق واجهضت
كل يوم بالليل ابكي وزوجي يقولي ايش فيك واسكت مقدر اقوله اني ندمت اني تزوجت وسكنت بمنطقه نائيه واني انحرمت من الحياة
الحياة حلوه ودي اعيشها بتفاصيلها ماتوقعت اني بكون مكتومه كذا
ومره اقترحت عليه نسكن بالمنطقه اللي تبعد ٤٥ كيلو وعصب علي وقتم يتكلم وقال تبيني اتركً امي وابوي عشانك وعشان انانيتك تبين تبعديني عنهم؟
المشكله ابوه وامه وخواته بنفس القريه واخوانه ٤ ساكنين بنفس القريه يعني امه وابوه عندهم اخوانه
انا تعبت من هذي الحياة هو كويس بس انا ابي اعيش الحياة مابي كل شي حسره
مابي اسوي الشي معاه وانا خايفه
كان ودي اتزوج زوج سلس وسهل ويحب الحياة ومتفهم ماهو معقد وعنده الالتزام ضد المراه!
صعبه اتطلق منه لكن اعطوني حلول وش اسوي انا تعبت مرات يطلع ابكي الين راسي يصدع
تكفوون ابي حل
مابي القريه 😫💔 حاسه اني جالسه ادفن نفسي هنا
دايم احس ان هذا المكان وهذا العالم مو عالمي
تفكيري غير عنهم وكل شي غير
عجزت اتاقلم
وردتين @wrdten
عضوة جديدة
يلزم عليك تسجيل الدخول أولًا لكتابة تعليق.
حاسه بكل كلمه بس بقول لك زوجك لاتخسرينه لاتفرطين فيه انتي تبين حياة المدينه مع ان حياة القريه اهدأ واريح للنفس واجمل حتى لاولادك بكره تكون هي الافضل وبتكتشفين مع الزمن خصوصا انهم عند اهلهم وجماعتهم شوفي لما نتفرج على الارياف باليوتيوب جدا تجذبنا حياتهم مع انهم يكرفوووون كرف وكثير عالم حتى الاجانب يتمنون حياة الريف انا اقرأ تعليقاتهم عارفه بتقولين وش جاب ريفنا لريفهم 😁 بس البساطه جميله وناقشيه على الموقف خليه يقتنع يا يقنعك وتلقين معه حق او تقنعينه انتي لكن تبكين مع السكوت غلط بعدين تتولد داخلك افكار ضده انتي مثلا اذا رفض شي ناقشيه باسلوب ترى الاسلوب مهم حاولي تتفهمون بعض لازم كل طرف يفهم الثاني ويقدر اراء الطرف الاخر وبنفس الوقت بيني له واثبتي له انك انسانه ناضجه وتكره التفاهه
عنود فهد :
ليه تزوجتيه من اساس طالما انك تعرفين عقول القرويين على قولتك على العموم انت مشتاقة لاهلك وتبين تقعدين عندهم السالفة مب سالفة قرية ولا هجرة كل العضوات تفكيرهم عند اهلهم والدليل انك تتابعين فيديوهاتهم وش سووا ووش ما سوواليه تزوجتيه من اساس طالما انك تعرفين عقول القرويين على قولتك على العموم انت مشتاقة لاهلك وتبين...
قلي كلمه طيبه او اصمت
منيـــرة
•
وانتي وينج طول فترة الخطوبة والملجة ما عرفتي تسألينه شنو متوقع منج وشلون بتكون حياتكم
خاطري اعرف شتسولفون فيه اذا ابسط الامور عن بعض ما تعرفونها معقولة يعني تتزوجين واحد ماتعرفين شنو منتظر منج من واجبات وشنو بيعطيج كحقوق !!!!!!!
وتقولين مب قادرة تتحملين ولا قادرة تتطلقين ما فهمت يعني نروح نقنعه لج مثلا والا نسوي لكم سحر عند ام عباس عشان يصير خاتم فصبعج؟ ترى دايما الحل انج تكملين وتتحملين وتتقبلين او تنفصلين لان مالج سلطة عليه ولا تقدرين تتحكمين فيه ولا تربينه من اول وجديد ولا تعيدين برمجة مخه وقناعاته
ودام انتي اللي اخترتي توافقين على شخص ما سألتيه عن الامور اللي تمنيتيها ورضيتي تتزوجينه تقبلي واقعج وخلج قد مسؤولية اختيارج وركزي على ال 60 اللي تتكلمين عنها ولا تقارنين نفسج بهلج لان ماذبح الناس الا المقارنات
خاطري اعرف شتسولفون فيه اذا ابسط الامور عن بعض ما تعرفونها معقولة يعني تتزوجين واحد ماتعرفين شنو منتظر منج من واجبات وشنو بيعطيج كحقوق !!!!!!!
وتقولين مب قادرة تتحملين ولا قادرة تتطلقين ما فهمت يعني نروح نقنعه لج مثلا والا نسوي لكم سحر عند ام عباس عشان يصير خاتم فصبعج؟ ترى دايما الحل انج تكملين وتتحملين وتتقبلين او تنفصلين لان مالج سلطة عليه ولا تقدرين تتحكمين فيه ولا تربينه من اول وجديد ولا تعيدين برمجة مخه وقناعاته
ودام انتي اللي اخترتي توافقين على شخص ما سألتيه عن الامور اللي تمنيتيها ورضيتي تتزوجينه تقبلي واقعج وخلج قد مسؤولية اختيارج وركزي على ال 60 اللي تتكلمين عنها ولا تقارنين نفسج بهلج لان ماذبح الناس الا المقارنات
الصفحة الأخيرة
على العموم انت مشتاقة لاهلك وتبين تقعدين عندهم السالفة مب سالفة قرية ولا هجرة
كل العضوات تفكيرهم عند اهلهم
والدليل انك تتابعين فيديوهاتهم وش سووا ووش ما سووا